Amo 6
6
Nyì Ngón Yùqyo To Bang Dingnyé Wó Râ Hkyô
1Zi-un Bùm má nyì ngón yùqyo nyì luî,
Samariq Bùm má haî a gyùq râ é za nyì mù,
byù myû mó pê htoq ushuq dùt luî, myìng wó mù,
Isira-elaq byu pê é jowò dùt é bang gi, dingnyé wó ri!
2Hkaline wà shut ê mù, haú lé wú keq;
haú mai hkìk é Hamat wà mó má gyó ló luî,
Hpilisiti mau mâ é Gahta wà má gyó ê keq.
Yhángmòq gi, mîngdán í lhum#6:2 Mîngdán í lhum gi, Yudaq eq Isira-elaq lé gâ é nghut lhê. nghut é núngmòq htoq je ge akô lhú?
Yhángmòq é maumyî gi, núngmòq é maumyî htoq lam akô lhú?
3Núngmòq gi, byò dàn byò sho htoq râ buìnyì lé wê ashî ga kômù,
gyùq chiq hpo mó lé shuî chyâng yu akô nghut ri.
4Núngmòq gi, xângzuì mhôn tap tô é hpyang má lèq mù,
tánghkuq mâ é lòq zui jáng má nghe tô akô nghut ri;
núngmòq gi, sau hpúng mâ é je yúng é sau zô pé eq
hkup mâ é xu yúng é nojûng zô pé lé sat zô akô nghut ri.
5Núngmòq gi, Dawiq su, tíng góng pé bàt luî, jihkyang sâng mù,
bàt jung mùt jung pé saî akô nghut ri.
6Núngmòq gi, hkoq mai tsibyiq wing byíng shoq shuq kômù,
je réng é xû lé gùng má but akô nghut ri;
nghut kôlhang, Yosep htên byòq é hkyô lé gi, a yón kó nghut ri.
7Haû mù, núngmòq gi, sânghi shúm zung é bang má bo lòm ló râ nghut lhê;
núngmòq hkye kún ye kûn é poî pé eq lèq nghe kûn é hkyô pé gi, htûm byùq râ nghut lhê.
Isira-elaq Byu Pé Nghutbûn É Hkyô Lé Yhûmsîng Garai Chaq Pyâm É Hkyô
8Haû Ahko Ahkáng lhúnglháng wó Sû Yhûmsîng Garai, yhûmsing gùng yhûmsîng dâkam é nghut mù, haû Wum-o a-tsam dìk shoq bò Sû Yhûmsîng Garai Gasang taî pyo é gi,
“Ngò gi, Yakup nghutbûn é hkyô lé a ngui é nghut mù,
yhâng é gingtíng jowò pé lé chaq pyâm é nghut lhê;
haû mù, Ngò gi, wà haû eq haú má jòq é lhúnglháng lé,
gye pê chyáng àp byî pyám râ nghut lhê.” gâ ri.
9Yhûm ralhum má byù raxê yùq nyi myìt to kôlhang, yhángmòq gi, shi byùq kôrâ nghut lhê. 10Buìnùm rayùq yùq, màng haú pé lé nyhê hkyô pyám râ sû, yhûm haú mai màng haú pé lé lé wàq htoq é hkûn, yhang gi, htúngchyûn má wó haq tô é sû lé, “Rayùq yùq, nàng eq rahá nghut nyi lhê lhú?” ga myi jáng, haú yùq gi, “A nyì.” ga tû taî é nghut jáng, yhang gi, “Zim za nyì àq. Haû Yhûmsîng Garaî é myìng lé ngá-nhúng ge taî htoq râ a nghut.” ga tân pyám râ nghut lhê.
11Hkâsu mù gâ le, haû Yhûmsîng Garai hkunmó hkyô tô é eq rajung za,
yhûm mó gi, lhoqhkyop hpyi pyâm é hui mù,
yhûm zo gi, bàt hkyop pyâm é hui râ nghut lhê.
12Myang pé gi, lùqbùm má wó dîn râ lhú?
No pé gi, wuimau lé wó hpuq râ lhú?
Nghut kôlhang, núngmòq gi, târâ ràp-rá hkyô lé dùq kut pyám kômù,
díngmán é hkyô lé, dìk shoq hpu zô é hkyo èq htaî lhik pyám bekô nghut ri.
13Núngmòq gi, Lo Debara#6:13 Lo Debara ga é gi, akôm gâ é nghut lhê. wà lé wó sing yù kômù,
“Ngá-nhúng gi, Karina-im#6:13 Karina-im gi, wum-o lé taí nau é hkyuî lé gâ é nghut lhê. lé yhûmsing é a-tsâm èq wó up yu é nghut lhê.” ga gyáng dang taî akô nghut ri.
14Hkâsu mù gâ le, haû Wum-o a-tsam dìk shoq bò Sû Yhûmsîng Garai Gasang taî pyo é gi,
“Isira-elaq byu pé ê, Ngò gi, núngmòq lé htuqhtíng râ byù myû ra-myû lhoqtoq kat râ nghut mù,
byù myû haû gi, Lebo Hamat wà mai Araba langhkaû jé shoq,
núngmòq lé châng zing-ri râ nghut lhê.” gâ ri.
Currently Selected:
Amo 6: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
