1 Makani 18
18
Inkondo Davida nzyaakalwisya amisyobo imwi
1 #
2 Sam 8:1
Lino kusule lyayaaya Davida wakalwisya ba-Filisti akubazunda, Nkabela wakanyanzya Gati atunzuunzi twawo mumaanza aaba-Filisti.
2 #
My 24:17
Alimwi wakazunda ba-Moabu, aboobo ba-Moabu bakaba bazike baDavida akumuletela mutelo.
3 #
2 Sam 8:3; Matl 15:18; Dt 11:24 Nkabela Davida wakazunda Hadadezeri mwami wa-Zoba, Wakamulwisya ku-Hamati naakali kuya kuyooboozya nyika yakwe kulwizi lwa-Firate. 4#2 Sam 8:4Nkabela Davida wakamunyanzya inkalaki zili cuulu, abasimbizi bali zyuulu zili musanu azibili, abasilumamba basimaulu bali zyuulu zili makumi obile. Elyo Davida wakatyola mazwi aambizi. Wasyaazya imbizi zyankalaki zili mwaanda buyo. 5Lino ba-Aramu baku-Damasko nibakeza kuzoogwasya Hadadezeri mwami wa-Zoba, Davida wakajaya ba-Aramu bali zyuulu zili makumi obile azibili. 6#1 Mak 17:8; Int 91:14; 121:8; Tus 21:31Lino Davida wakabika impi akati kabaAramu baku-Damasko, nkabela ba-Aramu bakaba bazike ba-Davida akumuletela mutelo. Aboobo Jehova wakazundya Davida koonse nkwaakaya. 7Nkabela Davida wakanyanzya intobo zyangolida nzibakayumwide balanda ba-Hadadezeri, akuzileta ku-Jerusalemu. 8#1 Bam 7:15; 2 Mak 4:12-16Akwalo ku-Tibati aku-Kuni, minzi ya-Hadadezeri, Davida wakasaala mukuba munji loko. Ngonguwo Solomoni ngwaakafuzya iziba lyamukuba aziimikilo azibelesyo zimwi zyamukuba.
9 #
2 Sam 8:9
Lino Tou mwami wa-Hamati, naakamvwa kuti Davida ulizundide basilumamba boonse ba-Hadadezeri mwami wa-Zoba, 10#2 Sam 8:10wakatuma mwanaakwe Hadoramu kumwami Davida kuti amujuzye akumusekelezya, nkaambo kakulwisya Hadadezeri akumuzunda, nkaambo Tou a-Hadadezeri kanji-kanji bakali kulwana. Nkabela wakaletelezya zibelesyo zyamisyobo misyobo zyangolida azyansiliva azyamukuba. 11Ezi azyalo mwami Davida wakazisalazizya Jehova, antoomwe ansiliva angolida nzyaakasaala kuzisi zyoonse, kuba-Edomu aba-Moabu aba-Amoni aba-Filisti aba-Amaleki.
12 #
2 Sam 7:13; 2 Bam 14:7; 2 Mak 25:11 Lino Abisai mwana wa-Zeruya wakakoma ba-Edomu bali zyuulu zili ikumi amusanu azitatu mukuti lya-Munyo. 13#Matl 27:29; My 24:18; 1 Sam 10:5; 13:3; 14:1Nkabela wakabika basimpi mucisi ca-Edomu, aboobo ba-Edomu boonse bakaba bazike ba-Davida. Jehova wakazundya Davida koonse nkwaakaya.
14Mbuboobo Davida mbwaakali kweendelezya ba-Israyeli. Wakali kubeteka bantu boonse cabululami, 15Joabu mwana wa-Zeruya nguwakali silutwe wampi, a-Josafati mwana wa-Ahiludi nguwakali kulemba makani, 16a-Zadoki mwana wa-Ahitubi a-Ahimeleki mwana wa-Abyatare kabali bapaizi, a-Savisa kali mulembi, 17#2 Sam 8:18a-Benaya mwana wa-Jehoyada kali silutwe waba-Kereti aba-Peleti, abana ba-Davida kabali bapati mumilimo yamwami.
Currently Selected:
1 Makani 18: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
