1 Makani 21
21
Davida mbwaakabisya kukubala ba-Israyeli
1 #
2 Sam 24:1; 1 Bam 22:20-22; Job 1:6; Zek 3:1; Mt 4:3; Lk 22:31; Joh 13:2; Inc 5:3; Ciy 12:9 Lino Saatani wakakataazya Israyeli, nkaambo wakasunka Davida kuti abale ba-Israyeli. 2#1 Mak 27:23Davida wakaambila Joabu abasilutwe bampi kuti, Kamuya, mukabale ba-Israyeli boonse kuzwa ku-Beereseba mane kusikila ku-Dani, muze kuzoondaambila, nzoozibe mweelwe wabo. 3Mpawo Joabu wakaamba kuti, Jehova avuzye bantu bakwe kuti baindisye mwaanda mbuli mbubabede lino. Sa boonse tabali balanda bako, O simalelo wangu? Lino nkaambonzi noyanda kucita obo, O mwami wangu? Nkaambonzi noyanda kuletela Israyeli mulandu? 4#Tus 29:25; Muk 8:4; Inc 4:19; 5:29Nekubaboobo ijwi lyamwami lyakayumisya kwiinda Joabu, aboobo Joabu wakainka kuya bweendeenda, wamanisya cisi coonse ca-Israyeli, wapiluka ku-Jerusalemu. 5Elyo Joabu wakalwiida Davida mweelwe wabantu. Ba-Israyeli boonse bakasika kuzyuulu zili cuulu azyuulu zili mwaanda, nkukuti baalumi ibakezi kulwisya ipanga, abantu ba-Juda bakasika kuzyuulu zili myaanda yone azyuulu zili makumi aali musanu aabili, baalumi ibakezi kulwisya ipanga. 6#My 1:47-49; 1 Mak 27:24Pele wina naakabala misyobo yobile ya-Levi a-Benjamini, nkaambo ijwi lyamwami lyakasesemya Joabu,
7Pele aya makani akabija mumeso aa-Leza, aboobo wakauma ba-Israyeli, 8#2 Sam 12:13; 24:10; Job 42:2,6; Int 25:11; 51:1-3; Tus 28:13,14; 2 Kor 7:10; Hos 14:2Mpawo Davida wakaambila Leza kuti, Ndabisya loko mukucita makani aya, Lino kogwisya mulandu wangu ndemuzike wako, nkaambo ndacita cakufubaala loko. 9#1 Sam 9:9Elyo Jehova wakaambila Gadi mulunguluzi wa-Davida kuti, 10Koya ukaambile Davida kuti, Mbuboobu mbwaamba Jehova. Nzeezi zintu zyotatwe; sala cimwi, kuti nkakucitile ncico. 11Lino Gadi wakeza kuli-Davida, wati, Mbuboobu mbwaamba Jehova. Sala ncoyanda, 12#2 Sam 24:13na myaka yotatwe yanzala, na myezi yotatwe yakukomwa abasikaambonyoko, ipanga lyabasinkondonyoko nilili kukutanda, na mazuba otatwe aapanga lya-Jehova, bulwazi nibuli mukusaalila munyika, alakwe angelo wa-Jehova naali mukunyonyoona mucisi coonse ca-Israyeli, Kosola makani, kuti mbweedezye ijwi kuliyooyo iwakandituma. 13#Neh 9:17; Int 100:5; 145:9; Malo 3:22; Joel 2:13Mpawo Davida wakaambila Gadi kuti, Ndapenga loko, Ngwide mumaanza aa-Jehova, nkaambo luzyalo lwakwe ndupati loko. Ntawidi mumaanza aabantu pe.
