AMÓS 2
2
1YandeYa jei körai:
“Ɨvɨ Moab#Is 15.1—16.14; 25.10-12; Jer 48; Ez 25.8-11; Sof 2.8-11. pegua reta iyoa yae jeko pegua, mbaetɨta cheɨ̈ro chupe reta;
echa oapɨ reta mburuvicha guasu Edom pegua ikägüegüe, opaetei regua ombotanimbu.
2Jáeramo ɨvɨ Moab re amoendɨta tata,
jare jókuae tata opata oapɨ mburuvicha guasu jo kavi reta tëta Queriot pe;
jare ɨvɨ Moab pegua reta omanota jäsémbai reve,
mimbɨguasu ñeraro pegua oñee vae iyavei.
3¡Amboaita mburuvicha guasu, kuimbae reta ipɨte güi;
ayukata jae ndive opaete imborɨa reta!”
Jei yandeYa.
4YandeYa jei körai:
“Judá pegua reta iyoa yae jeko pegua, mbaetɨta cheɨ̈ro chupe reta;
echa güɨröɨro reta mborookuai amee vae jare mbaetɨ oyapo reta,
echa itumpa-raanga reta#2.4 Tumpa-raanga reta lit. apu reta. opa omombia reta,
jókuae iñemuñagüe reta omboetese vae.
5Jáeramo Judá re amoendɨta tata,
jare jókuae tata opata oapɨ mburuvicha guasu jo kavi reta Jerusalén pe.”#Os 8.14.
YandeYa iporojäa Israel kotɨ
6YandeYa jei körai:
“Israel iñemuña reta iyoa yae jeko pegua, mbaetɨta cheɨ̈ro chupe reta;
echa jupi vae omee reta korepoti re,
jare paravete vae omee reta pɨapaa re.
7Oyuvanga reta ipuerembae vae reta re,
jare paravete vae reta güi güɨrova reta teko;
metei kuimbae taɨ ndive güɨreko päve metei kuñatai,
omongɨa reta cheree ikɨambae.
8Temimonde#Ex 22.26-27; Dt 24.12-13. oyeeya mbae jepɨrä vae re oyapakua reta oipotagüe mɨmba oyeyuka oyeapɨ jese vae iyɨpɨ pe;
jare itumpa reta jo pe jou reta vino, ombaemboepɨ jupimbae reve vae reta omeegüe.
9Che ko opa amboai peve amorreo reta,#Dt 3.8-11.
jae reta ko pukugüe tëi ɨ̈vɨrare rami, jare täta ɨvɨra encina rami;
opaetei ko amboai.
10Che ko pogüɨnoe ɨvɨ Egipto güi, jare pogüɨroata ñuu rupi cuarenta año,
peike vaerä pepɨ̈ro peyeupe amorreo reta iɨvɨ.#Ex 20.2; Dt 8.2-16.
11Jare peraɨ reta güi amopüa ñeemombeuarä,
jare petaɨrusu reta güi nasareorä.#Nm 6.1-8.
¿Jökoraiä pa ko, Israel iñemuña reta?”
Jei yandeYa.
12“Ërei pe reta pemoñera etei pemongau vino pe nasareo reta,
jare ñeemombeúa reta pe pere:
‘¡Agüɨye mo pemiari Tumpa iñee re!’
13Mase, opaete mbaembae peyapogüe re poumbirita jókuae peïa pe,
metei käretou tɨnɨe trigo pe vae oyeumbiri rami.
14Iñäkua yae vae ngaraa ipuere otekuarai;
ipɨ̈rata yae vae ngaraa ipɨ̈rata omborɨ,
jëia yae vae ave ngaraa ipuere güɨroasayepe jekove.
15Kuimbae uvɨ regua ngaraa ipuere, iñäkua osɨi vae ave ngaraa oasayepe,
kavayu regua ave ngaraa güɨroasayepe jekove.
16Ñeraro pegua reta güi jëia yae vae ave inandiño eteita otekuarai jókuae ara.”
Jei yandeYa.
Currently Selected:
AMÓS 2: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
