Heh puiˉ hkʼaw ve li‸ 10
10
Hpu behˬ heh ma
1Gʼuiˬsha Moˉseˍ hta‸ chi hkʼe kʼoˆ piˇ ve yoˬ. 2Chaw yaˇ teˇ hpaˍ hta‸ kuˬ hpawnˬ tuˬ leh, aˉ po kʼo hpaˆ htaˇ yehˇ tuˬ awˬ pon, hpu yuˬ leh behˬ heh ma nyiˇ maˬ te taˍ-o‸. 3Behˬ heh ma oˇ ve nyiˇ maˬ hta‸ awˬ hkawˇ zuhˬ chaweh te meuˆ ve kʼo, chaw yaˇ teˇ hpaˍ hta‸ nawˬ geh bon yehˬ yehˬmiˉhpe‸ lo hpawnˬ laˬ tcuh-o. 4Behˬ heh ma teˇ maˬ ceh tiˉ meuˆ ve kʼo, Iˉsaˍreˍlaˆ chaw awˬ hoˉ awˬ naˬ teˇ hpaˍ hta‸ ceh tiˉ nawˬ geh hpawnˬ la tcuh-o. 5Behˬ heh ma hta‸ awˬ hkawˇ cheˆ cheˆ te meuˆ ve kʼo, mvuhˇ nyi tawˆ hpawˇ lo deh chehˇ ve teˇ moˍ hta‸ awˉ lawˉ peuˇ tawˆ kʼai tcuh-o. 6Nyiˇ pawˆ teˇ pawˆ kʼaw‸ meuˆ ve kʼo, awˬ hawˉ hpawˇ lo deh chehˇ ve teˇ moˍ hta‸ tawˆ kʼai tcuh-o. Awˬ hkawˇ cheˆ cheˆ te meuˆ ve behˬ heh ma hkawˇ lehˬ, chaw yaˇ hui hta‸ tawˆ kʼai tuˬ meuˆ piˇ chehˇ ve awˬ hkawˇ hpeh‸ve yoˬ. 7Ya‸ hkʼaˇ, chaw yaˇ hui hta‸ kuˬ hpawnˬ ve teˇ yanˇ, behˬ heh ma hta‸ awˬ hkawˇ zuhˬ chaweh gʼa te meuˆ ve yoˬ. 8Behˬ heh ma oˇ ve teˇ hpaˍ hta‸ Aˍronˍ ve yaˇ teˇ hpaˍ tiˉ gʼa meuˆ ve yoˬ. Awˬ liˇ chi teˇ hpaˍ hta‸ nawˬ hui teˇ co peuˬ teˇ co hkʼa deh‸ gʼa na yuˬ ve yoˬ.
9Nawˬ hui ve mvuhˇmiˬ hkʼaw lo, canˇ paˍ teˇ hpaˍ nawˬ hui hta‸ ca bawˆ la ve teˇ yanˇ, behˬ heh ma oˇ ve teˇ hpaˍ hta‸ meuˆ-oˆ. Ngaˬ nawˬ hui hta‸ ga laˇ leh, nawˬ hui hta‸ canˇ paˍ teˇ hpaˍ ve la‸ sheh hkʼaw ponˬ laˇ tuˬ yoˬ. 10Ha pa tawˬ htaˇ te ve pawehˇ leh awˬ nu ve pawehˇ teˇ hpaˍ hta‸ te ve teˇ pawˆ le le, nawˬ hui aˬ miˍ tuˉ tanˇ tuˬ leh awˬ chawˇ te da‸ ve tuˉ tanˇ tuˬ tanˇ piˇ chehˇ htaˇ, behˬ heh ma oˇ ve teˇ hpaˍ hta‸ gʼa meuˆ ve yoˬ. Oˇ hkʼe te ve kʼo, ngaˬ nawˬ hui hta‸ ga laˇ tuˬ yoˬ. Ngaˬ lehˬ nawˬ hui ve Gʼuiˬsha hpeh‸ ve yoˬ, teh‸ Gʼuiˬsha kʼoˆ ve yoˬ.
