Amo 4
4
Isira-elaq Byu Pé Garai Gasâng Chyáng A Lhing Taû Lô Shî É Hkyô
1Samariq Bùm má nyì luî, myùng bang lé zìk zo mù,
asho awuî é bang lé zing-ri luî,
yhûmsing é yhûmsîng hpó lé, “Shuq râ tsibyiq wing yu lé aq!” ga taî é,
Bashan mau mâ é no-pyâ pé ê, dang shî lé gyo keq.
2Haû Ahko Ahkáng lhúnglháng wó Sû Yhûmsîng Garai,
Yhâng é chyoiyúng hkyô lé lang luî dâkam é gi,
“Núngmòq lé gòknghe pê èq nghê yu pyám mù,
nyi myìt to bang lé ngo-nhê èq nhê yu é ahkyíng, gè gè yhang jé râ nghut lhê.
3Núngmòq gi, rayùq eq rayùq chyîn lhum mù,
wàhkûm dong pé mai chyîn htoq ló kôluî,
Harimon jowò shut hkat hâng kat é hui zo kôrâ nghut lhê.” gâ ri;
haû gi, Yhûmsîng Garai taî pyo ri.
4“Behtela wà shut ê mù, mara ê kut shut keq;
Giligala wà shut ê mù, mara ê lhoqmyo keq.
Nàp wuì núngmòq é shigu hkungga yu lé mù,
sum nyí má radá núngmòq é xê gàmbùm ragàmbùm yu lé keq.
5Múnchi bo é mùk lé jeju bun hkungga dông nyhê nhông byi mù,
núngmòq é byi naû hkungga lé taî nghutbun keq;
hkâsu mù gâ le, Isira-elaq byu pé ê,
núngmòq gi, haû su kut nau bum akô nghut ri.” ga,
haû Ahko Ahkáng lhúnglháng wó Sû Yhûmsîng Garai taî pyo ri.
6“Ngò gi, wà mó hkangmó má núngmòq chyáng mùtmó gyó nhâng mù,
wà hkangmó má zoshuq langhpyùt nhâng kôlhang,
núngmòq gi, Ngá chyáng a lhing taû lò shi kó nghut ri.” ga,
haû Yhûmsîng Garai taî pyo ri.
7“Hau htoq agó, Ngò gi, kyô shu yòq jé râ lha-mó sum hkyap má,
núngmòq chyáng mau a wò nhâng kut bê nghut lhê.
Ngò gi, rawà má mau wô nhâng kôlhang,
gówâ má a wò nhâng kut é nghut mù,
yò rahkyang má mau wô nhâng luî,
góhkyang má a wò nhâng kut é nghut luî, kyuq shi byùq bê nghut ri.
8Byu pé gi, ûchyam myàng shuq râ matú,
rawa htâng rawà shut ê kôlhang, gyi shoq a myàng shuq kó nghut ri;
nghut kôlhang, núngmòq gi, Ngá chyáng a lhing taû lò shi kó nghut ri.” ga,
haû Yhûmsîng Garai taî pyo ri.
9“Ngò gi, núngmòq é hkyâm pé eq tsibyiq hkyâm pé má,
gùqji zó nhang é eq mhungzúng zui nhâng mù,
núngmòq é hkohúm gâm eq tsanlun gàm pé lé, dinggám ne èq zo myui pyám nhâng kôlhang,
núngmòq gi, Ngá chyáng a lhing taû lò shi kó nghut ri.” ga,
haû Yhûmsîng Garai taî pyo ri.
10“Ngò gi, Egutuq ming má kut é su,
núngmòq chyáng wúm pé nhang kat é nghut lhê;
Ngò gi, núngmòq é zorâm wuì lé sham èq sat pyám mù,
núngmòq é myang pé lé kôn yu ló nhang é nghut lhê.
Ngò gi, núngmòq é gyèwap mâ é bùp nam é shôm lé,
núngmòq é nhô má byíng nhâng bê nghut kôlhang,
núngmòq gi, Ngá chyáng a lhing taû lò shi kó nghut ri.” ga,
haû Yhûmsîng Garai taî pyo ri.
11“Ngò gi, Sodom wà eq Gomora wà lé tu mhuq pyâm é su,
núngmòq mâ é ra-am lé tu mhuq pyám bê nghut lhê.
Núngmòq gi, myihkyóm mai she htoq yu é myizó su dùt bùm kôlhang,
Ngá chyáng a lhing taû lò shi kó nghut ri.” ga,
haû Yhûmsîng Garai taî pyo ri.
12“Haû mù, Isira-elaq byu pé ê, haû gi, núngmòq lé Ngò kut râ hkyô nghut lhê;
Ngò gi, núngmòq lé haú hkyô kut râ nghut é yánmai,
núngmòq é Garai Gasang lé hui râ matú hen to keq.” le gâ ri.
13Bùm pé lé xuq to mù, laì lé hpan to luî,
xângzo byù lé myìt é hkyô hpông shit mù,
maubó lé mauchut nhâng luî,
myìdàm htoq mâ é myhang é jowò pé má nâng sô é Sû gi,
Wum-o a-tsam dìk shoq bò Sû Yhûmsîng Garai Gasang gâ é myìng wó sû nghut ri.
Currently Selected:
Amo 4: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
