APOCALIPSIS 3

Ñee Sardis peguarä

1Eikuatía Sardis pegua oporogüɨrovia vae reta iaraɨgua pe: Chiu espíritu vae jare chiu yasɨtata reta güɨnoi vae jei: ‘Che aikuaa opaete reyapogüe reta, nerërakua reikove ko, ërei remano ko. 2Esareko jare eñemomɨ̈rata jókuae omanota ete ma vae. Echa aecha mbaetɨ jaekavi nderembiapo reta Tumpa jóvai. 3Jáeramo, nemaendúa Tumpa güi remboresive jare reendu vae re. Eñemomɨ̈rata jókuae re, jare eeya ndeyemongeta ikavimbae vae ndepɨa pe oï vae. Echa mbaetɨ resareko reï yave, ayuta ndeve imonda vae rami, jare ngaraa reikuaa kërai yave ra ayuta ndeve.#Mt 24.43-44; Lc 12.39-40; Ap 16.15. 4Oime jókuae Sardis pe mbovɨ mbaetɨ omongɨa jemimonde vae reta. Jae reta oguatata che ndive jemimonde tïi vae reve, echa jupi. 5Oporomoamɨri vae pe ameeta temimonde tïi vae omonde, jare ngaraa amboai jee tembikuatía tekove pegua güi,#Ex 32.32-33; Sal 69.28; Ap 20.12. aikuaaukata cheRu jóvai jare iaraɨgua#Mt 10.32; Lc 12.8. reta jóvai. 6Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re.’

Ñee Filadelfia peguarä

7Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae,#Is 22.22; Job 12.14. jei: 8‘Che aikuaa opaete reyapogüe reta. Mase, ko añono nderóvai öke oyepea oï vae, mbaetɨ kia ipuere oyokenda vae. Echa renoi tëi michi nepɨ̈rata, ërei reyapo che jae vae jare mbaetɨ chekuaku. 9Mase, aruta nderóvai oyetavatɨka#Is 49.23; 60.14. vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.#Is 43.4. 10Reyapo che jae ndeve reyapo vaerä vae ndepɨaguasu reve ramo, che roepɨta opaete ɨvɨ pe yogüɨreko vae reta oiporarata oñejäa yave vae güi. 11Mase, ayuta ete ma, renoi vae eñovatu, agüɨye vaerä ndembaerä tëi vae oñemee ïru pe. 12Oporomoamɨri vae añonota cheTumpa jo pe okɨta rami, jare ngaraa etei oë ye. Güɨnoita mbaepuere tuicha vae metei okɨta ipɨ̈rata yae vae rami. Jare aikuatiata jese cheTumpa jee jare jëta guasu Jerusalén ipɨau vae jee ogüeyɨta ara güi cheTumpa ndive vae.#Ap 21.2. Jaeramiño vi aikuatiata jese cheree ipɨau vae.#Is 62.2; 65.15.

13Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re.’

Ñee Laodicea peguarä

14Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae,#Pr 8.22-31; Jn 1.3; Col 1.15,18. jei: 15‘Che aikuaa opaete reyapogüe reta, kërai nde mbaetɨ chemotareɨ ani mbaetɨ vi cheraɨu. ¡Mbae mona chemotareɨ ani cheraɨu! 16Jare mbaetɨ chemotareɨ ani cheraɨu ramo romombota, yandeyuru güi mbae yamombo yayuguaru reve rami. 17Echa nde rere: Aikokatu ko, jeta mbaembae anoi, mbaetɨ etei mbae oata yandeve. Ërei mbaetɨ reikuaa, ndepɨatɨtɨ yae, ndeporiau, ndeparavete, nderesambae jare nenandi. 18Jáeramo, romboarakuaa regua vaerä chegüi oro ikɨambae tata pe oyetɨo vae, reikokatu vaerä, jare temimonde tïi vae remonde vaerä, agüɨye vaerä nenandi oyekuaa. Romboarakuaa vi reñono vaerä moa peresa pe, reecha vaerä. 19Che amboete jare aiporarauka aaɨu vae pe;#Pr 3.12; Heb 12.6. jáeramo, eñemoäta ngatu jare eeya ndeyemongeta ikavimbae vae ndepɨa pe oï vae. 20Mase, ko aï öke pe jare ambopu aï öke. Oime yave kia cheñee oendu vae, oipea yave öke, aiketa akaru vaerä jae ndive, jare jae okaruta che ndive. 21Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri#Jn 16.33; Ap 5.5. jare aguapɨ cheRu ndive iguapɨa pe rami.

22Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re.’ ”

Currently Selected:

APOCALIPSIS 3: GUABD

Highlight

Copy

Compare