Esiceli 40
40
1Pamwaka wamakumi aŵili naisanu uwaŵukaili bwesu, pakutatika kwamwaka, pakasuŵa kekumi akamwensi, pamwaka wekumi naine pakweŵa'ti umusi wapamwa, pakasuŵa ako kopele, kansi ukuŵoko kwaŵaYawe kwali pali newo, naŵo kaŵili nekundetelo'ko. 2Pafyakuŵona fyaŵaLesa epo ŵandetele mucalo cakuIsilaeli, nekunjikalika palupili ulutali ukwakuti, ulwali-po necakupalana necakwiŵaka camusi wakusaufu. 3Popele ŵalimfisisyo'ko, lomba kusaŋga nikumwalalume, uwali nemekalilo akupalana nemekalilo aluŵemba, uwali nemwando wamukusa muminwe yakwe, netete lyakupima-ko; naye kaemakana mumulyaŋgo, 4Popele umwalalume walilaŵile kuli neŵo ati, Wemwana wamuntunsi, koŵona kumenso oŵe, umfwe kumatwi oŵe, uteke umutima woŵe pali fyo fyonse ifyo nakukubwenesya; pakuti uliletelwe pano ati ŋgaŋkubwenesya fyo. Ukaŵulisisye kuwananda yakuIsilaeli fyonse'fyo ifi uŋgawona.
5Lomba kusaŋga nikuciŵumba pesonde lyananda apasiŋgulucile, namuminwe yamwalalume nikwitete lyakupimako ilyakukumana amakubita asanu nalimo; amakubita ayo onse alikumene limo limo ikubita neŵukulu bwacipanta peulu. Fyopele'fyo aliesesye umutika wacakwiŵaka ati litete limo, neŵutali ubwapeulu naŵo litete limo.
6Popele alificile kumusiko ulolele kumutulesuŵa, nekunina pafitantilo ifyakuko; naye nekwesya icibwambilo icapamulyaŋgo, uŵukulu ubwakukumana itete limo; fyopele'fyo necibwambilo cimbi naco, litete limo. 7Lomba ifipinda fyonse ifyaŵamulonda fyalikumene cimo cimo uŵutali bwetete limo, nebwipi naŵo bwetete limo; kaŵili umupunda uwakulekanya ifipinda walikumene amakubita asanu; necibwambilo icapamulyaŋgo icali kucansense icakumulyaŋgo mukati naco calikumene itete limo. 8Aliesesye kaŵili icansense icakumulyaŋgo mukati, Iitete limo. 9Popele apo aliesesye icansense icakumulyaŋgo, makubita asanu naatatu; nefiti fyakuko makubita aŵili; lomba icansense icakumulyaŋgo cali mukati. 10Kaŵili ifipinda fyaŵamulonda ifyakumulyaŋgo ifyakumutulesuŵa fyalikumene fitatu kuno-Iuŵali, nakoko-Iuŵali nako fitatu; fyotatu fyalikumene ukwesya kumo; kaŵili ifiti fyali nekwesya kumo kuno-Iuŵali nakoko-luŵali nako. 11Popele aliesesye ubwipi bwamwisucilo wakumulyaŋgo, makubita ikumi; neŵutali bwakumulyaŋgo makubita ikumi naatatu; 12nemukombelo pamenso afipinda fyaŵamulonda likubita limo kuno-luŵali, nemukombelo uko-Iuŵali nako likubita limo; nefipinda fyaŵamulonda nafyo kuno-Iuŵali makubita asanu nalimo, nakoko-luŵali nako makubita asanu nalimo. 13Kaŵili aliesesye umulyaŋgo ukufuma kumutenje wacipinda caŵamulonda cimo ukufika kumutenje wacimbi naco; ubwipi bwalikumene amakubita amakumi aŵili naasanu, umulyaŋgo apasiŋkamene nemulyaŋgo uŵyakwe. 14Kaŵili alicitile ifiti ifyakukumana amakubita amakumi asanu nalimo; lomba uluŵansa lwalificile kuciti nekusiŋguluka nemulyaŋgo, 15Ukufuma kumenso akumulyaŋgo kumwinjililo ukufika nakumenso acansense icamukati icakumulyaŋgo kwalikumene amakubita amakumi asanu. 16Lomba mufipinda fyaŵamulonda mwali utumbeluka utwiselwe-ko, namufiti fyakuko fyamumulyaŋgo apasiŋgulucile, fyopele' fyo namufyansense; kaŵili utumbeluka twalisiŋgulucile mukati; lomba pafiti fyonse cimo cimo pali amalala.
