HEBREOS 4

1Jáeramo yaipoɨu, echa güɨramoi amogüe pe reta ngaraa peupitɨ penoi vaerä jókuae mbutuu Tumpa omee vae pe. 2Echa yandeve vi oñemoërakua ñee ikavi vae chupe reta oñemoërakua rami; ërei jókuae ñee ikavi vae mbaetɨ oyapo mbae chupe reta, echa mbaetɨ güɨrovia reta jókuae oendugüe. 3Jare yande yarovia Tumpa vae yaupitɨ jókuae mbutuu, Tumpa jei rami:

“Jáeramo, chearasɨ reve jae:

Mbaetɨta oike reta mbutuu#Sal 95.11. ameeta vae pe.”

Yepe tëi Tumpa opa oyapo iparavɨkɨ, ɨvɨ opa oyapo güive. 4Echa oime tembikuatía pe jei ara chiu regua:

“Tumpa oputuu#Gn 2.2. chiúa ara pe opaete jembiapo reta güi.”

5Jei ye vi:

“Mbaetɨta oike reta mbutuu#Sal 95.11. ameeta vae pe.”

6Yaikuaa ko mbaetɨño oike mbutuu pe vae, echa tenonde voi ma omoërakua ñee ikavi vae chupe vae reta mbaetɨ oike reta iñeereendúä jeko pegua. 7Jáeramo, Tumpa omee ye “kuae ara”. Echa arakae ma jei David rupi körai:

“Añave peendu yave iñee:

Agüɨye pepɨa pemotäta,

chemboarasɨuka yave rami.”#Sal 95.7-8.

8Echa Josué omee yave mona mbutuu ñaneñemuñagüe#Dt 31.7; Jos 22.4. reta pe, ngaraa tëi Tumpa imiari ye ïru ara re. 9Jáeramo, oimeño vɨteri ko mbutuu Tumpa imbae vae reta peguarä. 10Echa oike jókuae mbutuu pe vae, oputuu ko iparavɨkɨ reta güi, Tumpa oputuu iparavɨkɨ güi rami. 11Jáeramo, ñañemoäta ngatu yaike vaerä jókuae mbutuu pe, agüɨye vaerä oasa yande ndive jókuae iñeereendumbae vae reta rami.

12Echa Tumpa iñee ko oikove jare imbaepuere, jaimbe yae metei kɨsepuku jaimbe yoyavi vae güi,#Is 49.2; Ef 6.17. ipuere oike yandepɨa pe jare yanderekove pe, yandeyoapɨa pɨa pe jare ñaneäputuu pe; ojäa yandeyemongeta reta jare yandepɨa jemimbota reta. 13Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

Jesús ko sacerdote tenondegua ete tuichagüe

14Jesús Tumpa Taɨ, jae ko yandesacerdote tenondegua ete tuichagüe oike ara pe vae, jáeramo, ñañemoäta ngatu yandeporogüɨrovia pe. 15Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa. 16Jáeramo, yayemboya yaipoɨumbae reve ipɨakavi yae vae iguapɨa re, jae yandeparareko vaerä jare ipɨakavi rupi yandemborɨ vaerä yaiporara yave.

Currently Selected:

HEBREOS 4: GUABD

Highlight

Copy

Compare