1 Aŵakolinto 1

1NePaulu, uwaitilwe nintanjisi yaŵaYesu Klistu, pakufwaya kwaŵaLesa, naSosiene umukwasu, 2tulukulemba kwikelesya lyaŵaLesa, ilili kuKolinto, kuli ŵaŵo aŵaswesiwe muli ŵaKlistu Yesu, aŵetilwe ati ŵaŵe ŵaluŋgeme ŵaŵaLesa, pamo naŵaŵo ŵonse aŵalukulilila ponse ponse isina lyaŵaSikulu ŵesu Yesu Klistu eŵaŵo neŵesu. 3Uluse Iwikale nenu neŵutende ubwakufuma kuli ŵaLesa ŵa Wisifwe nakuli ŵaSikulu Yesu Klistu.

4Ndukutota ŵaLesa ŵanji insiku syonse ifyakuli mweŵo, pakuti paluse lwaŵaLesa ulwapelwe kuli mweŵo muli ŵaKlistu Yesu; 5ati muli ŵo mwaliŵilile mufintu fyonse, mukulaŵila konse, namukwisiŵa konse; 6koti nifyefyo ifi ŵumboni ubwakuli ŵaKlistu bwasumininwe muli mweŵo. 7Ifyo tamusyalilapo panuma ifyampese syonse isyaluse neli imo, ili mupembelela ukufisuluka kwaŵaSikulu ŵesu Yesu Klistu; 8ŵopele eŵakamukosyeni ukufika kukupela-ko, ati mukekale ŵakuŵule'milandu pakasuŵa ako akaŵaSikulu ŵesu Yesu Klistu. 9ŴaLesa ŵalitekenye pakulayana, muli ŵo emo mwaitilwe mukwambala kwaŴana ŵaŵo, ŵaYesu Klistu, ŵaSikulu ŵesu.

10Sombi, mweŵakwasu, ndukumukombeteleni, mwisina lyaŵaSikulu ŵesu Yesu Klistu, ati mwense mulukulaŵila kumo, kaŵili imipaka tekwikala pakati pali mweŵo, sombi ati mulukukumaŋkana bwino nemutima umo, nekulaŋguluka kumo. 11Pakuti, mweŵakwasu, ŵalimbulile aŵantu ŵakwe Ciloe, ifyakuli mweŵo, ati pali ukutosya pakati pali mweŵo. 12Ifyo ndukweŵa nififi ati mweŵo mwense mulukulaŵila, ŵambi ati: Ndi wakwe Paulu; ŵambi ati: Ndi wakwe Apolo; ŵambi ati: Ndi wakwe Kefasi; naŵambi naŵo ati: Ndi waŵaKlistu.

13Kani ŵaKlistu ŵalilekanisiwe? Kani niPaulu uwatalicilwe pakuti pali mweŵo? Kani mwaliŵatisiwe mwisina lyakwe Paulu? 14Ndukutota ŵaLesa ati neŵo nsinamuŵatisyeni mweŵo mwense, sombi ŵeŋka Klispo naGayo enaŵatisye; 15eŋgesa umuntu kulaŵila ati mwaliŵatisiwe mwisina lyanji. 16Naliŵatisye kaŵili neŵamuŋanda yakwe Sitefana; ŵambi, nsiisi bwino kani naliŵaŵatisye. 17Pakuti ŵaKlistu taŵantumine mukuŵatisya; sombi ŵalintumine ati ntulisye leeŵo leiweme: sombi pamano amasiwi tepo, wiŋgesa-kuŵa walukoso umutaliko waŵaKlistu.

18Pakuti iceŵo camutaliko, kuli ŵaŵo aŵalukufwa, cakutumpa; sombi kuli fweŵo, fwetulukupuluka, makosa aŵaLesa.

19Pakuti palilembelwe ati:

Ŋkaonala amano aŵamano,

Nekucenjela kwaŵacenjele nako ŋkakukana.

20Mbaali kulipi uwamano? Mbaali kulipi umulembesi? Mbaali kulipi uwakupicisya uwampindi ino? ŴaLesa kansi taŵalialwile atumpile amano amucalo capansi? 21Pakuti, koti mano aŵaLesa, aŵamucalo capansi nemano aŵo taŵaisiŵile-po ŵaLesa; pakuti pali fyefyo, ŵaLesa ŵalitemenwe ukuŵapulusya aŵo aŵacetekela, pakutumpa kwakutulisya: 22pakuti aŵaJuda ŵalalombo'twisiŵilo, neŵaEla naŵo ŵalafwaya-fwaya amano; 23sombi fweŵo tulatulisya ŵaKlistu aŵatalicilwe; kuŵaJuda cakuŵatutula, nakuŵenafyalo naŵo kutumpa; 24sombi kuli ŵaŵo aŵetilwe, neŵaJuda neŵaEla, niŵaKlistu amakosa aŵaLesa, amano aŵaLesa. 25Pakuti ukutumpa kwaŵaLesa mano akucila napaŵantu; nekunaka kwaŵaLesa nako makosa akucila napaŵantu.

26Pakuti, mweŵakwasu, ŵoneni ukwitwa kwenu, ati aŵetwa aŵamano koti munefu, neŵamakosa, neŵaŵuleme, taŵali ŵenji, koku: 27sombi ŵaLesa ŵalisalulwile ifintu ifitumpile ifyamucalo capansi, ati ŋgaŵatumpike aŵamano; kaŵili ŵaLesa ŵalisalulwile ifintu ifinacile ifyamucalo capansi, ati ŋgaŵatumpike ifintu ifikosele; 28nakaŵili ifintu ifipufi we ifyamucalo capansi, nafyefyo ifitumfiwe, ŵaLesa eŵasalulwile, nefintu ifyo kaŵili ifitafili, ati ŋgawafialule fyalukoso ifintu ifiikala; 29weŋgesa-kulitota pamenso aŵaLesa aŵamunefu ŵouse meli umo. 30Sombi mweŵo muli ŵaŵo muli ŵaKlistu Yesu, aŵaŵele kuli fweŵo mano afumine kuli ŵaLesa, kuluŋgama, kuswetelela, kuluŵuka: 31ati, koti nifyopele' fyo ifyalembelwe ati: Uyo ulukulitota, ŋgaalitotele muli ŵaSikulu.

Currently Selected:

1 Aŵakolinto 1: AAL59

Highlight

Copy

Compare