14Aboobo Jehova wakatumina cisi ca-Israyeli bulwazi, nkabela kwakafwa bantu ba-Israyeli bali zyuulu zili makumi aali musanu aabili. 15#2 Sam 24:16; Jer 26:18; Mt 23:37,38; Matl 6:6; Bab 2:18Alimwi Leza wakatuma angelo ku-Jerusalemu kuti aunyonyoone, pele naakasi nyonyoone, Jehova wakabona, wausa insoni kumakani ayo aakubisizya, waambila angelo sikunyonyoona kuti, Cazulila, leka lino, Nkabela angelo wa-Jehova wakaliimvwi kucipolelo ca-Orinani mu-Jebusi, 16#2 Mak 3:1Mpawo Davida naakapungula kujulu, wakabona angelo wa-Jehova uliimvwi akati kanyika ajulu, apanga lyakwe lilisomwedwe mujanza lyakwe, lilitandabikidwe kuJerusalemu, elyo Davida abapati mbaakali abo bakavundamina ansi, kabasamide zisani zyamasaka. 17Nkabela Davida wakaambila Leza kuti, Sa teensi ndime ndakalailila kuti bantu babalwe. Ndime ndakabisya akucita bubi loko, pele imbelele ezi zyabisyanzi? O Jehova Leza wangu, ijanza lyako lilemene ndime aluzubo lwataata, pele bantu bako batakataazigwi pe.
18Mpawo angelo wa-Jehova wakaambila Gadi kuti atolele Davida mulazyo wakuti, Davida uleelede kuyakila Jehova cipaililo kucipolelo caOrinani mu-Jebusi. 19Lino Davida wakainka, mbubonya mbuli Gadi mbwaakamulailila muzina lya-Jehova, 20Nkabela Orinani wakali kupola bulotwe, abalo bana bakwe bone bakali awe. Elyo naakacebuka akubona angelo, bakayuba. 21Lino Davida naakasika kuli-Orinani, Orinani wakalanga aku bona Davida, elyo wakazwa mucipolelo akukotamina Davida cakuvundama. 22#My 16:48; 25:8Nkabela Davida wakaambila Orinani kuti, Kondipa busena bwacipolelo, kuti njakile Jehova cipaililo mulimbubo. Nkakuliye muulo uuelede, kuti bulwazi bulesegwe kukataazya bantu. 23Mpawo Orinani wakaambila Davida kuti, Tola buyo. Mwami simalelo wangu acite kufumbwa cibota mumeso aakwe, Bona! Ndakupa basune kuti ubapaizye, azileyi kuti zibe inkuni, abulotwe kuti ubupaizye. Zyoonse ndakupa buyo. 24Pele mwami Davida wakaambila Orinani kuti, Pe, ndaula mali aaelede muulo. Nsikonzyi kutola lubono lwako lwakupaizizya Jehova, nikuba kutuula zituuzyo zyabuyo. 25#2 Sam 24:24Aboobo Davida wakapa Orinani masyekeli aangolida aali myaanda iili musanu aumwi, ibe muulo wakuntu oko. 26#Lev 9:24; 2 Mak 3:1; 7:1Mpawo Davida wakayakila Jehova cipaililo nkukonya oko, watuula zituuzyo azipaizyo zyakutontozya, wakwiilila Jehova, nkabela wakamuvwiizya mulilo uuzwa kujulu, walokela acipaililo cakutuuzya. 27Elyo Jehova wakalailila angelo kuti apilusye ipanga lyakwe munkomo yalyo.
28Kuciindi eco Davida naakabona kuti Jehova wamuvwiila kucipolelo ca-Orinani mu-Jebusi, wakatuuzya zipaizyo zyakwe mpoonya awo. 29#1 Mak 16:39; 1 Bam 3:4; 2 Mak 1:3Nkaambo kuciindi eco itente lyambunganino lya-Jehova, Musa ndyaakacita munkanda, acipaililo cakutuuzya, zyakali kucilundu caku-Gibeoni, 30#2 Sam 6:9; 1 Mak 13:12; Job 13:21; 21:6; Int 119:120pele Davida wakakacilwa kwiinka nkuko kuyoobuzya makani kuli-Jehova, nkaambo kakuti wakali kuyoowa ipanga lyaangelo wa-Jehova.
Currently Selected:
1 Makani 21: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
