Sânghkyang 3
3
Zorâm Wuì Lé Byî É Hpàqchyî Dang
1Ngá zo ê, ngò mhoqshit é dang lé,
a tô-myhî pyâm é za,
ngò hkyô é hkunmó pé lé,
náng é i‑myìt ûnghkaû má kat to aq.
2Hkâsu mù gâ le, haú pé gi,
nang lé, zànwut myo myo,
chyungxe hîng nhâng luî,
nguì ngón yùqyò hkyô
byi râ nghut lhê.
3Chyitdàp myìt eq jujúm hkyô gi,
hkâ-nhám le, náng chyáng mai
a gâng byùq sháng gàq;
haú lé, náng é lìngzing má,
wùt to mù, náng é i‑myìt lùqlong má,
kâ tap to aq.
4Haú jáng, nàng gi,
Garai Gasang eq byu é hí má,
myòqnhô ngelang wó mù,
myìng gè wó râ nghut lhê.
5Náng é i‑myìt nhiklhum bànshoq èq,
haû Yhûmsîng Garai lé lùmhkaû aq;
náng é sê gyô é u-nuq lé hkâ nghêhkaû.
6Náng é hkyô hkat hkangmó má,
Yhang lé bûn sê nyì àq;
haú hkûn, Yhang gi,
náng é hkyô lé,
lhoqnyhâng byi râ nghut lhê.
7Yhûmsing gùng yhûmsîng,
hpàqchyî bò sû nghut lhê nghû hkâ-myìt;
Yhûmsîng Garai lé gyùq hkúngga mù,
agè ashop hkyô lé koi pyám aq.
8Haú hkûn, náng é gùngdu wángzán mù,
náng é showui showang pé má,
wuinyún byíng râ nghut lhê.
9Haû Yhûmsîng Garai lé,
náng é sutze èq le,
náng é kyôshi myuishi bànshoq é,
sânghî ashî pê èq le,
hkúngga hpautap àq.
10Haú hkûn, náng é chyî gi,
byíng mui nyì mù,
náng é tsibyiq luí gi, tsibyiq wing asik
byíng shun nyì râ nghut lhê.
11Ngá zo ê, Yhûmsîng Garai
mhoqshit é dang lé hkâwú tiq pyám;
Yhang tân é dang lé le hkâ gùng-yuì;
12haî mù gâ le, haû Yhûmsîng Garai gi,
îwa rayùq mai,
yhang zo lé myìt nguì ô nau é su,
Yhang chyitdàp é bang lé,
mhoqshit é nghut lhê.
13Hpàqchyî byéng-yá lé myang hô mù,
sê gyô é u-nuq lé wó yu é sû gi,
hkungsô wó nyi ri;
14hkâsu mù gâ le, haû gi,
ngùnhtung htoq a-kyû bò mù,
hîng gyíng htoq a-myàt je wó é nghut ri.
15Haû gi, pate-mya#3:15 Pate-mya gi, ne é jung lungsêng lé ga lhê. lungsêng htoq,
hpaudap é nghut mù, nàng ô nau é hai jung le,
haú lé wó whuí râ a nghut.
16Chyungxe hîng hkyô gi,
hau é lòqyo lòq má bo nyì mù,
sùt wó hkyô eq xânghpoq nge wó hkyô gi,
hau é lòqpaî lòq má bo nyi ri.
17Hau é hkyô pé gi,
gabú hkyô pé nghut mù,
hau é hkyô zo pé bànshoq gi,
nguì ngón hkyô nghut ri.
18Haû gi, yhang lé pô bâng é matú,
chyungxe sikgâm nghut mù,
yhang lé a nhâng loshoq zuî tô é bang gi,
hkungsô wó nyî râ nghut lhê.
19Haû Yhûmsîng Garai gi,
hpàqchyî byéng-yá èq,
myìdàm htoq é a-pûn awang lé xuq to mù,
sê gyô é u-nuq èq, mauhkûng lé,
yhâng é jowò má tô to luî,
20Yhâng é hpàqchyi èq,
nìk é wuì lé gam hkoq pyám mù,
mhut pé mai nghân gyó nhang é nghut ri.
21Ngá zo ê,
ge é dông târâ jéyáng é hkyô eq,
sê gam hkoq é myìt bo nyì mù,
haú pé lé, náng é myòq hí mai,
hkâ lhoqkâng pyám;
22haú hkûn, haú pé gi,
náng é matú chyungxe dùt mù,
náng é lìngzing mâ é,
jeju xânghpoq nge wó wuizo dùt râ nghut lhê.
23Haú hkûn, nàng gi,
náng é hkyô má ngón za wó sô nyì mù,
náng é hkyî le htûng htê râ a nghut;
24nàng yhup lèq ló é hkûn,
haî le gyùq râ a nghut;
nàng yhup lèq ló é hkûn,
gyai yhup ngón râ nghut lhê.
25Nàng gi, byò dàn byò sho lé le,
agè ashop bang hui zô é
htên byòq hkyô lé le,
gyùq nó a râ nghut ri;
26hkâsu mù gâ le,
haû Yhûmsîng Garai gi,
nàng myìt lum tô é jowò nghut mù,
htung tô é lhaí pé mai,
náng é hkyî lé mâgum yù râ nghut lhê.
27Náng chyáng jeju wó byî é a-tsam bo to mù,
jeju wó gíng é bang lé a byi hkâkut.
28Nàng gi, byi râ wó du to mù,
náng é yhûmkyochang lé,
“Nàpmá lhom byi râ,
dum lé lô àq.” nghû hkâtaí.
29Náng nâm má ngón za nyi tô é,
náng é yhûmkyochang lé,
a ge é hkyô kut râ hkâda.
30Nang lé haî le a shut é sû lé,
jumgú má mara hkâhûn.
31Lú lhum bàt zìk hkyô kut é byù lé,
hkâ manôn,
yhâng é hkyô rahkat lé lháng,
hkâcháng.
32Hkâsu mù gâ le,
myìt goí é byù lé gi,
haû Yhûmsîng Garai chaq pyám luî,
i‑myìt díng é bang lé kúm gi,
Yhang eq wó zûm yàp é hkyô
byî ri.
33Haû agè ashop bâng é yhûm lé gi,
Yhûmsîng Garai nhîng pyâm luî,
díngmán bâng é nyì jowò lé kúm gi,
Yhang shimân byî ri.
34Nghutbun mù,
byù taî hpoî é bang lé gi,
Yhang lhoqhpoî pyám luî,
myìt lhoqnyhum é bang lé kúm gi,
Yhang jeju byî ri.
35Haû hpàqchyî bò bang gi,
xânghpoq nge wó hkyô lé myang hkam yù kôrâ;
nghut kôlhang, byù ngha pé gi,
hoq hpû é hui kôrâ nghut lhê.
Currently Selected:
Sânghkyang 3: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.