1 JUAN 5

Mborogüɨrovia oporomoamɨri vae

1Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta. 2Yaaɨu yave Tumpa jare yayapo yave jae iporookuai reta, yaikuaa yayoaɨu ko yande Tumpa taɨ reta. 3Echa yaaɨu yave Tumpa, yayapo iporookuai reta;#Jn 14.15; 2 Jn 6. jare mbaetɨ ko yavai yayapo vaerä iporookuai reta.#Dt 30.11; Mt 11.30. 4Tekove Tumpa güi güɨnoi vae omoamɨri ɨvɨ pegua teko. Yandeporogüɨrovia rupi ko ñamoamɨri ɨvɨ pegua teko. 5Güɨrovia Jesús ko jae Tumpa Taɨ vae, omoamɨri ɨvɨ pegua teko.

Espíritu Santo omombeu vae

6Kuae Jesucristo ko jae omboɨpɨ iparavɨkɨ ɨ jare tugüɨ rupi vae; mbaetɨ ɨ rupiño, ɨ rupi jare tugüɨ rupi vi. Espíritu Santo ko omombeu kuae regua. Echa Espíritu Santo añete vae ko. 7Oime ko mboapɨ ara pe omombeu kuae regua vae, jae ko: YandeRu, Ñee jare Espíritu Santo. Kuae mboapɨ reta meteiño ko. 8Jökoraiño vi oime mboapɨ ɨvɨ pe omombeu kuae regua vae, jae ko: Espíritu Santo, ɨ jare tugüɨ; kuae mboapɨ reta imiari oyovake. 9Kuimbae reta omombeu yandeve vae yarovia, ërei Tumpa omombeu yandeve vae ko añetetegüe. Jökorai ko Tumpa omombeu yandeve Taɨ regua vae. #Jn 5.32-37; 8.18. 10Tumpa Taɨ re güɨrovia vae, güɨnoi ko ipɨa pe jókuae oñemoërakua vae; mbaetɨ güɨrovia Tumpa re vae, omboapu ko Tumpa, echa mbaetɨ güɨrovia Tumpa omombeu Taɨ regua vae. 11Jare Tumpa omombeu yandeve vae jae: Jae omee yandeve tekove opambae vae; kuae tekove oï Taɨ re. 12Tumpa Taɨ güɨnoi ipɨa pe vae, güɨnoi tekove; ërei mbaetɨ Tumpa Taɨ güɨnoi ipɨa pe vae, mbaetɨ güɨnoi tekove.#Jn 3.36.

Tekove opambae vae yaikuaa vae regua

13Kuaekuae aikuatía peve, pe perovia Tumpa Taɨ jee re vae reta pe, peikuaa vaerä penoi ko tekove opambae vae.#Jn 20.21.

14Jare yandepuere yarovia katu Tumpa, echa yaikuaa Tumpa oendu ko yandeve yayerure yave chupe jae jemimbota rupi mbae re. 15Jare yaikuaa jae oendu ko yandeve oipotagüe mbae re yayerure chupe yave, yaikuaa jae oyapota ko yandeyerure.#Mt 7.7-11; Lc 11.9-13; Jn 15.7,16; 16.23-24; 1 Jn 3.21-22.

16Metei oporogüɨrovia vae oecha yave iñeïru oporogüɨrovia vae oyapo mbaeyoa mano peguambae vae yave, toyerure Tumpa pe jese, jare Tumpa omeeta oikoño vaerä; kuae ko oyapo mbaeyoa mano peguambae vae reta pegua. Oime ko mbaeyoa mano pegua, jókuae re mbaetɨ jae peve peyerure vaerä. 17Opaete mbae jupimbae vae mbaeyoa ko. Ërei oime ko mbaeyoa mano peguambae vae.

18Tumpa güi güɨnoi tekove vae, yaikuaa mbaetɨ ko oyapo mbaeyoa. Echa Tumpa Taɨ etei oyangareko jese, jare aña guasu ngaraa opoko jese. 19Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re. 20Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.#Jn 17.3. 21Cheraɨ aaɨu vae reta, peyeandu tumpa-raanga reta güi. ¡Amén!

Currently Selected:

1 JUAN 5: GUABD

Highlight

Copy

Compare