APOCALIPSIS 8
8
Tembikuatía imboyaa chiúa
1Jare Vecha kuimbae taɨrusu vae oipea tembikuatía imboyaa chiúa yave, kïrii ngatu opɨta ara media ora rupi. 2Jare aecha jókuae chiu araɨgua Tumpa jóvai oyemboɨ ñogüɨnoi vae reta. Jare oñemee chupe reta chiu mimbɨguasu. 3Jayave ou ïru araɨgua oyemboɨ mɨmba oyeyukagüe oyeapɨ jese vae#Am 9.1. jóvai, jare güɨnoi ikäti kavi vae incienso oyeapɨ pɨpe vae oro pegua.#Ex 30.1,3. Jare oñemee araɨgua pe jeta ikäti kavi vae incienso, omoïru vaerä oporogüɨrovia vae reta iyerure#Sal 141.2; Ap 5.8. oï ikäti kavi vae incienso oyeapɨ jese vae oro pegua re. Jókuae mburuvicha iguapɨa jóvai oï vae. 4Jare araɨgua ipo güi ikäti kavi vae incienso jätati oyeupi oporogüɨrovia vae reta iyerure ndive Tumpa jóvai. 5Jayave araɨgua oipɨɨ ikäti kavi vae incienso oyeapɨ pɨpe vae jare omotɨnɨe tätapɨi jendɨ vae pe mɨmba oyeyuka oyeapɨ jese vae güi, jare omombo ɨvɨ re,#Lv 16.12; Ez 10.2. jare oyeendu ararɨapu, ñee reta, ama-vera jare ɨvɨkana.#Ex 19.16; Ap 11.19; 16.18.
Mimbɨguasu reta
6Jare jókuae chiu araɨgua chiu mimbɨguasu güɨnoi vae reta oï kavi omoñee vaerä.
7Jayave tenondegua araɨgua omoñee mimbɨguasu, jare oa ɨvɨ re amandau jare tata#Ex 9.23-25; Ez 38.22. tugüɨ ndive. Jare mbɨte seri ɨvɨra reta jare opaete ñana ókai.
8Jayave araɨgua mokoía omoñee mimbɨguasu, jare metei ɨvɨtɨ guasuecha vae jendɨ reve oa ɨguasu pe. Jare mbɨte seri ɨguasu oyeapo tugüɨrä.#Ex 7.17-21. 9Jare mbɨte seri jevae ɨguasu rupigua reta omano. Jare mbɨte seri barco guasu reta opa oyemboai.
10Jayave araɨgua mboapɨa omoñee mimbɨguasu, jare oa ara#Is 14.12. güi metei yasɨtata tuicha vae jendɨ reve metei mechero tuicha vae rami, jare oa mbɨte seri ɨ̈aka reta jare ɨesaɨ reta re. 11Jare jókuae yasɨtata ko jee Iro yae vae, jare jókuae mbɨte seri ɨ reta opa omboiro yae, jare jeta yae vae omano#Jer 9.15; 23.15. ɨ iro vae jou ramo.
12Jayave araɨgua irundɨa omoñee mimbɨguasu, jare mbɨte seri kuaraɨ, yasɨ jare yasɨtata maratu oasa, jare mbɨte seri opa ogüe#Ex 10.21-23; Is 13.10; Ez 32.7; Jl 2.10,31; 3.15. reta ara pe jare pɨ̈tu yave.
13Amae jare aendu metei güɨraké oveve ara mbɨte rupi, jare iñeeäta reve jei: “¡Paravete ɨvɨ pegua reta oiporara yaeta ko ïru mboapɨ araɨgua reta mimbɨguasu omoñee yave!”
Currently Selected:
APOCALIPSIS 8: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
