Sânghkyang 22
22
1Sùtzè mó wó é lé hkyin yù râ htoq
myìng gè wó é lé hkyin yu le je ge ri;
góbâng èq hpautap é gi,
ngùn hing htoq je ge ri.
2Wó sû myùng sû bànshoq lé hpan tô é gi,
haû Yhûmsîng Garai rayùq za nghut ri;
haú hkyô má ó le rajung za nghut ri.
3Nhik gying sû gi, wuîhke hkyô lé myàng mù,
haq koi pyâm ri; nghut kôlhang,
ngòk sû gi, haú shut xoq sô ê mù,
ihkyùp ê hui zô ri.
4I‑myìt lhoqnyhûm mù,
haû Yhûmsîng Garai lé
gyùq hkúnggâ é a-kyû gi,
sùtzè, xânghpoq nge wó hkyô eq chyungxe nghut nyi ri.
5Haû agè ashop bâng é hkyô pé má gi,
zu bûm eq htung tô é lhaí pé jòq tô ri; nghut kôlhang,
haû yhûmsing é i‑myìt nhiklhum lé
wú zúng é sû gi, haû eq wê gang shoq nyi ri.
6Zoshâng lé, yhang châng le ge é hkyô mhoq byi aq;
haû jáng, yhang mâng ló kôlhang,
hkyô a nghoq râ nghut lhê.
7Haû wó sû gi, myùng sû lé ùp zô é nghut mù,
chyi sû gi, chyi byi su é
duìnhâng zoshâng nghut nyi ri.
8Agè ashop hkyô lé sân kat sû gi,
wuîhke jamjau shû yù râ nghut mù,
yhang nhikmó-yô é mai zìk zô é hkyô gi,
htên byòq byùq râ nghut lhê.
9Kâm gàm byî é sû gi, yhang yhang le
shimân jeju wó râ nghut lhê;
haî mù gâ lé, yhang gi, myùng bang lé
zoshuq gàm byî é yánmai nghut ri.
10Haû byù rhoî sû lé hkat htoq pyám aq;
haú jáng, byòq lhum byòq cheq hkyô zîm ló byùq mù,
mabyòq jishûm htoq é pé eq
byù rhoi é pé le zîm byùq râ nghut lhê.
11Sansêng é i‑myìt lé chyitdàp mù,
jeju bò dang taî é sû gi,
hkóhkam é luzúm dùt râ nghut lhê.
12Haû Yhûmsîng Garaî é myòqjí gi,
hpàqchyî bò sû lé wú mâgum nyi ri;
nghut kôlhang, a jujúm su é dang lé gi, lhoqhtên pyâm ri.
13Lagon sû gi, “Shinggan má hkanghkyi nyi ri;
haû mù, ngò, byù zîng é jowò pé má sat pyâm é hui râ nghut lhê.” ga taî ri.
14Shiwa myhî é nhut gi,
nìk é donghkong nghut ri;
haû Yhûmsîng Garai, nhikmó-yô é hui sû gi,
haú má byìt gyó wâng râ nghut lhê.
15Ngha é hkyô gi, zoshâng myìt má nui dàp nyi ri;
nghut kôlhang, mhoqshit é dumbáng gi,
yhang lé haû mai hkat pyám râ nghut lhê.
16Yhûmsing sùtzè lhoqmyo râ matú,
myùng bang lé zìk zô é sû eq,
wó sû lé chyûnghuq byî é sû gi,
asho awui myung ló byùq râ nghut lhê.
Hpàqchyî Byéng-yá Bò Su É Sânghkyang
17Haû hpàqchyî byéng-yá bò su é
sânghkyang lé rago tâm gyo aq;
ngò mhoqshit é pé lé,
náng é i‑myìt má kat to mù cháng aq;
18hkâsu mù gâ le, sânghkyang haú pé lé,
náng é i‑myìt má kat to luî,
náng é nhutwuî má
taí râ rì rì nghut nyî jáng gi,
nguì ngón gabú é hkyô nghut ri.
19Haû mù, nàng gi, haû Yhûmsîng Garai lé,
wó lùmhkaû râ matú, ngò gi,
hkû-nyí, nang lé yhang,
haú hkyô pé mhoq byî é nghut lhê.
20Hpàqchyî htoq é dang eq
hpàqchyî byéng-yá dang lé,
ngò, náng é matú, myhîhpô dang sum xê hkun dông
kâ to byi bê a nghut lhî?
21Nàng gi, náng lé nhang kat é su chyáng,
jô é dông wó tû taí sháng gàq nghû,
ngò gi, nang lé, tengmán é eq
lùm gíng é dang haú pé
mhoq byi bê nghut lhê mhaî.
22Myùng sû lé gi, myung ri nghû luî,
yhâng é zè lé hkâlú yu pyám byi;
asho awui dùt nyì sû lé,
târâ rûng má hkârhoî zo;
23hkâsu mù gâ le, haû Yhûmsîng Garai gi,
yhángmòq é hkyô má bo yàp byi mù,
yhángmòq é zè lú yu pyám byi bâng é chyungxe lé,
lhoqhtûm pyám byi râ nghut lhê.
24I‑myìt tot sû eq buìnùm hkâdû;
luì za nhikjum yo sû eq hkâzûm yap;
25haû a nghut jáng, nàng gi,
yhâng é hkyô lé mhoq yû mù,
náng gûng nàng haú má myí byùq râ nghut lhê.
26Dakâm lòq bàt bàt é byù le hkâkut,
chyîn wò bo yu é byù le hkâkut;
27haû a nghut jáng, nàng a wó xap é hkûn,
náng é yhupgyàp lé lháng,
náng chyáng mai
lú yu pyám byi kôrâ nghut lhê.
28Náng é îchyí îwâ pé xuq tô é,
góhkun lhê é maukyo lùqgòk lé
hkâhuî pyám.
29Múzó zui saí kûng é byù lé,
a myang wú lhú? Haú yùq gi,
mâyû byu pê hí má a nghut é za,
hkóhkam é hí má dójaú râ nghut lhê.
Currently Selected:
Sânghkyang 22: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.