Malaci 1
1
1Ŋgu umulandu wesiwi lyaŵaYawe muli Malaci, ilyakuIsilaeli.
2ŴaYawe ŵalukulaŵila ati: Nalimutemenweni. Naŋgaŵe'fyo mulalaŵila ati: Mbanimundo mwatutemenwe? WaYawe ati: Kansi Eso taali mukwaŵo Yakobi? Naŋgaŵe'fyo nalimutemenwe Yakobi; 3sombi Eso nalimufitilwe, nekwaalula alukoso amapili akwe, nekupela uŵupyani bwakwe ati emwakwikala ŵamumbwe aŵamumpaŋga. 4Lomba pakulaŵila Edomi ati: Tulisansawilwe, sombi tukeŵakulula liŵili ifyo ifyaonawilwe; telyo ŵaŋgalaŵile'fi ŵaYawe ŵamaŵumba ati: Waŋgeŵaka, sombi neŵo ŋkatoŵolola; peŋka aŵantu ŵakaŵelika ati, Mitala yakuŵifya; kaŵili ati, Ŵantu aŵo ŵalukufitilwa ŵaYawe impindi yonse lukoso. 5Lomba amenso enu akafiŵona, peŋka mukalaŵila ati: ŴaYawe ŋgaŵaŵe ŵakulu napesonde lyamitala yaŵaIsilaeli.
6Umwana umwalalume alacindika ŵawisi; nemupyunjisi naye alacindika ŵawisikulu. Mbapo lomba kani ninewisi, mboŵuleme bwanji ŵuli kwisa? Kaŵili kani ninewisikulu, mbokuntina neŵo kuli kwisa? efilukulaŵila ŵaYawe ŵamaŵumba kuli mweŵo, mweŵapapatilisi, mwemulukupufya isina lyanji. Naŋgawe'fyo mulalaŵila ati: Mbanimundo twapufisye isina lyenu? 7Mweŵo mulaposa siŋkwa uŵipile paeonto canji. Lomba muŋgalawila ati: Mbanimundo twamuŵifisyeni? Nipakuti pakulaŵila mweŵo ati: Itebulu lyaŵaYawe lyamipufyo. 8Lomba pakuposa mweŵo isitiŵacile amenso ati mulambu, kansi tacili ciŵipile? Kaŵili pakuposa isilukusunta nesilukulwala, kansi taeili ciŵipile? Upele umulambu wakuŵe'fyo kumfumu yoŵe; kani ikakutemwa? kani ikakusuminina wemwine? efilukulaŵila ŵaYawe ŵamaŵumba. 9Pano lomba ndukumukombeteleni ati mupapatilile uluse lwaŵaLesa ati watucitile'ŋkumbu. Ifyo fyalicitilwe kuli mweŵo; kani akamusumineni mweŵene mwense? efilukulaŵila ŵaYawe ŵamaŵumba.
10Ŋga pali umuntu pakati pali mweŵo uŋgesala-ko ifiŵi, ati mwiŋgakuŋko' mulilo paeonto canji ukwalukoso! WaYawe ŵamaŵumba ati: Nsilukusaŋgalalila muli mweŵo; kaŵili nsikapokelela umulambu kuminwe yenu. 11Pakuti ukufuma kukutula kwakasuŵa ukufika nakukuwa kwakako, isina lyanji likulu pakati paŵenafyalo; kaŵili ponse ponse ŵaloeela isina lyanji ifinuneile bwino, nekuposa imilambu iswetele; pakuti isina lyanji likulu pakati paŵenafyalo; efilukulaŵila ŵaYawe wamawumba.
12Sombi mulaliŵifya pakulaŵila ati: Itebulu lyaŵaYawe liliŵifisiwe, kaŵili ifisepo fyakuko, efyakulya fyaŵo, fyamipufyo. 13Kaŵili mulalaŵila ati: Ŵoneni, kukatalo'ko! Kaŵili mwafipukwila; efilukulaŵila ŵaYawe ŵamaŵumba; kaŵili mwalete'fyo ifitapilwe kuwuŋgwa, nefilukusunta, nefilukulwala; efyo mulukupose'milambu. Kani ncŵo niŋgapokelela ifyakuŵe'fyo muminwe yenu? efilukulaŵila ŵaYawe. 14Sombi ufinjilwe uwakutumpaika, uyo uli neyalalume iyine mwitaŋga lyakwe, lomba nekulayana, peŋka nekuposa kuli ŵaYawe ili necisemba. Pakuti neŵo ninemfumu ikulu; efilukulawila ŵaYawe ŵamaŵumba; kaŵili isina lyanji lyakutinisya pakati paŵenafyalo.
Currently Selected:
Malaci 1: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
