1 Makani 22
22
Davida mbwaakabamba milimo yakuyaka intempele
1 #
Dt 12:5; 2 Sam 24:18; 1 Mak 21:18-28; 2 Mak 3:1 Lino Davida wakati, Mpoonya ano iŋanda ya-Jehova Leza mpiielede kuba. Mpoonya ano cipaililo cakutuuzya caba-Israyeli mpocisi yakilwe.
2 #
1 Bam 9:21
Nkabela Davida wakalailila kuti bayobolole bazwamasi ibakakede munyika ya-Israyeli, elyo wakabika basikubeza mabwe kuti babambe mabwe mabotu aakuyasya iŋanda ya-Leza. 3#1 Bam 7:47Abwalo butale Davida wakabuvuzya, kuti bapange inembe zyamilyango yamanjililo azijatilizyo, amukuba munji loko uuteelekeki, 4#1 Bam 5:6azisamu zyakedari zitabaliki, nkaambo ba-Sidoni abaTuro bakali kuletela Davida zisamu zinji zyakedari. 5#1 Bam 3:7; 1 Mak 29:1Nkaambo Davida wakati, Mwanaangu Solomoni ucili mwana, tana kucenjela, alimwi iŋanda iiti yakilwe Jehova ilyeelede kukomena loko, ibe ampuwo abulemu muzisi zyoonse. Nkaambo kako ndyeelede kulibambila njiyo. Aboobo Davida wakabamba zibelesyo zinji katana kufwa.
6Elyo wakaita Solomoni mwanaakwe, wamulailila kuti ayakile Jehova Leza wa-Israyeli iŋanda. 7#2 Sam 7:2; 1 Bam 8:17; 1 Mak 17:1; 28:2; Inc 7:46; Dt 12:5Davida wakaambila Solomoni kuti, Mwanaangu, cintu icakali mumoyo wangu nceeci, Ndakati, ndyeelede kuyaka iŋanda yazina lya-Jehova Leza wangu. 8#1 Bam 5:3; 1 Mak 28:3Pele ijwi lya-Jehova lyakandisikila liti, Watila bulowa bunji, akucita inkondo zinji. Toelede kuyakila izina lyangu iŋanda, nkaambo watila bulowa bunji ansi kumeso aangu. 9#1 Mak 28:5; 1 Bam 4:25; 5:4Swiilila! Uyoozyalilwa mwana, nkabela oyo mwana uyooba siluumuno. Njoomupa luumuno, kuti atabi ankondo abasinkondonyina beengelede, nkaambo izina lyakwe liyooba Solomoni. Njoopa ba-Israyeli luumuno alutontolo mumazuba aakwe. 10#2 Sam 7:13; 1 Bam 5:5; 1 Mak 17:12; 28:6; Int 89:26,27; Heb 1:5Ngonguwe uuti yakile izina lyangu iŋanda. Uyooba mwanaangu, ambebo njooba wisi, nkabela cuuno cabwami bwakwe bwaIsrayeli njoocisimpika mane kukabe kutamani. 11#Rom 8:31Lino mwanaangu, Jehova abe ayebo, kuti ujane inguzu zyakuyaka iŋanda ya-Jehova Leza wako, mbubonya mbwaakaamba aanduwe, 12#Dt 4:6; 1 Bam 3:9; Int 72:1Pele Jehova akupe maanu abusongo, kuti kuciindi eco noti pegwe bwami bwa-Israyeli, ukabambe mulao wa-Jehova Leza wako. 13#Jos 1:7; 1 Bam 6:12,13; 9:4,5; 1 Mak 11:9,15; 28:7; Is 3:10; Dt 31:7; 1 Mak 28:20Lino uyookala kabotu na wabika moyo wako kuku bamba imbeta amilazyo Jehova njaakalailila Musa kuti ape baIsrayeli. Koyuma akuba mukozu. Utayoowi nikuba kukankama. 14Bona! Ndalikataazya loko. Ndabambila iŋanda ya-Jehova matalenta aangolida aali zyuulu zili mwanda, amatalenta aansiliva aali zyuulu zili cuulu, amukuba abutale bunji loko buteelekeki, azisamu amabwe zyoonse ndazibamba. Ayebo uyooyungizizya. 15Alimwi ulijisi basimilimo banji loko, basikubeza abasikusya mabwe abasikubeza zisamu, abantu bezi milimo yoonse, 16yangolida ayansiliva ayamukuba ayabutale, Tababaliki pe. Buka, ukabeleke milimo, Alakwe Jehova abe ayebo,
17Nkabela Davida wakalailila bapati boonse ba-Israyeli kuti bagwasye mwanaakwe Solomoni. 18#Dt 12:10; Jos 22:4; 2 Sam 7:1; 1 Mak 23:25Wakati, Sa Jehova Leza wanu tali anywebo? Sa tana kumupa luumuno kumabazu oonse? Nkaambo bantu banyika wabaaba boonse mumaanza aangu, lino nyika ilizundide kubusyu bwaJehova abwabantu bakwe. 19#2 Mak 20:3; 1 Bam 8:6; 2 Mak 5:7; 6:11Lino amupangike myoyo yanu amiyeeyo yanu kukuyandaula Jehova Leza wanu, Amunyamuke, muyake cikombelo cisalala ca-Jehova Leza wanu, kuti ibbokesi lyacizuminano ca-Jehova azibelesyo zisalala zya-Leza zinjizigwe muŋanda iiyakilidwe izina lya-Jehova.
Currently Selected:
1 Makani 22: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