Iˉsaˍreˍlaˆ chaw hui awˬ gʼuˇ suhˍ kʼai ve
11Iˉsaˍreˍlaˆ chaw hui Eˇjiˇtu‸ mvuhˇmiˬ hkʼaw tawˆ la ve nyiˇ hkʼaw‸ teˇ hkʼaw‸, ha pa nyiˇ maˬ teˇ maˬ, nyiˇ chi nyi gaˬ ve teˇ yanˇ, aˉ po kʼo bon yehˬ hkʼoˆ chehˇ taˍ ve moˬ mvuhˇ hpe lo taˆ-e ve yoˬ. 12Hkʼe te leh, Iˉsaˍreˍlaˆ chaw teˇ hpaˍ Siˉ naˆ heh puiˉ hkʼaw lo tawˆ kʼai ve yoˬ. Paˍranˍ heh puiˉ hkʼaw lo gaˬ htaˇ, moˬ teˇ pawˆ kʼaw‸ ya‸ la ve yoˬ.
13Yawˇ hui lehˬ Gʼuiˬsha Moˉseˍ hta‸ kʼoˆ piˇ taˍ ve hkʼe, a shu yawˇ moˍ yawˇ tawˆ kʼai ve yoˬ. 14Yuˇda‸ chaw hui awˉ lawˉ tawˆ kʼai ve yoˬ. Yawˇ hui ve awˬ hoˉ lehˬ, Aˍmiˆ naˍdaˆ ve yaˇ Naˍsonˍ hpeh‸ ve yoˬ. 15Iˉsaˍhkaˍ chaw hui ve awˬ hoˉ lehˬ Zuˇaˍ ve yaˇ Naˍtaˍneˍlaˆ hpeh‸ve yoˬ. 16Zeˍbuˆlonˍ chaw hui ve awˬ hoˉ lehˬ Heˍlonˍ ve yaˇ Eˇlaˍbaˆ hpeh‸ ve yoˬ.
17Oˇ ve hkʼaw‸ nawˉ, aˉ po kʼo bon yehˬ hta‸ hpaˆ leh Geˍraˍsonˍ awˬ ceuˬ awˬ hkʼaˇ leh Meˍraˍriˆ awˬ ceuˬ awˬ hkʼaˇ teˇ hpaˍ taˆ kʼai ve yoˬ.
18Yawˇ hui hkʼaw‸ nawˉ, Ruˇbenˍ chaw teˇ hpaˍ tawˆ kʼai ve yoˬ. Yawˇ hui ve awˬ hoˉ lehˬ, Sheˍduˇraˆ ve yaˇ Eˇliˆzuˇraˆ hpeh‸ ve yoˬ. 19Siˉmonˍ chaw hui ve awˬ hoˉ lehˬZuˇriˆshaˍdehˆ ve yaˇ Sheˍluˆmeˍlaˆ hpeh‸ ve yoˬ. 20Gaˆ chaw hui ve awˬ hoˉ lehˬ, Yeˍlaˆ ve yaˇ Eˇlaˍsaˆ hpeh‸ ve yoˬ.
21Yawˇ hui hkʼaw‸ nawˉ, Kawˇhaˆ ve awˬ ceuˬ awˬ hkʼaˇ teˇ hpaˍ lehˬ da‸ kehˬ ve mawˇ teˇ hpaˍ hta‸ taˆ leh tawˆ kʼai ve yoˬ. Yawˇ hui deh kuiˬ lo gaˬ ve teˇ yanˇ, aˉ po kʼo bon yehˬ oˇ ve hta‸ haˆ haˆ gʼa kʼaw‸ te ve yoˬ.
22Yawˇ hui awˬ hkʼaw‸ nawˉ, Eˇhpaˍrenˍ chaw hui tawˆ kʼai ve yoˬ. Yawˇ hui ve awˬ hoˉ lehˬ, Aˍmiˇhuˆ ve yaˇ Eˇshiˆshaˍmaˍ hpeh‸ ve yoˬ. 23Maˍnaˍseˍ chaw hui ve awˬ hoˉ lehˬ, Peˍdaˍzuˇraˆ ve yaˇ Gaˍmaˍleˍlaˆ hpeh‸ ve yoˬ. 24Beˍyaˍmenˍ chaw hui ve awˬ hoˉ lehˬ, Giˇdonˍniˆ ve yaˇ Aˍbiˆdanˍ hpeh‸ve yoˬ.
