ZACARÍAS 4
4
Mechero jenda jare olivo reta
1Araɨgua imiari che ndive vae cheke pe chemomba, metei kuimbae oke vae güi oyemomba rami. 2Jare jei cheve: “¿Mbae pa reecha?” Che jae chupe: “Mase, ko aecha metei mechero jenda oro katuai vae, güɨnoi iárambo asaite jɨru, jare chiu mechero jókuae jenda iárambo, metei ñavo güɨnoi asaite jape mechero peguarä. 3Jare mechero renda iyɨpɨ pe oï mókoi olivo,#Ap 11.4. metei iyakatu kotɨ ïru iyasu kotɨ.”
4Jare aparandu araɨgua imiari che ndive vae pe: “¿Mbae pa ko kuae cheYa?” 5Jare araɨgua imiari che ndive vae jei cheve: “¿Mbaetɨ ya reikuaa mbae ko vae?” Che jae chupe: “Mbaetɨ aikuaa cheya.”
6Jayave jei cheve: “Kuae ko jae yandeYa iñee Zorobabel#Esd 5.2. peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.#Os 1.7. 7¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”
8Jaɨkue rupi yandeYa jei ye cheve körai: 9“Zorobabel oñonota kuae o iguapɨka, jae ipo pe opata oyapo.” Jökorai peikuaata yandeYa Imbaepuere yae ete vae ko chembou. 10“Echa jókuae ara oyemboɨpɨ ramo yave mbaeä etei omae jese vae reta oyeroviata, jare oecha retata Zorobabel ipo pe güɨnoi plomada.”
Kuae jaɨkue rupi araɨgua jei ye: “Kuae chiu mechero vae reta jae ko yandeYa jesa omae opaete ɨvɨ re vae.”#Ap 5.6.
11Aparandu ye chupe: “¿Mbae pa ko oipota jei kuae mókoi ɨvɨra olivo#Ap 11.4. mechero renda iyakatu kotɨ jare iyasu kotɨ ñogüɨnoi vae?” 12Aparandu pɨau ye chupe: “¿Mbae pa ombojaanga kuae mókoi ɨvɨra olivo jäka asaite jape oro pegua mechero pe ou vae re ñogüɨnoi vae?” 13Araɨgua jei cheve: “¿Mbaetɨ ya reikuaa mbae ko vae?” Jare jae: “Mbaetɨ aikuaa cheya.”
14Jare jae jei: “Kuae ko jae mókoi oñeñono tee oyeokuai vaerä yandeYa pe ɨvɨ iyapoa pe.”
Currently Selected:
ZACARÍAS 4: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
