ZACARÍAS 3
3
Sacerdote tenondegua ete Josué oyekuaa vae
1YandeYa oechauka cheve, sacerdote tenondegua Josué#Esd 5.2. oyemboɨ oï yandeYa iaraɨgua jóvai, jare Satanás oï iyakatu kotɨ, omboeko#1 Cr 21.1; Job 1.6; Ap 12.10. vaerä. 2Jare yandeYa jei Satanás pe: “¡YandeYa toñeengata ndeve Satanás! ¡YandeYa oaɨu Jerusalén vae toñeengata#Jud 9; Am 4.11. ndeve! Echa jae ko tatasɨgüe tata güi oñerenoegüe rami.” 3Jare Josué jemimonde ikɨa vae ndive oï araɨgua jóvai. 4Jare araɨgua oyókuai jóvai rupi ñogüɨnoi vae, jei reve: “Pemboi chugüi jókuae temimonde ikɨa vae.” Jare chupe jei: “Mase, ko aekɨ ndegüi ndeyoa, jare romboemimondeuka ikavi yae vae pe.”#Ap 19.8. 5Jaɨkue rupi jei: “Peñono äka-regua ikɨambae iñäka re.” Jare jae reta oñono jese güire omondeuka chupe temimonde. Jare yandeYa iaraɨgua jekuaeño oyemboɨ oï jóvai.
6Javoi jókuae yandeYa iaraɨgua omboarakuaa Josué körai: 7“YandeYa Imbaepuere yae ete vae jei körai: ‘Reguata jare reiko yave cheremimbota rupi, reporookuaita chero pe, reyangarekota vi cheroka re, jare ameeta ndeve reï vaerä kuae oyeokuai cheve vae reta ndive. 8Eendu añave, sacerdote tenondegua Josué, nde jare ndevɨa-ïru reta oguapɨ nderóvai vae, echa pe reta ko jae yembojaangaa. Mase, ko che aru cherembiokuai jokɨ pɨau vae.#Jer 23.5; 33.15; Zac 6.12. 9Echa, ko Josué jóvai añono ita; kuae ita jaevaeño vae güɨnoi chiu iyɨke; mase, ko che aikuatiata jei yandeYa Imbaepuere yae ete vae, jare ɨvɨ pegua reta iyoa aekɨta metei ara pe. 10Jókuae ara metei ñavo pegüi reta opareata iñeïru pe okaru päve vaerä uva igüɨ pe jare ɨva#Miq 4.4. igüɨ pe, jei yandeYa Imbaepuere yae ete vae.’ ”
Currently Selected:
ZACARÍAS 3: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