25Awˬ leh meuˇ gʼa tawˆ kʼai ve chaw teˇ moˍ lehˬ, Danˍ awˬ ceuˬ awˬ hkʼaˇ teˇ hpaˍ hpeh‸ ve yoˬ. Yawˇ hui ve awˬ hoˉ lehˬ, Aˍmiˆshaˍdehˆ ve yaˇ Aˍhiˆzaˍ hpeh‸ ve yoˬ. 26Aˍshaˍ chaw hui ve awˬ hoˉ lehˬ, Awˇkaˍranˍ ve yaˇ Paˍgeˍlaˆ hpeh‸ ve yoˬ. 27Naˍtaˍliˆ chaw hui ve awˬ hoˉ lehˬ, Eˇnanˍ ve yaˇ Aˍhiˇraˆ hpeh‸ ve yoˬ. 28Iˉsaˍreˍlaˆ chaw hui awˬ gʼuˇ suhˍ kʼai ve teˇ pawˆ le le, a shu yawˇ moˍ yawˇ chi hkʼe te tawˆ kʼai ve yoˬ.
29Moˉseˍ lehˬ, yawˇ ve awˬ u hpaˇ Meˇdiˍanˍ chaw Yeˍtaˍroˍ ve yaˇ Hawˇbaˆ hta‸ chi hkʼe kʼoˆ piˇ ve yoˬ. Ngaˬ hui lehˬ Gʼuiˬsha pe‸ laˇ tuˬ ve mvuhˇmiˬ lo kʼai chehˇ ve yoˬ. Yawˇ lehˬ Iˉsaˍreˍlaˆ chaw hui hta‸ uiˍ la da‸ la piˇ tuˬ ka ti‸ te taˍ ve yoˬ. Hkʼe te leh, nawˬ ngaˬ hui geh laˬ-o‸. Ngaˬ hui ve mawˇ jeˬ nawˬ hta‸ htawˇ pehˬ laˇ tuˬ yoˬ, teh‸ yawˇ hta‸ kʼoˆ piˇ ve yoˬ.
30Ya‸ hkʼaˇ Hawˇbaˆ lehˬ, Ngaˬ maˇ kʼai. Ngaˬ ve mvuhˇmiˬ lo kʼaw‸ kʼo‸-e tuˬ yoˬ, teh‸ Moˉseˍ hta‸ kʼoˆ piˇ ve yoˬ.
31Oˇ htaˇ Moˉseˍ lehˬ, Nawˬ taˇ kʼo‸-e loˬ. Heh puiˉ hkʼaw lo ngaˬ hui hkʼaˬ lo gʼa ca deh tuˬ ve hta‸ nawˬ shiˍ taˍ ve yoˬ. Nawˬ lehˬ ngaˬ hui hta‸ ya‸ kʼaw maˍ paˍ te hpeh‸ ve yoˬ. 32Nawˬ ngaˬ hui geh kʼai ve kʼo, Gʼuiˬsha ngaˬ hui hta‸ na‸ laˇ ve mawˇ teˇ hpaˍ nawˬ hta‸ htawˇ kʼaw‸ pehˬ laˇ tuˬ yoˬ, teh‸ yawˇ hta‸ kʼoˆ piˇ ve yoˬ.
Iˉsaˍreˍlaˆ chaw hui tawˆ kʼai ve
33Iˉsaˍreˍlaˆ chaw hui da‸ kehˬ ve Siˉnaˆ hkʼaw lo tawˆ kʼai peuˬ hkʼaw‸ nawˉ, yawˇ hui shehˆ nyi hkʼa gaˬ te toˇ chehˇ ve yoˬ. Gʼuiˬsha ve ka ti‸ shaˉ caˆ ta kʼoˍ lehˬ, yawˇ hui gʼuˇ suhˍ kʼai leh yawˇ hui awˬ pon deh kuiˬ ca piˇ ve yoˬ. 34Yawˇ hui tawˆ kʼai chehˇ ve teˇ yanˇ, Gʼuiˬsha ve moˬ lehˬ mvuhˇ law‸ kʼaw htaˇ yawˇ hui awˬ hkʼoˆ lo chehˇ taˍ ve yoˬ.
