Habakuki Ichilongole
Ichilongole
Ichitabu achino china unabii wa Habakuki. Ichitabu cha Habakuki ng'achighalile baye na pfitabu pfingi pfa unabii kwaapfila chitabu chanyegho ng'achilonga baye chinu chochose cha Isiraeli au Yuda. Lekeni cholonga Habakuki pfayololome mala mbili na pfayalombile. Pfipfila Imulungu komwidika ukuloloma kwake. Iwanu iwasomile wopfikitsa Habakuki tsakakala matsuwa ghaghala ghayakalile Yeremia na ahala mfalume Yosia na Yehoyakimu hawang'ali wotawala. Si chitabu cha Habakuki baye wala chitabu chingi cha chibibilia ichilangusa ghamatsuwa ghayakalile Habakuki.
Mwanduso Habakuki kaloloma kwa Imulungu ka tsakona pfulughu na iwanu wang'ali wonelighwa, lekeni Imulungu ng'amwidike Habakuki baye ahala hayalombile yapfilighwe. Songaha Habakuki tsakona aghano ghang'ali ghotendeka kuna iwanu wa isi ya Yuda. Imulungu kedika kalonga yang'aliwenula Wababeli wawakome iwanu wa Yuda. Pfipfila Habakuki kaloloma ka Imulngu yang'aliyowatumila iwanu wehile wawatowe iwanu iwali si wehile ng'ani. Imulungu kedika kalonga hata Wababeli watsohighighwa na watsotowighwa hambele. Kuya Habakuki kololoma kwa Imulungu yatende kuya yawonele libatsi. Na komalitsila kwa ukumtunya Imulungu kwa aghala makulu ghayatendile aho mwanduso.
Ighali mna Ichitabu
1. Habakuki pfayanzile ukuloloma isula ya 1: 1-4.
2. Imulungu komwidika Habakuki isula ya 1: 5-11.
3. Habakuki kololoma lwakeli isula ya 1, 12-2.1.
4. Imulungu pfayakwidika lwakeli isula ya 2: 2.20.
5. Habakuki pfayamlombile Imulungu isula ya 3.
Currently Selected:
Habakuki Ichilongole: LBV
Highlight
Copy
Compare
Share
Want to have your highlights saved across all your devices? Sign up or sign in
Pioneer Bible Translators and The Word For The World
Learn More About Laghano Lya Sambi Kwe Iwanu Wose