Hose-a 4
4
Isira-elaq Byu Pé Lé Mara Hun É Hkyô
1Isira-elaq byu pé ê, haû Yhûmsîng Garaî é dang lé gyo keq;
hkâsu mù gâ le, mîngdán má nyi é bang núngmòq lé,
haû Yhûmsîng Garai mara hun é gi,
“Mîngdán hkaû má, jujúm é hkyô a jòq, chyitdàp myìt a bò,
Garai Gasang lé sê é myìt le a jòq nghut ri.
2Haú má gi, nhing myíng nhing htê, mhaú zô é hkyô,
byù sat é hkyô, hkau zo hkyô eq su-myi sulàng lú hkyô za jòq tô ri;
yhángmòq gi, ashop é mú je kut kômù,
byù sat é yubàk xoq xoq kut nyi bum akô nghut ri.
3Haû mù, mîngdán haû gi, kyuq huî ló byùq mù,
haú má nyi é lhúnglháng gi, wum yom ló byùq luî,
pá pé mâ é tân jung yòsô zè pé, maulat nghoqzô pé eq
wuìshuq lung-aû mâ é ngozô pé gi, htûm ló byùq râ nghut lhê.
4Nghut kôlhang, ó yùq le mara a tsuq sháng gàq;
ó yùq le mara a hûn kó sháng gàq;
hkâsu mù gâ le, náng é byu pé gi,
hkyangjong lé mara tsuq é bang eq du bum akô nghut ri.
5Nàng gi, nyí lé myìt lèqbàt é nghut mù,
myìqhtoî pé gi, nàng eq rahá myín lé myìt bo lèqbàt bum akô nghut ri.
Haû mù, Ngò gi, náng nu Isira-elaq lé lhoqhtên pyám râ nghut lhê;
6Ngá é byu pé gi, hpàqchyî a bo bum é yánmai, lhoqhtên pyâm é huî akô nghut ri.
Nàng gi, hpàqchyî lé he-ngìk pyám bê nghut é yánmai,
Ngò le, nang lé Ngá é hkyangjong dông hàp yù râ a nghut;
nàng gi, náng é Garai Gasâng é târâ lé tô-myhî pyám bê nghut é yánmai,
Ngò le, náng é zodù wuì lé tô-myhî pyám râ nghut lhê.
7Hkyangjông pé je myo kôjáng,
yhángmòq gi, Ngo lé mara je kut bekô nghut ri;
Ngò gi, yhángmòq é hpungwup shingkang lé,
hoq hpu hkyô taû dùt nhâng râ nghut lhê.
8Ngá é byu pê é yubàk mara hkungga gi, yhángmòq zô é jowò dùt byùq mù,
Ngá é byu pê é agè ashop hkyô gi, yhángmòq myòqnòq é jang dùt bê nghut ri.
9Haû mù, mâyû byu pê chyáng dùt é su,
hkyangjông pê chyáng le dùt râ nghut lhê.
Ngò gi, yhángmòq kut é hkyô pê é matú, í hpûng é lé mara byi mù,
yhángmòq é nyì yàp sâmlaî é matú, í hpûng é lé lató hpuq râ nghut lhê.
10Yhángmòq gi, shiwa myhí dùt râ matú haû Yhûmsîng Garaî chyáng mai wê gâng ló byùq kô é yánmai,
zo râ nghut kôlhang, gyi kôrâ a nghut,
myi shut làng shut hkyô kut kôrâ nghut kôlhang, myô htam lò râ a nghut.
11Tsibyiq wing axau eq asik gi,
yhángmòq é sê gyô é u-nuq lé lhoqchut pyám byî é nghut ri.
12Ngá é byu pé gi, sik hparà lé myî akô nghut mù,
bùt hpyit su é dumbáng gi, yhángmòq lé dang nyô râ nghut lhê.
Shiwa myhí shiwa hpó kut hkyo é sô gi, yhángmòq lé hkyô shuî nghoq râ nghut lhê;
yhángmòq gi, yhángmòq é Garai Gasang lé a jujúm kó nghut ri.
13Yhángmòq gi, bùm gùng pé má le,
kong htoq pé má le,
buì shûm ngón é, wàqmyòq gàm ô,
sikxû gàm ô eq mugyêng gàm ô má,
hkungga pé nhông byi mù, myi nyhé hkungga nhông byî akô nghut ri.
Haû mù, núngmòq é byìzô pé gi, shiwa myhí dùt kômù,
núngmòq é dùmó pé gi, sulàng lú hkyô kut shut kôrâ nghut lhê.
14Ngò gi, núngmòq é byìzô pé, shiwa myhí pé dùt mù,
núngmòq é dùmó pé, sulàng lú hkyô kut kô é hkûn,
yhángmòq lé mara dàm a byi râ nghut lhê.
Hkâsu mù gâ le, yùqgè wuì yhang le, shiwa myhî pé lé châng hô kômù,
hparà noq jang mâ é shiwa myhî pé eq rahá hkungga nhong akô nghut ri.
Sê gyô é u-nuq a bo é byù myû gi, htûm byùq râ nghut lhê!
15Isira-elaq ê, nàng gi, su-myi sulàng lú hkyô shut kôlhang,
Yudaq lé mara hkâkut shut nhâng.
Giligala wà shut hkâ-ê;
Bet Awen#4:15 Bet Awen gâ é gi, agè ashop é yhûm gâ é nghut lhê. shut hkâdòq ê.
‘Haû Yhûmsîng Garai rû dui nyì nyì!’ nghû hkâ dakâm.
16Isira-elaq byu pé gi,
a gyaû é no-pyá su wuî bum akô nghut ri.
Haû jáng, haû Yhûmsîng Garai gi,
mhan nú yô má sau zô pé lé zúng é su,
yhángmòq lé hkâsu kut ge wú zúng râ lhú?
17Ehprim gi, hparà hpôlhô pé lé myìt tuî byùq bê nghut mù,
yhang baú nyi to sháng gàq!
18Yhángmòq gi, yhángmòq zo na shuq nâ é htâng má,
shiwa myhí lé xoq ho nyi bum akô nghut ri;
yhángmòq é zau wuî gi, hoq hpu hkyô lé gyai chyitdàp akô nghut ri.
19Laìdun gi, yhángmòq lé mùt tâng ló byùq mù,
yhángmòq é shigu hkúnggâ é yánmai, hoq hpû é hui zo kôrâ nghut lhê.
Currently Selected:
Hose-a 4: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