35Ka ti‸ shaˉ caˆ ta kʼoˍ hta‸ taˆ tawˆ-e chehˇ ve teˇ yanˇ, Moˉseˍ chi hkʼe kʼoˆ ve yoˬ. Gʼuiˬsha-oˬ, tu la-o. Nawˬ ve canˇ paˍ teˇ hpaˍ hta‸ hpaˆ da‸ guiˇ da‸ kʼai piˇ leh, nawˬ hta‸ canˇ ve chaw hui hta‸ kawˆ hpaw-e piˇ lawˬ-o‸, teh‸ kʼoˆ ve yoˬ. 36Ka ti‸ shaˉ caˆ ta kʼoˍ deh kuiˬ lo gaˬ ve teˇ yanˇ, Gʼuiˬsha-oˬ, kʼaw‸ la-o. Iˉsaˍreˍlaˆ chaw moˍ lonˉ geh kʼaw‸ la-o, teh‸ Moˉseˍ kʼoˆ ve yoˬ.
Currently Selected:
Heh puiˉ hkʼaw ve li‸ 10: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heh puiˉ hkʼaw ve li‸ 10
10
Hpu behˬ heh ma
1Gʼuiˬsha Moˉseˍ hta‸ chi hkʼe kʼoˆ piˇ ve yoˬ. 2Chaw yaˇ teˇ hpaˍ hta‸ kuˬ hpawnˬ tuˬ leh, aˉ po kʼo hpaˆ htaˇ yehˇ tuˬ awˬ pon, hpu yuˬ leh behˬ heh ma nyiˇ maˬ te taˍ-o‸. 3Behˬ heh ma oˇ ve nyiˇ maˬ hta‸ awˬ hkawˇ zuhˬ chaweh te meuˆ ve kʼo, chaw yaˇ teˇ hpaˍ hta‸ nawˬ geh bon yehˬ yehˬmiˉhpe‸ lo hpawnˬ laˬ tcuh-o. 4Behˬ heh ma teˇ maˬ ceh tiˉ meuˆ ve kʼo, Iˉsaˍreˍlaˆ chaw awˬ hoˉ awˬ naˬ teˇ hpaˍ hta‸ ceh tiˉ nawˬ geh hpawnˬ la tcuh-o. 5Behˬ heh ma hta‸ awˬ hkawˇ cheˆ cheˆ te meuˆ ve kʼo, mvuhˇ nyi tawˆ hpawˇ lo deh chehˇ ve teˇ moˍ hta‸ awˉ lawˉ peuˇ tawˆ kʼai tcuh-o. 6Nyiˇ pawˆ teˇ pawˆ kʼaw‸ meuˆ ve kʼo, awˬ hawˉ hpawˇ lo deh chehˇ ve teˇ moˍ hta‸ tawˆ kʼai tcuh-o. Awˬ hkawˇ cheˆ cheˆ te meuˆ ve behˬ heh ma hkawˇ lehˬ, chaw yaˇ hui hta‸ tawˆ kʼai tuˬ meuˆ piˇ chehˇ ve awˬ hkawˇ hpeh‸ve yoˬ. 7Ya‸ hkʼaˇ, chaw yaˇ hui hta‸ kuˬ hpawnˬ ve teˇ yanˇ, behˬ heh ma hta‸ awˬ hkawˇ zuhˬ chaweh gʼa te meuˆ ve yoˬ. 8Behˬ heh ma oˇ ve teˇ hpaˍ hta‸ Aˍronˍ ve yaˇ teˇ hpaˍ tiˉ gʼa meuˆ ve yoˬ. Awˬ liˇ chi teˇ hpaˍ hta‸ nawˬ hui teˇ co peuˬ teˇ co hkʼa deh‸ gʼa na yuˬ ve yoˬ.
9Nawˬ hui ve mvuhˇmiˬ hkʼaw lo, canˇ paˍ teˇ hpaˍ nawˬ hui hta‸ ca bawˆ la ve teˇ yanˇ, behˬ heh ma oˇ ve teˇ hpaˍ hta‸ meuˆ-oˆ. Ngaˬ nawˬ hui hta‸ ga laˇ leh, nawˬ hui hta‸ canˇ paˍ teˇ hpaˍ ve la‸ sheh hkʼaw ponˬ laˇ tuˬ yoˬ. 10Ha pa tawˬ htaˇ te ve pawehˇ leh awˬ nu ve pawehˇ teˇ hpaˍ hta‸ te ve teˇ pawˆ le le, nawˬ hui aˬ miˍ tuˉ tanˇ tuˬ leh awˬ chawˇ te da‸ ve tuˉ tanˇ tuˬ tanˇ piˇ chehˇ htaˇ, behˬ heh ma oˇ ve teˇ hpaˍ hta‸ gʼa meuˆ ve yoˬ. Oˇ hkʼe te ve kʼo, ngaˬ nawˬ hui hta‸ ga laˇ tuˬ yoˬ. Ngaˬ lehˬ nawˬ hui ve Gʼuiˬsha hpeh‸ ve yoˬ, teh‸ Gʼuiˬsha kʼoˆ ve yoˬ.
