APOCALIPSIS 2

Ñee Efeso peguarä

1Eikuatía Efeso pegua oporogüɨrovia vae reta iaraɨgua pe: Güɨnoi chiu yasɨtata reta ipo iyakatu pe vae, oguata chiu mechero jenda oro pegua ipɨte rupi vae, jei:

2‘Che aikuaa opaete reyapogüe reta; täta reparavɨkɨ jare ndepɨaguasu vi. Aikuaa vi mbaetɨ reñemoïru ikavimbae vae oyapo vae reta ndive, jare rejäa temimondo oyembojee vae reta jare reikuaa temimondo retaä ko, iyapu reta ko vae; 3reiporara, ndepɨaguasu, täta reparavɨkɨ cheraɨu ramo, jare mbaetɨ ndepɨtu. 4Ërei oime mbae jae vaerä ndeve, jae ko mbaetɨ ma cheraɨu tenonde yave rami. 5Jáeramo nemaendúa kërai tenonde yave cheraɨu ete. Eeya ndeyemongeta ikavimbae vae ndepɨa pe oï vae, jare eyapo ye mbaravɨkɨ reta tenonde yave reyapose vae. Echa mbaetɨ yave ayuta ɨmambae ndeve, aekɨta nemechero jenda oïa güi mbaetɨ reeya ndeyemongeta ikavimbae vae ndepɨa pe oï vae yave. 6Ërei chemboyerovia vae jae ko reröɨro nicolaíta reta oyapogüe, jókuae che aröɨro vi. 7Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove#Gn 2.9; Ap 22.2. pegua, oime Tumpa#Ez 28.13; 31.8. jëta pe vae güi.’

Ñee Esmirna peguarä

8Eikuatía Esmirna pegua oporogüɨrovia vae reta iaraɨgua pe: Tenondegua ete jare taɨkuegua ete,#Is 41.4; 46.6; 48.12; Ap 1.17; 22.13. omano, ërei oikove ye vae jei: 9‘Che aikuaa opaete reyapogüe reta, jare kërai reiporara jare ndeparavete vae (ërei reikokatu ko); aikuaa vi kërai jókuae judío jei iyeupe vae reta jei ñee ikavimbae vae ndekotɨ vae, ërei jae reta ko oyeapo Satanás imbae reta. 10Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae. 11Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae, ngaraa etei oiporara mano mokoía.’#Ap 20.14; 21.8.

Ñee Pérgamo peguarä

12Eikuatía Pérgamo pegua oporogüɨrovia vae reta iaraɨgua pe: Kɨsepuku jaimbe yoyavi vae güɨnoi vae jei: 13‘Che aikuaa opaete reyapogüe reta jare kia pe reiko vae, Satanás jenda mborookuaía pegua oïa pe. Ërei pe reta jekuaeño perovia cheré jare mbaetɨ chekuaku, Antipas chemombeu kavi vae oyeyukauka jókuae Satanás oikoa pe ave. 14Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel#Nm 22.5,7; 31.16; Dt 23.4. iñemuña reta, echa jouka tembíu tumpa-raanga reta pe oñemee vae jare oyapo reta aguasa.#Nm 25.1-3. 15Jaeramiño vi oime joko pe nicolaíta reta iporomboe ñäteɨ oeya vae reta; jókuae mboromboe aröɨro ko. 16Jáeramo, eeya ndeyemongeta ikavimbae vae ndepɨa pe oï vae; echa mbaetɨ yave ayuta ɨmambae ndeve, añorarota jae reta ndive kɨsepuku cheyuru güi oë vae pe. 17Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae maná#Ex 16.14-15; 16.33-34; Jn 6.48-50. oñeomi oï vae, jare ameeta vi chupe metei ita raɨ tïi vae. Jókuae ita re oime metei tee ipɨau#Is 62.2; 65.15. vae oyekuatía oï, jókuae tee mbaetɨ etei kia oikuaa, jaeño omboresive vae.’

Ñee Tiatira peguarä

18Eikuatía Tiatira pegua oporogüɨrovia vae reta iaraɨgua pe: Tumpa Taɨ, jesa tata jendɨ vae rami vae, jare ipɨ jiero iyu vae jembipe vae rami vae, jei kuae: 19‘Che aikuaa opaete reyapogüe reta, ndeporoaɨu, ndeporogüɨrovia, reyeokuai cheve vae jare ndepɨaguasu. Jare añave reparavɨkɨ vae jeta yae reyapo tenonde yave reparavɨkɨ vae güi. 20Ërei oime mbovɨ mbae jae vaerä ndeve: Jae ko remaeño jókuae kuña Jezabel#1 R 16.31; 2 R 9.22,30. ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae. 21Jare amee ma jókuae kuña pe oeya vaerä iyemongeta ikavi mbae vae ipɨa pe oï vae, ërei mbaetɨ oipota oeya jeko ikavimbae. 22Mase, amombaerasɨta jókuae kuña, jare aiporarauka yaeta jae ndive oasa vae reta pe, mbaetɨ yave oeya reta jókuae kuña jeko ikavimbae vae. 23Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa.#Sal 7.9; Jer 17.10. Jare ameeta metei ñavo vae pe jembiapo oï rupi.#Sal 62.11-12; Pr 24.12; Ez 18.30; 3.20; Mt 16.27. 24Ërei pe reta jare opaete Tiatira pe peï vae reta, mbaetɨ jókuae mboromboe omomoe vae reta, jare mbaetɨ oikuaa Satanás iporomboe tɨpɨ yae vae reta, che yae peve mbaetɨta ma amoïru mborookuai, 25ërei penoi vae peñovatu ayu ye regua. 26Oporomoamɨri vae jare oyapo cheparavɨkɨ omboapɨ regua vae pe, che ameeta chupe güɨnoi vaerä mbaepuere tëtaguasu reta re. 27Jare oyokuaita metei popoka jiero pegua pe, jare tëtaguasu reta opata oyeka yeka ɨru ñaeu#Sal 2.8-9. pegua rami. CheRu omee cheve etei mbaepuere vae rami; 28jare ameeta chupe yasɨtata ndeimboveasɨ oyekuaa vae. 29Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re.’

Currently Selected:

APOCALIPSIS 2: GUABD

Highlight

Copy

Compare