Yonaq 2
2
Yonaq É Kyûdung Dang
1Yonaq gi, ngo mó wamdau hkaû mai, yhâng é Garai Gasang nghut é haû Yhûmsîng Garai lé kyûdûng ri. 2Yhâng é kyûdung dang gi,
“Ngò, myìt myo myìt chiq mó huî nyi é mai,
haû Yhûmsîng Garai lé wùt dung jáng, Nàng gi, ngo lé gyo byî ri.
Mosumhkung hkaû mai, ngo garúm wùt dung jáng le,
Nàng, ngá htê lé gyo byî ri.
3Nàng gi, ngo lé nìk dik é wuìmau káng shut dú hkyô pyám mù,
lhînghkyùq mâ é wuì pé gi, ngo lé ûm zìk tô ri;
náng é wuìlhêng pé bànshoq eq wuìgyùn pé gi,
ngá ahtoq má bàt laî ló ri.
4Ngò gi, ‘Náng é myòq hí mai hkat htoq pyâm é hui kôlhang,
Náng é chyoiyúng noqkuq yhûm shut myòqdong dum hû râ.’ nghû taî bê.
5Ûm zìk tô é wuì pé gi, ngo lé myòq shî nhâng râ za nghut mù,
nìk dik é wuì hkaû gi, ngá é lhînghkyùq má nghut nyî luî,
wuìmyòq pé gi, ngá é ulhum má baíyùp tô ri.
6Ngo gi, bùmpûn pé má jé gyó ló mù,
myìdàm hkaû mâ é hkumkyáng pé èq ahtum abyùq kyâng lhûng tô é hui kôlhang,
ngá é Garai Gasang nghut é Yhûmsîng Garai ê, Nàng gi,
ngá é chyungxe lé nìk dik é jang mai hkyi yù bê nghut lhê.
7Ngá é kângsoq byìt ló râ sû gâ é u lé,
Nàng Yhûmsîng Garai lé ngo bûn nyi lhê.
Ngá é kyûdung dang gi, Náng é chyoiyúng noqkuq yhûm má
Náng chyáng jé hkyang bê nghut ri.
8A-kyû a bo é hparà lhô lé noq bang gi,
yhángmòq eq sêng é jeju lé tô pyám bekô nghut ri.
9Nghut kôlhang, ngò gi, jeju bûn é hte èq
Nang lé hkungga nhông byi râ.
Ngò, Nang lé danghtum htûm tô é eq rajung za kut râ nghut lhê.
Hkyi yù hkyô gi, Yhûmsîng Garaî chyáng mâ é nghut ri.” gâ ri.
10Haú hkûn, haû Yhûmsîng Garai gi, ngo mó lé hkunmó hkyó luî, ngo mó gi, Yonaq lé wuì yàm má ê hpat htoq kat bê nghut ri.
Currently Selected:
Yonaq 2: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
