Yonaq 3
3
Yhûmsîng Garaî É Jì-no Gyô É Yonaq
1Haú hkûn, haû Yhûmsîng Garaî é mungdang Yonaq chyáng radàm dum jé é gi, 2“Toq mù, haû hkìk é Ninewe wà mó shut hân ê luî, Ngò, nang lé shit kyô é dang lé, ê taî pyô àq.” gâ ri.
3Haû mù, Yonaq gi, Yhûmsîng Garaî é dang lé gyo luî, Ninewe wà mó shut e ló bê nghut ri. Haû Ninewe wà mó gi, buìnyì sum nyí so kô lam é nghut mù, gyai kô é wà mó nghut ri. 4Yonaq gi, Ninewe wà mó má wâng mù, ra-nyí buî sô hî luî, “Buìnyì myi xê nyí lai jáng, Ninewe wà mó gi, htên byòq byùq râ nghut lhê.” ga taî pyo ri. 5Haû Ninewe wà byù wuì gi, Garai Gasang lé lùmjíng bûm kômù, zoshuq túm râ matú chôm myìt hpyit yu akô; yhángmòq myìt lhîng wó bê hkyô lé tûn shit é dông tiq zo ko zo bànshoq bang gi, jimê tû wut bum akô nghut ri.
6Lùdang haú lé Ninewe hkóhkâm é no má jé jáng, yhang gi, yhâng é hkóhkam tángmyhâng mai toq luî, yhâng é hkóhkâm hking lé hkyut pyám mù, jimê lé tu wut luî, myiwap bùm má zung tô ri. 7Hau htâng, yhang gi, Ninewe wà mó má hkóhkâm mungdang lhoqhtoq ri. Haû gi,
“Hkóhkâm eq yhâng é zaugun sûwún wui é hkunmó:
Byù le, shigu gaunyhaú, no myang le, sau bainám pé lé le, haî hkâchyîm nhâng kó; yhángmòq lé hkâzo hkâshuq nhâng kó. 8Byù lé le, gaunyhaû pé lé le jimê tû hut tû wùt keq. Yùq hkangmó lé, Garai Gasang chyáng wum mó kat luî wùt dung nhâng mù, ó le ô é agè ashop hkyô eq lú lhum bàt zìk hkyô lé tô pyám nhâng keq. 9Garai Gasang gi, ngá-nhúng a htên byòq byùq râ matú, Yhâng é myìt htaî pyám mù, Yhâng é nhikmó-yo hkyô mai a ge lhîng lo nghû, ó yùq wá wó taí râ lhú?” gâ é nghut ri.
10Garai Gasang gi, yhángmòq kut é hkyô lé le, yhángmòq é agè ashop hkyô mai myìt dum lhing lò kô é lé le myàng jáng, yhángmòq lé ihkyùp byi râ gâ tô é mai, myìt lhîng luî, haî a kut lo nghut ri.
Currently Selected:
Yonaq 3: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