17Popele apo alimfisisye kuluŵansa ulwaposonde, lomba kusaŋga nikufipinda nelwamabwe pansi ificitilwe uluŵansa ulusiŋgulucile; paluŵansa lwamabwe pali ifipinda amakumi atatu. 18Lomba uluŵansa lwamabwe lwali muceni camilyaŋgo, umusiŋkamene lukoso neŵutali bwamilyaŋgo, eluŵansa lwamabwe ulwapansi. 19Popele apo aliesesye ubwipi ukufuma kumenso amulyaŋgo wapansi ukufika pantu poso nde pamenso aluŵansa lwamukati, palikumene amakubita umwanda umo, kumutulesuwa nakunofu.
20Kaŵili aliesesye uŵutali nebwipi bwakumulyaŋgo uwakuluŵansa lwaposonde ululolele kunofu. 21Lomba ifipinda fyaŵamulonda ifyakuko fyalikumene fitatu kuno-Iuŵali nafyo fitatu ukoluŵali; kaŵili ifiti fyakuko nefyansense fyakuko fyali koti kwesiwa kwamulyaŋgo wakutaŋga: uŵutali bwakuko bwalikumene amakubita amakumi asanu, nebwipi bwakuko makubita amakumi awili naasanu. 22Lomba utumbeluka twakuko, nefyansense fyakuko, nemalala akuko, fyonse fyali koti kwesiwa kwamulyaŋgo ulolele kumutulesuŵa; kaŵili ŵalukuninina-ko pafitantilo fisanu nafiŵili; lomba ifyansense fyakuko fyali pamenso aŵo. 23Pali umulyaŋgo uwakuluŵansa lwamukati apasiŋkamene nemulyaŋgo uyo umbi, kunofu nakumutulesuŵa. Popele aliesesye umusinso wapakati pamilyaŋgo, walikumene amakubita umwanda umo.
24Popele apo alintanjilile ukuya kusaufu, lomba kusaŋga nikumulyaŋgo wakusaufu; naye waliesesye ifiti fyakuko nefyansense fyakuko koti nifyefyo-fyakwesya. 25Lomba muli wo mwali utumbeluka, namufyansense ifyasiŋgulucile, koti nitoto-tumbeluka; uŵutali bwalikumene amakubita amakumi asanu, nebwipi makubita amakumi aŵili naasanu. 26Kaŵili pali ifitantilo fisanu nafiŵili ifyakuninina-ko; ifyansense fyakuko fyali pamenso afiko. Kaŵili wali nemalala pafiti fyakuko, limo kuno-Iuŵali, nalimbi nalyo uko-Iuŵali. 27Pali umulyaŋgo uwakuluŵansa lwamukati ulwakusaufu. Popele aliesesye umusinso wapakati pamilyaŋgo yakusaufu, walikumene amakubita umwanda umo.
28Popele alimfisisye kuluŵansa lwamukati pamulyaŋgo wakusaufi; naye waliesesye umulyaŋgo wakusaufu koti nifyefyo-fyakwesya; 29nefipinda fyaŵamulonda ifyakuko, nefiti fyakuko, nefyansense fyakuko, koti nifyefyo-fyakwesya. Lomba muli wo mwali utumbeluka, namufyansense ifyasiŋgulucile; uŵutali bwalikumene amakubita amakumi asanu, nebwipi makubita amakumi aŵili naasanu. 30Kaŵili apasiŋgulucile pali ifyansense, uŵutali bwafiko makubita amakumi aŵili naasanu, nebwipi bwafiko makubita asanu. 31Lomba ifyansense fyakuko fyalilolele kuluŵansa lwaposonde; kaŵili amalala ali pafiti fyakuko; nemuninino wakuko nawo wali nefitantilo fisanu nafitatu.
