Amo 8
8
Myhîng É Shi Ra-kyáng
1Haû Ahko Ahkáng lhúnglháng wó Sû Yhûmsîng Garai mai ngo lé shí hkyô tûn shit ri; wú aq; myhîng é shi ra-kyáng jòq tô ri. 2Yhang gi, ngo lé, “Amo, nàng haî myang ri lhú?” ga myî ri.
Ngò gi, “Myhîng é shi ra-kyáng lé myang ri.” nghû tû taî é nghut lhê.
Haú hkûn, Yhûmsîng Garai gi, ngo lé, “Ngá é Isira-elaq byu pé gi, myhîng bùm bê nghut mù, htûm byùq râ ahkyíng jé bê nghut ri; Ngò gi, yhángmòq lé lhoqlhut byi râ a nghut lo.
3Haú buìnyì má, noqkuq yhûm mâ é mahkôn pé gi, ngaùhkyûng ngaùyang htê htaî dùt byùq râ nghut lhê; màng myo myo lé le, jowò hkangmó má zim za dú lheq to kôrâ nghut lhê.” ga taî ri; haû gi, haû Ahko Ahkáng lhúnglháng wó Sû Yhûmsîng Garai taî pyo ri.
4Asho awuî é bang lé nâng pyeq mù,
mîngdán mâ é myùng bang lé lhoqhtûm pyâm é bang núngmòq gi,
dang shí lé gyo keq;
5núngmòq gi, “Ngá-mòq, gùqzò muilhum wó ung râ matú,
Lhôxan Lhôsik poî gi, hkâ-nhám laî byùq râ lhú?
Ngá-mòq, súngsô wó hkâng ung râ matú,
Bánno Buìnyì gi, hkâ-nhám lai râ lhú?” ga taí kômù,
bùng lé lhoqtiq luî, joíshi lé lhoqko mù,
mò zô é jàng chûng kôluî,
6myùng bang lé ngun èq wui yù mù,
asho awuî é bang lé hkyî-tsung razúm èq wui yù luî,
súngsô asôm lé lháng ung zô akô nghut ri.
7Haû Yhûmsîng Garai gi, Yakup é Hpungwup nghut é Yhâng myìng mai, “Ngò gi, yhángmòq kut é hkyô lé hkâ-nhám le tô-myhî pyám râ a nghut.
8Shí hkyo é yánmai, myigùng gi, gyùq nán byùq mù,
haú má nyi é bànshoq gi, yón kuq kôrâ nghut lhê, a nghut lhí?
Gè gè yhang, myigùng gón gi, Nile Wuìlàng su toq lô râ nghut mù,
Egutuq ming mâ é wuìlàng su wúm ûm lò luî,
dum kân ló byùq râ nghut lhê.” ga dâkam ri.
9Haû Ahko Ahkáng lhúnglháng wó Sû Yhûmsîng Garai taî pyo é gi,
“Haú buìnyì má, Ngò gi,
nyí-káng lé buì wàng nhâng mù,
buì tso yúng é nyí má, myìdàm htoq lé mauchut nhâng râ nghut lhê.
10Ngò gi, núngmòq é ngón poî lé yón hkyô dùt nhâng mù,
núngmòq é jidang lé ngaùhkyûng ngaùyang htê dùt nhâng râ nghut lhê.
Ngò gi, núngmòq bànshoq bang lé, jimê tû wùt nhâng luî,
núngmòq é ulhum wùq pyám nhâng râ nghut lhê.
Ngò gi, ahkyíng haú lé, zote shi byùq mù yón ngau é sû su dùt nhâng mù,
hau é jihtûm gi, dìk shoq hpu zô é buìnyì dùt râ nghut lhê.” gâ ri.
11Haû Ahko Ahkáng lhúnglháng wó Sû Yhûmsîng Garai taî pyo é gi,
“Mîngdán haú má Ngò mùtmó gyó nhang é buìnyì pé jé râ nghut lhê;
haû gi, zò-mut wuìshit râ matú mùtmó gyó é a nghut é za,
haû Yhûmsîng Garaî é mungdang pé lé gyo râ matú mùt shit é buìnyì pé shèq nghut râ nghut lhê.
12Byu pé gi, wuimau ra-mau mai gó-mau shut yông jé mù,
mautsûng mai buìhtoq hkyam jé shoq sô jé luî,
haû Yhûmsîng Garaî é mungdang lé hô kôlhang,
myang hô kôrâ a nghut.
13Haú buìnyì má, yúng é zo-myi gyíng pé eq wúm bo é zorâm wuì gi,
wuìshit luî mòq byùq bùm kôrâ nghut lhê.
14Samariq byu pê é mara lé lang luî,
‘Dan ê, núngmòq é hparà rû dui nyì nyì.’ ga, a nghut jáng,
‘Berasheba é hparà rû dui nyì nyì.’ ga dâkam é bang gi,
lèqbàt byùq mù, hkâ-nhám le dum wó toq kôrâ a nghut.” gâ ri.
Currently Selected:
Amo 8: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
