Amo 3
3
Isira-elaq Lé Mara Hûn Râ Sàksé Pé
1Isira-elaq byu pé ê, Egutuq ming mai Ngò shuî htoq lo é i-kun gón nghut é núngmòq lé, haû Yhûmsîng Garai Ngò taí bê nghut é htuqhtíng dang shî lé gyo keq.
2“Núngmòq za, myìdàm htoq mâ é i-kun pé bànshoq mai,
Ngò hkyin htoq yu é bang nghut akô;
haû mù, Ngò gi, núngmòq é yubàk mara bànshoq é matú,
núngmòq lé mara dam byi râ nghut lhê.” nghu é nghut lhê.
3Byù í yùq gi, myìt a huî lhûm le,
rahá hkyô wó hûm so kôrâ lhú?
4Hkanghkyi gi, sho a nyi le,
yòso mó má mying garu râ lhú?
Hkanghkyi râm zo gi, zo sho a wó tô le,
yhâng é hkyûng hkaû má nying myhíng râ lhú?
5Nghoq tuihkyó má zoshuq a bo le,
nghoq myang myhî yu wú akô lhú?
Dumzo má haî a lé wang le,
dumzo haû bìk râ lhú?
6Wà má tut mùt jáng,
wà byù wuì a gyùq nán kôrâ lhú?
Wà má byò dàn byò sho hkyô jé le,
haû gi, Yhûmsîng Garai kut é a nghut lhí?
7Gè gè yhang, haû Ahko Ahkáng lhúnglháng wó Sû Yhûmsîng Garai gi,
Yhâng é duìnhâng zoshâng myìqhtoî pé lé a hpông shit shî é nghut jáng,
haî le a kut nghut ri.
8Hkanghkyi mying garu jáng,
a gyùq é ó yùq nyî râ lhú?
Haû Ahko Ahkáng lhúnglháng wó Sû Yhûmsîng Garai dang nyô jáng,
myìqhtoi a htoî é ó yùq nyì râ lhú?
9Ashidot wà mâ é gingtíng jowò eq
Egutuq ming mâ é gingtíng jowò lé,
“Samariq mâ é bùm pé má zùp zing luî,
haú pé má gabyông nyi bum é eq
haú mâ é zìk zo huî é bang lé wú keq.” nghû taî pyô keq.
10Hkâsu mù gâ le, “Yhángmòq gi, jo têng é hkyô a sê kut kômù,
yhángmòq é lú yu lo é eq da-myàq wó myàq yu é pé lé,
yhángmòq é gingtíng jowò pé má hkong tô akô nghut ri.” ga,
haû Yhûmsîng Garai taî pyo ri.
11Haû mù, Ahko Ahkáng lhúnglháng wó Sû Yhûmsîng Garai shî su ga taî ri;
“Gyè jé mù, núngmòq é mau lé lóm pyám luî,
núngmòq é wum-o pé lé lhoqyom pyám byi mù,
núngmòq é gingtíng jowò pé lé hpyoq yu pyám byi râ nghut lhê.” gâ ri.
12Haû Yhûmsîng Garai shî su ga taî ri;
“Sau zúng sû gi, hkanghkyî nhut mai,
hkyî í hkyî, a nghut jáng, nohkyap rahkyap za lháng hkyi xe htoq yu é su,
Samariq wà má nyi to mù, yhuphpyang umhtúng má zung tô é eq
htu é taphkang htoq má lèq tô é Isira-elaq byu pé lé,
hkyi xe yù râ nghut lhê.” gâ ri.
13Haû Wum-o a-tsam dìk shoq bò Sû Yhûmsîng Garai Gasang nghut é, haû Yhûmsîng Garai taî pyo é gi, “Shí lé gyo keq; Yakup é awùt ashîn pé lé htuqhtîng é sàksé hkám keq.
14Ngò gi, Isira-elaq byu pé lé, yhángmòq é yubàk marâ é matú mara dam byî é buìnyì má,
Behtela mâ é hkungga gyàp pé lé lhoqhtên pyám râ nghut mù,
hkungga gyàp mâ é hkyuî pé gi, zân hpyit pyâm é hui mù,
myigùng má gyó lèq byùq râ nghut lhê.
15Hau htoq agó, Ngò gi, gyòq nám lhê é yhûm eq
nyé nám lhê é yhûm pé lé hpyoq hpyi pyám râ nghut lhê;
xângzuì pé mhôn tô é yhûm pé gi, lhoqhtên pyâm é hui mù,
kô myhang é yhûm pé gi, lhoqhkyop hpyi pyâm é hui râ nghut lhê.” gâ ri;
haû gi, Yhûmsîng Garai taî pyo ri.
Currently Selected:
Amo 3: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
