1 Makani 14
14
Davida mbwaakacita mu-Jerusalemu
1 #
2 Sam 5:11; 1 Bam 5:1-12 Mpawo Hiramu mwami wa-Turo wakatuma batumwa kuli-Davida, amisamu yakedari, abayaki ababezi, kuti bamuyakile iŋanda, 2Lino Davida wakazibisya kuti Jehova ulimwiimikide nji mbuli mwami wabaIsrayeli, alimwi kuti wasumpula bwami bwakwe nkaambo kabantu bakwe ba-Israyeli.
3 #
Dt 17:14-17
Elyo Davida wakakwata banakazi abambi mu-Jerusalemu, nkabela Davida wakazyala abambi bana balombe abasimbi. 4#2 Sam 5:14; 1 Mak 3:5Ngaaya mazina aabana mbaakazyala mu-Jerusalemu: Samua, a-Sobabu, a-Natani, aSolomoni, 5a-Ibara, a-Elisua, a-Elipeleti, 6a-Noga, a-Nefegi, a-Jafiya, 7a-Elisama, a-Beliyada, a-Elifeleti.
Davida bwaakazunda ba-Filisti tobile
8 #
2 Sam 5:17; 1 Mak 11:3; Int 2:1-5 Lino ba-Filisti nibakamvwa kuti Davida wananikwa mafuta aabwami bwa-Israyeli, ba-Filisti boonse bakeza kuzooyandaula Davida, Mpawo Davida naakamvwa, wakainka kuyoobalwisya. 9#1 Mak 11:15Nkabela ba-Filisti kabazide kukusaala mukuti lya-Refaimu. 10Elyo Davida wakabuzya kuli-Leza kuti, Sa njiinke kuyoolwisya ba-Filisti? Sa uyoobaaba mumaanza aangu? Nkabela Jehova wakamwaambila kuti, Ee, koya, njoobaaba mumaanza aako. 11Mpawo wakainka ku-Baalaperezimu, nkabela Davida wakabazunda nkukooko, Elyo Davida wakati, Leza wasorokela basinkondoma kuma an za aangu mbubonya mbwaakasotoka maanzi. Nciceeco oko kuntu ncikwakaulikilwa izma lya-Baalaperazimu, 12Lino bakasiya zikozyano zyamizimu yabo nkukonya oko, nkabela Davida wakalailila kuti itentwe mumulilo.
13 #
2 Sam 5:22
Lino ba-Filisti bakaboola alwabili kuzoosaala mukuti. 14#Jos 8:6,7; 2 Sam 5:23Nkabela Davida naakabuzya kuli-Leza, Leza wakamwaambila kuti, Utainki kuyoobalwisya pe. Koya buzyunguluka kuti ubajane kulangene amikunka. 15Lino umvwe buyo musoso wakweenda kumpela yamikunka, nyamuka ndilyonya kuyoobalwisya, nkaambo Leza wakuzulwida kuya kukukoma impi yaba-Filisti. 16#2 Sam 5:25Elyo Davida wakacita mbubonya mbuli Leza mbwaakamulailila, aboobo wakazunda impi yaba-Filisti kuzwa ku-Gibeoni kusikila ku-Gezeri, 17#Jos 6:27; 2 Mak 26:8; Dt 2:25; 11:25Lino impuwo ya-Davida yakamwaika muzisi zyoonse, nkabela Jehova wakacita kuti misyobo yoonse imuyoowe.
Currently Selected:
1 Makani 14: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
