Hose-a 5
5
Isira-elaq Lé Târâ Jéyáng Râ Hkyô
1Hkyangjông pé ê, shî gyô yù keq!
Isira-elaq byu pé ê, tâm gyo keq!
Hkóhkâm yhûmbyù wuì ê, gyo keq!
Núngmòq gi, târâ jéyáng é hui râ nghut lhê.
Hkâsu mù gâ le, núngmòq gi, Mizipa jowò má dumzo dùt mù,
Tabora bùm má pyo tô é gùn dùt bekô nghut ri.
2Gumlau toq é bang gi, sat é múzó gyai kut bekô nghut ri;
Ngò gi, yhángmòq bànshoq bang lé mhoqshit râ nghut lhê.
3Ngò gi, Ehprim é hkyô bànshoq sê é nghut mù,
Isira-elaq gi, Ngá chyáng mai wó haq tô é a nghut.
Ehprim gi, ahkuî shiwa myhí dùt bê nghut mù,
Isira-elaq gi, myìt gang bo byùq bê nghut ri.
4Yhángmòq é nyì yàp sâmlai gi, yhángmòq é Garai Gasâng chyáng,
yhángmòq taû lò râ nghut é lé hkûm zing pyâm ri.
Yhángmòq é i-myìt hkaû má shiwa myhí myìt bo bum é nghut mù,
yhángmòq gi, haû Yhûmsîng Garai lé a sé kó nghut ri.
5Isira-elaq myìt myhâng nghutbûn é hkyô gi,
yhûmsîng lé taû htuqhtîng é sàksé dùt bê nghut ri;
Isira-elaq byu pé eq Ehprim byu pé gi, yhûmsing é yubàk mara má htûng lèqbàt akô nghut ri;
Yudaq byu pé le, yhángmòq eq rahá bo htûng lèqbàt akô nghut ri.
6Yhángmòq gi, yhûmsing é sau hpúng no hpúng pé lé kon mù,
haû Yhûmsîng Garai lé hô kôlhang, Yhang lé myang hô kôrâ a nghut;
Yhang gi, yhángmòq chyáng mai wê gâng byùq bê nghut ri.
7Yhángmòq gi, haû Yhûmsîng Garai lé a jujúm kut kômù,
dèzo hku bum akô nghut ri.
Haû mù, Yhang gi, yhángmòq Lhôxan Lhôsik poî kut kô é hkûn,
yhángmòq eq yhángmòq é yò pé lé rahá lhoqhtûm pyám byi râ nghut lhê.
8Gibe-a wà má tut mùt mù,
Rama wà má hkyuî tut mùt myhíng keq.
Bet Awen jowò má majan htê garu keq;
Ben-yamin ê, htâng shut lhing wú aq.
9Ehprim gi, mara dam byî é buìnyì má,
chamchyuîyui é jowò dùt byùq râ nghut lhê.
Ngò gi, haú hkyô têng é lé,
Isira-elaq a-myû up pê chyáng taî pyô râ nghut lhê.
10Yudaq zau wuî gi, maukyo lùqzìng lé huî pyâm é bang su,
nghut bum akô.
Ngò gi, Ngá é nhikmó-yo hkyô lé,
yhángmòq chyáng wuìwúm su hut hkyô kat râ nghut lhê.
11Ehprim gi, hparà hpôlhô pé lé châng hkat nau é yánmai,
zìk zo zìk shuq é hui zo mù,
mara dam byî é má nâng pyeq pyâm é hui bê nghut ri.
12Haû mù, Ngò gi, Ehprim é matú manòt su,
Yudaq byu pê é matú wôm jung su dùt bê nghut ri.
13Ehprim gi, yhûmsing é nòhpyo lé,
Yudaq gi, yhûmsing é dàm pé lé myàng jáng,
Ehprim gi, Asuri ming shut lhing ló mù,
hkóhkâm mó chyáng garúm ê dung râ matú byù nhang kat ri.
Nghut kôlhang, yhang gi, núngmòq é nòhpyo lé le a wó lhoqgè byi,
núngmòq é dàm lé le a wó yâ gè byi nghut ri.
14Hkâsu mù gâ le, Ngò gi, Ehprim é matú hkanghkyi su dùt mù,
Yudaq é matú hkanghkyi râm zo su dùt râ nghut lhê.
Ngò gi, yhángmòq lé lâng myha pyâm to hkó râ nghut lhê;
Ngò gi, yhángmòq lé, ó yùq èq le a wó hkyi xe yù loshoq,
ngàt kyâng wàq chûng râ nghut lhê.
15Yhángmòq gi, yhûmsing é mara lé yín yû mù,
Ngá é myòqdong lé châng ho é hkûn jé shoq,
Ngò gi, Ngá é jowò shut dum taû ló râ nghut lhê;
yhángmòq gi, dìk shoq hpu zô é hkyô mai,
ô nau é myìt èq Ngo lé hô kôrâ nghut lhê.” gâ ri.
Currently Selected:
Hose-a 5: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
