APOCALIPSIS 5

Tupapire jare Vecha kuimbae taɨrusu vae

1Jare tenda mborookuaía pegua pe oguapɨ oï ipo iyakatu kotɨgua pe aecha metei tembikuatía oyekuatía japɨpe rupi jare ikupe rupi vae,#Is 29.11; Ez 2.9-10; Zac 5.1. oyeokenda oï chiu imboyaa pe vae. 2Jare aecha metei araɨgua ipɨ̈rata vae, iñeeäta reve omoërakua vae jei: “¿Kia pa jupi oyora vaerä chiu tembikuatía imboyaa jare oipea vaerä?” 3Jare mbaetɨ etei kia ave ara pe, ani ɨvɨ pe, ani ɨvɨgüɨ pe ipuere oipea tembikuatía vae, ani omae yepe jese vae. 4Jare che jeta ayaeo, echa mbaetɨ etei kia oñeväe jupi oipea vaerä tembikuatía, ani omongeta vaerä, ani omae yepe jese vaerä. 5Jayave metei tenondegua okuakuaa vae reta güi jei cheve: “Agüɨye eyaeo. Mase, Judá iñemuña reta pegua#Gn 49.9. yaguapope rami vae, David#Is 11.1,10. iyɨpɨ oporomoamɨri#Jn 16.33; Ap 3.21. oyora vaerä chiu tembikuatía imboyaa jare oipea vaerä.”

6Jare aecha metei Vecha kuimbae taɨrusu vae oyeyukagüe#Is 53.7. rami vae. Oyemboɨ oï jókuae tenda jare jókuae irundɨ oikove vae reta ipäu pe, tenondegua okuakuaa vae reta ipäu pe. Jae güɨnoi chiu jäti jare chiu jesa#Zac 4.10. jae ko Espíritu Santo chiu jembiapo vae opaete ɨvɨ rupi oyemondo vae. 7Jare jókuae Vecha kuimbae taɨrusu vae ou jare oipɨɨ tembikuatía tenda pe oguapɨ oï vae ipo iyakatu kotɨ güi. 8Jare tembikuatía güɨnoi ma yave, jókuae irundɨ oikove vae reta jare jókuae veinticuatro tenondegua okuakuaa vae reta oyetavatɨka Vecha kuimbae taɨrusu vae jóvai. Metei ñavo güɨnoi arpa jare kopa oro pegua tɨnɨe ikäti kavi incienso, jae ko oporogüɨrovia vae reta iyerure;#Sal 141.2; Ap 8.3. 9jare jae reta otairari metei tairari ipɨau vae,#Sal 33.3; 98.1; Is 42.10. jei reve:

“Jupi ko nde reipɨɨ vaerä tembikuatía,

jare reyora vaerä imboyaa,

echa reyeyukauka,

jare nderugüɨ pe oreyora Tumpa peguarä,

opaete ñemuña, ñee, tëta jare tëtaguasu,

10oreapo mburuvicha guasu retarä,

sacerdote retarä ñaneTumpa pe.#Ex 19.6; Ap 1.6; 20.6.

Jare roporookuaita ɨvɨ pe.”

11Amae jare aendu jeta araɨgua reta iñee jókuae tenda mborookuaía pegua, oikove vae reta jare jókuae tenondegua okuakuaa vae reta iyɨ́vɨri rupi. Jare jókuae araɨgua reta jeta yeyé,#Dn 7.10. 12jare jei reta iñeeäta reve:

“Vecha kuimbae taɨrusu vae oyeyukauka#Jn 1.29; 1 Co 5.7. vae

jupi ko güɨnoi vaerä mbaepuere,

mbaeyekou, arakuaa, mɨ̈rata, yemboete,

yemboetea jare mbaemboete.”

13Jayave opaete ara pe, ɨvɨ pe, ɨvɨgüɨ pe jare ɨguasu pe ñogüɨnoi vae reta aendu jei:

“Jókuae mburuvicha iguapɨa pe oguapɨ oï vae jare Vecha kuimbae taɨrusu vae,

togüɨnoi mbaemboete, yemboete, yemboetea jare mbaepuere jekuaekuae avei rupi.”

14Jayave jókuae irundɨ oikove vae reta jei: “Amén” Jare jókuae veinticuatro tenondegua okuakuaa vae reta oyetavatɨka itindɨasɨ reve omboete oiko jekuaekuae avei rupi vae.

Currently Selected:

APOCALIPSIS 5: GUABD

Highlight

Copy

Compare