Namba 33
33
Israel ag Isipnu ahan haen tutu dayaknu aab kalan daanna, ahan Moap goppignu kaya
1-2Haen Israel ag Isipnu ahan gona, ag goppig amu, huu anen anennu danab ah ag oh laippu ahilkad huuppa daaegeg, Moses, Aron ele aa omalatteheh goppig. Yawe Nug Moses anam hekkununab aum amunu, nug haen oh ag haen tutu dayaknu aab adeppa kalan daadppig amu, nug aben amu onilag yaalattom. Ag aab kaladna daappig, aben anen anen onilag am inam.
3Israel danab ah ag Isip uun ahappig, maɗ amu, kalam digmakppa, deɗ 15, amuppa ag ahan, aab okkai onig Rameses uuppig. Deɗ amuam Pasowa digmak dimugppa. Yawe Nug ag atognoatta dabmadette, ag Ramesesnu ahan, baɗak iitta ele Isip danab uuadppig. 4Ag Ramesesnu ahan ukkaegeg amu, Isip ag Yawe he, nid ⌊danab⌋ tatamnu ag ahilkad nid amu mauhegeg boumadnana daappig. Yawe he, nid ⌊danab⌋ tatamnu oh mauhadppig, amuppa Nug he, Nug Isip dilag kayak, amuam hambuppuak kayak Isip danab ah ippuanattom.
5Israel danab ah ag Ramesesnu ahan gona, Sukot appa haen tutu dayaknu aab kalan daappig. 6Ag Sukot dayon, appanu ahan gona, Etam appa haen tutu dayaknu aab kalan daappig. Etam nug atu taɗak daugppa dayom. 7Ag Etam uun, ahan baelag aɗu mattan gona, Pihahirot goppig. Pihahirot am Balsepon laih kaɗag uɗitteppanu dayom. Ag appa gona, haen tutu dayaknu aab Mikdol guguittak kalan daappig. 8Ag haen tutu dayaknu aab Pihahirot guguittak appa kalan daappig amu uun ahan, ag Le Kokoɗ appa goppig. Yawe Nug ahilag ib babaitte, ag nona, yu mataɗna gona, atu taɗakppa goppig. Ag gona, atu taɗak onig Etam, appa ag deɗ ewam anam oin oin, ag haen tutu dayaknu aab Mara appa kalan daappig. 9Ag Mara uun, ahan Elim goppig. Elim appa amu le qeppuɗia bak 12, amu det pam 70 daaegeg, ag appa haen tutu dayaknu aab kalan daappig. 10Am ag Elim uun, ahan gona, Le Kokoɗ ihippa haen tutu dayaknu aab kalan daappig. 11Ag Le Kokoɗ uun, ahan gona, Sinnu atu taɗakppa haen tutu dayaknu aab kalan daappig. 12Ag Sinnu atu taɗak uun, ahan gona, Dopka appa haen tutu dayaknu aab kalan daappig. 13Ag Dopka uun, ahan gona, Alus appa haen tutu dayaknu aab kalan daappig. 14Ag Alus uun, ahan gona, Repidim appa haen tutu dayaknu aab kalan daappig; appa amu, danab ah le aon lakkulagnu am iitta. 15Ag Repidim uun, ahan gona, Sinai atu taɗakppa haen tutu dayaknu aab kalan daappig. 16Ag atu taɗak Sinai uun, ahan gona, Kibrot Hatawa, appa haen tutu dayaknu aab kalan daappig. 17Ag Kibrot Hatawa uun, ahan gona, Haserot appa haen tutu dayaknu aab kalan daappig. 18Ag Haserot uun, ahan gona, Ritma appa haen tutu dayaknu aab kalan daappig. 19Ag Ritma uun, ahan gona, Rimonperes appa haen tutu dayaknu aab kalan daappig. 20Ag Rimonperes uun, ahan gona, Lipna appa haen tutu dayaknu aab kalan daappig. 21Ag Lipna uun, ahan gona, Risa appa haen tutu dayaknu aab kalan daappig. 22Ag Risa uun, ahan gona, Kehelata appa haen tutu dayaknu aab kalan daappig. 23Ag Kehelata uun, ahan gona, qauko Seper appa haen tutu dayaknu aab kalan daappig. 24Ag qauko Seper uun, ahan gona, Harada appa haen tutu dayaknu aab kalan daappig. 25Ag Harada uun, ahan gona, Makhelot appa haen tutu dayaknu aab kalan daappig. 26Ag Makhelot uun, ahan gona, Tahat appa haen tutu dayaknu aab kalan daappig. 27Ag Tahat uun, ahan gona, Tera appa haen tutu dayaknu aab kalan daappig. 28Ag Tera uun, ahan gona, Mitka appa haen tutu dayaknu aab kalan daappig. 29Ag Mitka uun, ahan gona, Hasmona appa haen tutu dayaknu aab kalan daappig. 30Ag Hasmona uun, ahan gona, Moserot appa haen tutu dayaknu aab kalan daappig. 31Ag Moserot uun, ahan gona, Bene Jakan appa haen tutu dayaknu aab kalan daappig. 32Ag Bene Jakan uun, ahan gona, Hor Hagitgat appa haen tutu dayaknu aab kalan daappig. 33Ag Hor Hagitgat uun, ahan gona, Jotbata appa haen tutu dayaknu aab kalan daappig. 34Ag Jotbata uun, ahan gona, Abrona appa haen tutu dayaknu aab kalan daappig. 35Ag Abrona uun, ahan gona, Esiongeber appa haen tutu dayaknu aab kalan daappig. 36Ag Esiongeber uun, ahan gona, Kades, Sin Atu Taɗakppa, appa haen tutu dayaknu aab kalan daappig. 37Ag Kades uun, ahan gona, qauko Hor, Edom tomppa appa haen tutu dayaknu aab kalan daappig.
