Amo 7
7
Dinggám Nê, Myi Eq Kê É Hkyîng
1Haû Ahko Ahkáng lhúnglháng wó Sû Yhûmsîng Garai mai ngo lé shí hkyô tûn shit ri; wú keq, Yhang gi, hkóhkâm hpô é gàmbùm gùq wó yâm yu é htâng, dum nyún lo é u, dinggám nê jùm lé hen tô ri. 2Haú pé gi, ra-mau gón é nyui é ahaq pé lé zô pyám bê nghut é yánmai, ngò gi, “Ahko Ahkáng lhúnglháng wó Sû Yhûmsîng Garai ê, mara hkyut byi laq ô! Yakup gi, wum gyai nyhôm lhê nghut é yánmai, hkâsu kut wó nyi myìt gyó to râ lhú?” nghû wùt garû ngau é nghut lhê.
3Haû mù, Yhûmsîng Garai gi, myìt lhîng luî, “Shí hkyô dùt htoq râ a nghut.” ga taî ri.
4Haû Ahko Ahkáng lhúnglháng wó Sû Yhûmsîng Garai mai ngo lé shí hkyô tûn shit ri; wú keq; haû Ahko Ahkáng lhúnglháng wó Sû Yhûmsîng Garai gi, myî èq târâ jéyáng râ matú myi lé wùt yu é nghut mù, myi haû gi, nìk dik é jowò mó lé nyé kyuq pyám mù, maumyî le nyé gyó ló bê nghut ri. 5Haú hkûn, ngò gi, “Ahko Ahkáng lhúnglháng wó Sû Yhûmsîng Garai ê, nô pyám lo aq! Yakup gi, hkâsu kut wó nyi myìt gyó to râ lhú? Yhang gi, wum gyai nyhôm ri!” nghû wùt garû ngau é nghut lhê.
6Haû mù, Ahko Ahkáng lhúnglháng wó Sû Yhûmsîng Garai gi, myìt lhîng luî, “Shí hkyô le dùt htoq râ a nghut.” ga taî ri.
7Yhang gi, ngo lé shí hkyô dum tûn shit ri; wú keq; haû Yhûmsîng gi, kê é tuî èq ké luî saî tô é xêwâm nàm má yàp to mù, Yhâng é lòq má kê é tui chung tô ri. 8Haú hkûn, haû Yhûmsîng Garai gi, ngo lé, “Amo ê, nàng haî myang ri lhú?” ga myî ri.
Ngò gi, “Kê é tui lé myang ri.” nghû tû taî é nghut lhê.
Haú hkûn, haû Yhûmsîng gi, “Wú aq; Ngò gi, Ngá é Isira-elaq byu pê chyáng kê é tui hkyô kat râ nghut lhê; Ngò gi, yhángmòq lé lhut byi râ a nghut lo.
9Isak é myhang é hparà noq jowò pé lé lhoqhtên pyám râ nghut mù,
Isira-elaq é sân-yúng jowò pé lé lhoqhpyoq hpyi pyâm to râ nghut lhê;
Ngò gi, Yerobo-am é yhûm lé sham èq sat pyám râ nghut lhê.” ga taî ri.
Amo Eq Hkyangjong Amazi-a É Hkyô
10Haû mù, Behtela wà mâ é hkyangjong Amazi-a mai Isira-elaq hkóhkâm Yerobo-am lé dang hun kat é gi, “Amo gi, Isira-elaq byù myû wui é agùng má, nang lé gumlau toq nyi ri; mîngdán gi, yhâng é dang bànshoq lé a wó hkâm nghut ri. 11Hkâsu mù gâ le, Amo shî su ga taî ri;
‘Yerobo-am gi, sham èq sat pyâm é hui râ nghut mù,
Isira-elaq byu pé gi, yhûmsing mau eq wê gâng é má
teng za shúm zung é hui kôrâ nghut lhê.’ gâ ri.” gâ ri.
12Hau htoq agó, Amazi-a gi, Amo lé, “Myìqhtoi hpó ê, Yudaq ming shut hpang ló byùq àq. Haú má myìqhtoi ló htoi luî, chyungxe ló baú aq. 13Behtela wà má myìqhtoi hkâhtoi lo; hkâsu mù gâ le, haû gi, hkóhkam é sân-yúng jowò eq mîngdán é noqkuq yhûm nghut lhê.” ga taî ri.
14Haû mù, Amo gi, Amazi-a lé, “Ngò gi, myìqhtoi le a nghut; myìqhtoî é yhang zo le a nghut; sau zúng sû rayùq nghut luî, hkohúm gâm pé wú gon sû shèq ru nghut lhê. 15Nghut kôlhang, haû Yhûmsîng Garai gi, ngo lé sau hpúng zúng nyi é mai shuî yù luî, ‘Ê mù, Ngá é Isira-elaq byu pé lé myìqhtoi ê htoi aq.’ ga taî ri. 16Haû mù, ahkuî, haû Yhûmsîng Garaî é dang lé gyo aq. Nàng gi,
‘Isira-elaq byu pé lé htuqhtîng é myìqhtoi hkâhtoi;
Isak é awùt ashîn pé lé htuqhtíng luî mungdang hko é hkyô nô pyám aq.’ ga taî é nghut ri.
17Haû mù, Yhûmsîng Garai shî su ga taî ri;
‘Náng é yhûmsîng myhí gi, wàhkaû haú má shiwa myhí dùt byùq râ nghut mù,
náng é yùqzo byìzô pé gi, sham èq sat pyâm é hui kôrâ nghut lhê.
Náng é maumyî gi, kê yù luî, gam yu pyám byî é hui râ nghut lhê;
nàng yhang le, agè alhô é ming má shi byùq râ nghut lhê.
Isira-elaq byu pé gi, gè gè yhang, yhûmsing mau eq wê gâng é má
shúm zung é hui kôrâ nghut lhê.’ gâ ri.” ga taî ri.
Currently Selected:
Amo 7: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