32Popele alimfisisye kuluŵansa lwamukati kumutulesuŵa; naye waliesesye umulyaŋgo koti nifyefyo-fyakwesya; 33nefipinda fyaŵamulonda ifyakuko nefiti fyakuko, nefyansense fyakuko, koti nifyefyo-fyakwesya. Lomba muli wo mwali utumbeluka, namufyansense ifyasiŋgulucile; uŵutali bwalikumene amakubita asanu, nebwipi makubita amakumi aŵili naasanu. 34Lomba ifyansense fyakuko fyalilolele kuluŵansa lwaposonde; kaŵili amalala ali pafiti fyakuko kuno-Iuŵali nakoko-luŵali; nemuninino wakuko nawo wali nefitantilo fisanu nafitatu.
35Popele apo alimfisisye kumulyaŋgo uwakunofu; naye nekuwesya koti nifyefyo-fyakwesya; 36pamo nefipinda fyaŵamulonda ifyakuko, nefiti fyakuko, nefyansense fyakuko. Lomba mwali-mo netumbeluka umusiŋgulucile, Uŵutali bwalikumene amakubita amakumi asanu, nebwipi makubitaamakumi aŵili naasanu. 37Lomba ifiti fyakuko fyalilolele kuluŵansa lwaposonde; kaŵili amalala ali pafiti fyakuko kuno-Iuŵali nakoko-Iuŵali; nemuninino wakuko nawo wali nefitantilo fisanu nafitatu.
38Kaŵili icipinda, pamo neciŵi cakuko, cali muceni cafiti kumilyaŋgo; mopelo'mo ŵalukusamfya umulambu wakoca. 39M ucaluŵansa icakumulyaŋgo mwali amatebulu aŵili kuno-luwali, nematebulu ambi aŵili uko-luŵali, mukwipaila-po umulambu wakoca, nemulambu wapafyakuŵifya, nemulambu wapamulandu. 40Paluŵali lumo posonde, pakuyo'muntu kumwinjililo uwakumulyaŋgo uwakunofu, pali amatebulu aŵili; kaŵili paluŵali lumbi nalo, ulwali lwakucansense icakumulyaŋgo, pali amatebulu ambi aŵili. 41Amatebulu ane ali kuno-luŵali, naambi amatebulu ane uko-Iuŵali, muceni camulyaŋgo: paliamatebulu asanu naatatu ayo ŵalukwipaila-po. 42Kaŵili pali amatebulu ane akumulambu wakoca, amabwe aŵasilwe, akumene uŵutali bwekubita limo neyafu, nebwipi bwekubita limo neyafu, neŵukulu bwakwiulu ubwekubita limo lukoso, ayo ŵalukuŵika-po ifintu ifyo ŵalukwipaisya-ko umulambu wakoca nemulambu wakwipaya. 43Kaŵili impepo isyaŵutali bwacipanta syalikacilwe mukati apasiŋgulucile: lomba peulu pamatebulu pali umunefu wamulambu. 44Pesonde lyamulyaŋgo wamukati pali ifipinda fyaŵembisi paluŵansa lwamukati, ulwali muceni camulyaŋgo wakunofu; lomba fyalilolele kusaufu; cimbi naco muceni camulyaŋgo uwakumutulesuŵa calilolele kunofu. 45Popele alilaŵile kuli neŵo ati: Ici-ci pinda, icilolele kusaufu, cili caŵapapatilisi aŵalukulama Inanda. 46Kaŵili icipinda, icilolele kunofu, cili caŵapapatilisi aŵalukulama iconto; aŵo eŵana ŵakwe Sadoko aŵapaŵana ŵakwe Lefai aŵapalamina kuli ŵaYawe mukuŵapyunjila. 47Popele aliesesye uluŵansa; lwalikumene uŵutali bwamakubita umwanda umo, nebwipi bwamakubita umwanda umo; calilolele pane; kaŵili iconto cali pamenso ananda.
48Popele apo alimfisisye kucansense icakunanda, nekwesya ifiti fyonse ifyakucansense cimo cimo; pali amakubita asanu kuno-luŵali, nemakubita asanu ukoluŵali; kaŵili ubwipi bwamulyaŋgo bwalikumene amakubita atatu kuno-luŵali, nemakubita atatu uko-Iuŵali. 49Uŵutali bwacansense bwalukumene amakubita amakumi aŵili, nebwipi naŵo makubita ikumi nalimo, epafitantilo apo ŵalukuninina-ko; lomba muceni cafiti mwali impanda, lumo kuno-luŵali nalumbi nalo uko-Iuŵali.
Currently Selected:
Esiceli 40: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
