1 Makani 13
13
Ibbokesi lya-Leza mbulyakalonzegwa kuya kuŋanda ya-Obedi-Edomu
1 #
2 Sam 5:1; 6:1; 1 Bam 8:1; 1 Mak 12:14; Int 132:1; Tus 15:22 Lino Davida wakabuzyanya makani abasilutwe bazyuulu abasilutwe bamyanda abapati boonse. 2#1 Mak 10:7; Is 37:4Nkabela Davida wakaambila imbungano yoonse yaba-Israyeli kuti, Na cabota mumeso aanu, alimwi na Jehova Leza wesu ulayanda, atutumine bakwesu bamwi bali munyika yoonse ya-Israyeli, abapaizi aba-Levi bakede muminzi iili amweemvwe, kuti bayoboloke kulindiswe. 3#1 Sam 7:1; 14:18; 23:2,4Elyo atuliboozezye ibbokesi lya-Leza wesu, nkaambo twakalileka buyo mumazuba aa-Saulo. 4Mpawo imbungano yoonse yakazumina, nkaambo makani akabota mumeso aabantu.
5 #
2 Sam 6:1; Jos 13:3; 1 Sam 6:21; 7:1 Elyo Davida wakabunganya ba-Israyeli boonse kuzwa ku-Sihori wakuEgepita mane kusikila kumanjililo aa-Hamati, kuti bagwisye ibbokesi lya-Leza ku-Kiriyati-Jearimu nkulyakabede. 6#Jos 15:9,60; Kul 25:22; 1 Sam 4:4Nkabela Davida aba-Israyeli boonse bakainka ku-Baala, ngonguwo Kiriyati-Jearimu mucisi ca-Juda kuti bagwisye nkuko ibbokesi lya-Leza uutegwa Jehova uukede akati kabakerebimu. 7#My 4:15Lino bakabika ibbokesi lya-Leza aŋola impiya, baligwisya muŋanda ya-Aminadabu. Uza a-Ahio mbobakali kweenzya iŋola. 8#2 Sam 6:5Nkabela Davida aba-Israyeli boonse bakali kusekelela kubusyu bwa-Jehova canguzu zyoonse, anyimbo abanamalwa atuntimbwa atugoma ansaka amyeembo.
9 #
2 Sam 6:6
Lino nibakasika kucipolelo ca-Kidroni, Uza wakatandabika ijanza lyakwe kuti ajate ibbokesi, nkaambo basune bakali kulizungaanya. 10#My 4:15; 1 Mak 15:13,15; Lev 10:2Mpawo bukali bwa-Jehova bwakabukila Uza, aboobo wakamuuma nkaambo kakutandabika ijanza lyakwe kubbokesi. Wakafwa mpoonya awo kubusyu bwaJehova. 11Lino Davida wakabijilwa nkaambo kakuti Jehova wakasotokela Uza, aboobo oko kuntu wakakuulika izina lya-Luumo-lwa-Uza, mbukucaambwa asunu. 12Nkabela Davida wakayoowa Leza mubuzuba obo, wati, Ndete buti ibbokesi lya-Leza kulindime? 13Nkaambo kako Davida taakwe naakasisya ibbokesi kulinguwe kumunzi wa-Davida, wakalitola kumbi kuŋanda ya-Obedi-Edomu mu-Giti. 14#2 Sam 6:11; Matl 30:27; 39:5; 1 Mak 26:5; Int 37:22; Tus 3:9; 10:22; Mal 3:10Lino ibbokesi lya-Leza lyakalikede kuli-Obedi-Edomu mu-Giti muŋanda yakwe myezi yotatwe, Nkabela Jehova wakalongezya iŋanda ya-Obedi-Edomu ambono zyakwe zyoonse.
Currently Selected:
1 Makani 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
