Hoseya 1
1
1Auno uwo usenga IMNDEWA wayamwing'ile Hosea mwana wa Beeri ahala Uzia, Yotamu, Ahazi na Hezekia hawakalile wafalume wa isi ya Yuda, na Yeroboamu mwana wa Yoashi hayakalile mfalume wa Isiraeli.
Ipinga wa Hosea na iwanaghe
2IMNDEWA hayanduse ukulonga na Waisiraeli kwa kumtuma Hosea kamlongela apfino, “Ghenda ukakwele pinga mnzinzi na umwelekele wana iwatsakuwa wa unzinzi, kwaapfila iwanu wa isi aino wotenda unzinzi ng'ani kwa ukundeka nene na ukuwinza milungu ingi.”
3Baho Hosea kaghenda kamkwela Gomeri, neghe Dibilaimu. Naye Gomeri kakinda hinda kamwelekela Hosea mwana mmale. 4IMNDEWA kamlongela Hosea, “Imwana ayo taghwa lyake ukeme ‘Yezireeli,’ kwaapfila ghang'ali matsuwa chidogo nitsowamalitsa ghendo iwanu wa Yehu, mana wawakoma iwanu wa ghumji ghwa Yezireeli. Nawo ufalume wa Isiraeli nitsoumalitsa ghendo. 5Mna litsuwa alyo nitsotsimalitsa tsingupfu tsa maasikali wa Isiraeli mna ilwanda lwa Yezireeli.” 6Kuya Gomeri kakinda keli hinda, kamwelekela Hosea mwana pinga. Naye IMNDEWA kamlongela Hosea, “Imwana ayo taghwa lyake ukeme, ‘Loruhama’ kwaapfila sitsowonela keli libatsi Waisiraeli, wala sitsowaleghusila nzambi baye. 7Lekeni nitsowonela libatsi iwanu wa Yuda, na nene IMNDEWA nimwenyegho, Imulungu wawo nitsowakombola, wala sitsowakombola kwa tsingupfu tsa maasikali baye, wala kwa minde, wala kwa lipanga, wala kwa falasi, wala kwa wadinafalasi.” 8Loruhama hayalekile ukughwaghwa, Gomeri kakinda keli inda kamwelekela Hosea mwana yungi mmale. 9Kuya IMNDEWA kamlongela Hosea, “Imwana ayo taghwa lyake umkeme ‘Loami’ kwaapfila mwemwe si wanu wangu baye, wala nene sitsakuwa Mulungu wenu baye.”
Isiraeli yakuyitsighwa keli
10Mna ghamatsuwa ighakutsa Waisiraeli watsakuwa wengi ka msanga ghwa ibahali ing'aghulingika, wala ing'aghupeteka baye. Ahala Imulungu hawalongele “Mwemwe si wanu wangu,” Lelo katsowalongela, “Mwemwe mwa iwana wa Imulungu iyali na ugima.” 11Iwanu wa Yuda na Isiraeli watselunga na kuwa chinu chimwe, na watsomsaghula chilongotsi yumwe, nawo watsakuya kulawa mna tsiisi tsa utumwa, alyo litsakuwa tsuwa lya ukukumbukighwa lya Yezireeli.
Pioneer Bible Translators and The Word For The World
Learn More About Laghano Lya Sambi Kwe Iwanu Wose