1 Makani 23
23
Milimo yaba-Levi
1 #
1 Bam 1:33; 1 Mak 28:5; 29:22-25 Lino Davida naakacembeede akuba amyaka minji loko, wakabika mwanaakwe Solomoni kuti abe mwami wa-Israyeli.
2Nkabela Davida wakabunganya bapati boonse ba-Israyeli abapaizi abaLevi, 3#My 4:3Ba-Levi boonse ibakajisi myaka iili makumi otatwe nanka kuya kunembo bakabalwa, nkabela mweelwe wabaalumi wakasika kuzyuulu zili makumi otatwe amusanu azitatu, 4#Dt 16:18; 1 Mak 26:29; 2 Mak 19:8Lino Davida wakati, Akati kabaaba, bantu bali zyuulu zili makumi obile azine baleelede kubeleka milimo yaŋanda ya-Jehova, bantu bali zyuulu zili musanu acimwi baleelede kuba basilutwe ababetesi, 5#2 Mak 29:25,26; Am 6:5bantu bali zyuulu zyone baleelede kuba basimilyango, abantu bali zyuulu zyone baleelede kutembaula Jehova azilizyo nzindakapanga kukutembaula. 6#Kul 6:16; My 26:57; 1 Mak 6:1; 2 Mak 8:14; 29:25; 31:2; 35:10; Ezr 6:18Nkabela Davida wakabaandaanya inkamu inkamu mbubonya mbuli bana ba-Levi, Gerisomu a-Kohati a-Merari.
7Bana ba-Gerisomu mbaaba: Ladani a-Simeyi, 8Abana ba-Ladani mbaaba: Jehieli mupati, a-Zetamu a-Joeli, bali botatwe. 9Abana baSimeyi mbaaba: Selomoti a-Hazieli a-Hanani, bali botatwe. Mbombabo basilutwe banzubo zya-Ladani. 10Abana ba-Simeyi mbaaba: jahati aZina a-Jeusi a-Beriya. Aba bone boonse bakali bana ba-Simeyi. 11Jahati kali mutaanzi, a-Zina kali wabili, pele Jeusi a-Beriya teebakazyede bana banji, aboobo bana babo bakabalwa mbuli luzubo lomwe buyo.
12 #
Kul 6:18; 1 Mak 6:2 Bana ba-Kohati mbaaba: Amiramu, Izara, Hebroni, a-Uzieli, bali bone. 13#Kul 28:1; My 18:1,7; Heb 5:4; Kul 30:7; Lev 10:1,2; My 16:40; 1 Sam 2:28; Dt 21:5; My 6:23Abana ba-Amiramu: Aroni a-Musa, Nkabela Aroni wakabikwa kuti asalazye zintu zisalalisya, kuti walo abana bakwe batente tununkilizyo lyoonse kubusyu bwa-Jehova, akumana milimo akulongezya bantu muzina lyakwe lyoonse. 14Pele bana ba-Musa muntu wa-Leza balaambwa mumusyobo wa-Levi. 15#Kul 2:22; 18:3,4Bana ba-Musa mbaaba: Gerisomu a-Eliezeri. 16Abana ba-Gerisomu: Sebuyeli mutaanzi. 17Abana ba-Eliezeri: Rehabiya mutaanzi. Eliezeri katakwe bana bambi, pele bana ba-Rehabiya bakali banji loko. 18Abana ba-Izara mbaaba: Selomiti mutaanzi. 19Abana ba-Hebroni mbaaba: Jeriya mutaanzi, a-Amariya wabili, Jehazieli watatu, a-Jekameamu wane. 20Abana ba-Uzieli mbaaba: Mika mutaanzi, a-Isiya wabili,
21Bana ba-Merari mbaaba: Mali a-Musi. Bana ba-Mali: Eleazara a-Kisi. 22#My 36:6Nkabela Eleazara naakafwa katazyede bana balombe, kazyede basimbi luzutu, Lino bakwabo bana ba-Kisi mbobakabakwata. 23#1 Mak 24:30Abana ba-Musi: Mali, a-Ederi, a-Jeremoti, bali botatwe.
24 #
My 10:17; 1:3; 4:3 Mbaabo bana ba-Levi anzubo zyabo, bapati banzubo mbubakalembwa, mweelwe wamazina niwakabalwa, bantu boonse ibakali kubeleka milimo yaŋanda ya-Jehova, ibakajisi myaka iili makumi obile na kusotoka, 25Nkaambo Davida wakaamba kuti, Jehova Leza wa-Israyeli wapa bantu bakwe luumuno, alimwi ulikede mu-Jerusalemu lyoonse. 26#My 4:5Lino ba-Levi tabaceelede kuyumuna itente lyambungano azibelesyo zyamilimo yalyo, 27(nkaambo mbaabo ba-Levi ibakabalwa kumulazyo musyaalizi wa-Davida, boonse ibakajisi myaka iili makumi obile nanka kusotoka), 28pele ceelelo cabo ncakugwasya bana ba-Aroni mumilimo yaŋanda ya-Jehova. Bapegwa milimo yambanza ayamaanda aamukati, amilimo yakusalazya zintu zyoonse zisalala, amilimo imwi iiyandwa muŋanda ya-Leza, 29#Kul 25:30; Lev 24:5-9; 1 Mak 9:29,32; Lev 6:20; 2:4; 19:35akugwasya kumilimo yazinkwa zituulidwe, ayabusu bwakupaizya, atubunge twazinkwa zitajisi buswezyo, azipaizyo ziyokedwe, azipaizyo zivwelene amafuta, azibelesyo zyakweeleka azyakupima. 30#1 Mak 6:31-33; 9:33; 2 Mak 31:2; Int 135:1,3,19,20; Ciy 5:8-14; 14:3Nkabela zifumo zyoonse baleelede kwiima kukulumba akutembaula Jehova, akuciindi camangolezya mbubonya, 31#My 10:10; Int 81:3; Is 1:13,14; Lev 23:4akuziindi zyakupailila Jehova buzuba bwa-Sabata abuzuba bwamwezi mupiya amapobwe, mbubonya mbuli mweelwe aziyanza ziyandwa, bacite mbubonya kubusyu bwa-Jehova. 32#My 1:53; 3:6Baleelede kulanga itente lyambunganino acikombelo cisalalisya, akugwasya bakwabo bana ba-Aroni mumilimo yaŋanda ya-Jehova.
Currently Selected:
1 Makani 23: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