38Yawe Nug mana mettak danab Aron, nug qauko Hor tekkununab a, teum. Nug qauko amuppa mauhom. Deɗ nug mauhom, amuam Israel ag Isipnu ahan oiyegeg, maɗ 40 uue, maɗ amuppa kalam ebqak tanig ele, kalam amunu deɗ digmakppa mauhom. 39Aron nug maɗ 123 dayaya, nug qauko Hor appa mauhom.
40Ag qauko Hor appa daaegeg, Arat dilag king, Kanan ted, nug Israel uɗitteb amu doyom. Arat amu Kanan wannu laih onig Negeb, nug appa dayom.
41Ag qauko Hor uun, ahan gona, Salmona appa haen tutu dayaknu aab kalan daappig. 42Ag Salmona uun, ahan gona, Punon appa haen tutu dayaknu aab kalan daappig. 43Ag Punon uun, ahan gona, Obot appa haen tutu dayaknu aab kalan daappig. 44Ag Obot uun, ahan gona, Moap tomppa, Iye Abarim appa haen tutu dayaknu aab kalan daappig. 45Ag Iye Abarim uun, ahan gona, Dibon Gad appa haen tutu dayaknu aab kalan daappig. 46Ag Dibon Gad uun, ahan gona, Almon Diplataim appa haen tutu dayaknu aab kalan daappig. 47Ag Almon Diplataim uun, ahan gona, Nebo guguittak, Abarim qaukoppa daatte, appa haen tutu dayaknu aab kalan daappig. 48Ag Abarim qauko uuadna, ahan gona, Moap uɗemppa, Jodan le ihippa, laih, Jerikonu ukkakppa, ag appa haen tutu dayaknu aab kalan daappig.
49Ag Moap uɗemppa Jodan le guguittak haen tutu dayaknu aab kalan daappig amu, ag amuppa aab elab kalappig. Ag digmak Bet Jesimot appanu daaeg ukka, Abel Sitim waum.
50Moap uɗemppa, Jodan le ihippa, laih, Jerikonu ukkakppa amu, appa Yawe Nug Moses amegppa aum. 51“Na Israel danab ah amelagppa nai imu appe doyeg!” ⌊Nug anam a amu, Moses nug Israel amelagppa inam aum.⌋ “Haen ag Jodan le mataɗna wana Kanan nona amu, 52ag danab wan amuppa daatteb ele lamatteg! Ag ahilkad kayak hambuppuak dottolkad adppa hoyattak, ahilkad kayak brasppa, o aenppa eppelagppa hadappig ele amu, ag heppeg nauhppeg, ag kayak hambuppuak dilag mettid lag nakok oh ele loppaɗadna heppeg nauheg! 53Wan amu ahilag daakkunu mattami amunu, ag ahilag daakkunu, ag amuppa nona aona dayeg! 54Ag wan amu om ena yaakppa, aab ikki anen anen panin mattaglag. Ag aulag daakkunu aab ikki okkai anen anen amu, ag wan okkai mattaglag, aab ikki nakok anen anen amu, ag wan nakok mattaglag. Aɗi keeke ahilagppa watte amu, ahilag aakku daakku. Ag Israel ag ahilkad huu okkai ag tatam beppig daatteb amu, ag amu dabmenana paniatteg!
55Amge ag danab wan amuppa daatteb ele ii lamadppeg amu, danab amu
ag geha qaun amelag yaatte, ag amubia ag oolagppa daaglag.
Ao, ag geha danab nug qaun qetti yaatte, amubia ag oolagppa daaglag.
Ag geha wan ag daaglag ele, amuppa daanna, uug mattaglag.
56Am imu ele bekku. Ag dahil ehanittakppa ag eɗadna, wan amuppa ii daamnanu ii hekkulag dayeb amu, da geha danab gemu wan amuppa daatteb, da ahilagppa aɗi hekkulnu maidmi ele, da ag Israel, da ahilagppa hekkul,” awa aum.
© (Active), Wycliffe Bible Translators, Inc. All rights reserved.