Popular Bible Verses from APOCALIPSIS 8

Share

Jare Vecha kuimbae taɨrusu vae oipea tembikuatía imboyaa chiúa yave, kïrii ngatu opɨta ara media ora rupi.

Jayave tenondegua araɨgua omoñee mimbɨguasu, jare oa ɨvɨ re amandau jare tata tugüɨ ndive. Jare mbɨte seri ɨvɨra reta jare opaete ñana ókai.

Amae jare aendu metei güɨraké oveve ara mbɨte rupi, jare iñeeäta reve jei: “¡Paravete ɨvɨ pegua reta oiporara yaeta ko ïru mboapɨ araɨgua reta mimbɨguasu omoñee yave!”

Jayave araɨgua mokoía omoñee mimbɨguasu, jare metei ɨvɨtɨ guasuecha vae jendɨ reve oa ɨguasu pe. Jare mbɨte seri ɨguasu oyeapo tugüɨrä.

Jayave araɨgua mboapɨa omoñee mimbɨguasu, jare oa ara güi metei yasɨtata tuicha vae jendɨ reve metei mechero tuicha vae rami, jare oa mbɨte seri ɨ̈aka reta jare ɨesaɨ reta re. Jare jókuae yasɨtata ko jee Iro yae vae, jare jókuae mbɨte seri ɨ reta opa omboiro yae, jare jeta yae vae omano ɨ iro vae jou ramo.

Jayave araɨgua irundɨa omoñee mimbɨguasu, jare mbɨte seri kuaraɨ, yasɨ jare yasɨtata maratu oasa, jare mbɨte seri opa ogüe reta ara pe jare pɨ̈tu yave.