Iˉsaˍreˍlaˆ chaw hui awˬ gʼuˇ suhˍ kʼai ve
11Iˉsaˍreˍlaˆ chaw hui Eˇjiˇtu‸ mvuhˇmiˬ hkʼaw tawˆ la ve nyiˇ hkʼaw‸ teˇ hkʼaw‸, ha pa nyiˇ maˬ teˇ maˬ, nyiˇ chi nyi gaˬ ve teˇ yanˇ, aˉ po kʼo bon yehˬ hkʼoˆ chehˇ taˍ ve moˬ mvuhˇ hpe lo taˆ-e ve yoˬ. 12Hkʼe te leh, Iˉsaˍreˍlaˆ chaw teˇ hpaˍ Siˉ naˆ heh puiˉ hkʼaw lo tawˆ kʼai ve yoˬ. Paˍranˍ heh puiˉ hkʼaw lo gaˬ htaˇ, moˬ teˇ pawˆ kʼaw‸ ya‸ la ve yoˬ.
13Yawˇ hui lehˬ Gʼuiˬsha Moˉseˍ hta‸ kʼoˆ piˇ taˍ ve hkʼe, a shu yawˇ moˍ yawˇ tawˆ kʼai ve yoˬ. 14Yuˇda‸ chaw hui awˉ lawˉ tawˆ kʼai ve yoˬ. Yawˇ hui ve awˬ hoˉ lehˬ, Aˍmiˆ naˍdaˆ ve yaˇ Naˍsonˍ hpeh‸ ve yoˬ. 15Iˉsaˍhkaˍ chaw hui ve awˬ hoˉ lehˬ Zuˇaˍ ve yaˇ Naˍtaˍneˍlaˆ hpeh‸ve yoˬ. 16Zeˍbuˆlonˍ chaw hui ve awˬ hoˉ lehˬ Heˍlonˍ ve yaˇ Eˇlaˍbaˆ hpeh‸ ve yoˬ.
17Oˇ ve hkʼaw‸ nawˉ, aˉ po kʼo bon yehˬ hta‸ hpaˆ leh Geˍraˍsonˍ awˬ ceuˬ awˬ hkʼaˇ leh Meˍraˍriˆ awˬ ceuˬ awˬ hkʼaˇ teˇ hpaˍ taˆ kʼai ve yoˬ.
18Yawˇ hui hkʼaw‸ nawˉ, Ruˇbenˍ chaw teˇ hpaˍ tawˆ kʼai ve yoˬ. Yawˇ hui ve awˬ hoˉ lehˬ, Sheˍduˇraˆ ve yaˇ Eˇliˆzuˇraˆ hpeh‸ ve yoˬ. 19Siˉmonˍ chaw hui ve awˬ hoˉ lehˬZuˇriˆshaˍdehˆ ve yaˇ Sheˍluˆmeˍlaˆ hpeh‸ ve yoˬ. 20Gaˆ chaw hui ve awˬ hoˉ lehˬ, Yeˍlaˆ ve yaˇ Eˇlaˍsaˆ hpeh‸ ve yoˬ.
21Yawˇ hui hkʼaw‸ nawˉ, Kawˇhaˆ ve awˬ ceuˬ awˬ hkʼaˇ teˇ hpaˍ lehˬ da‸ kehˬ ve mawˇ teˇ hpaˍ hta‸ taˆ leh tawˆ kʼai ve yoˬ. Yawˇ hui deh kuiˬ lo gaˬ ve teˇ yanˇ, aˉ po kʼo bon yehˬ oˇ ve hta‸ haˆ haˆ gʼa kʼaw‸ te ve yoˬ.
22Yawˇ hui awˬ hkʼaw‸ nawˉ, Eˇhpaˍrenˍ chaw hui tawˆ kʼai ve yoˬ. Yawˇ hui ve awˬ hoˉ lehˬ, Aˍmiˇhuˆ ve yaˇ Eˇshiˆshaˍmaˍ hpeh‸ ve yoˬ. 23Maˍnaˍseˍ chaw hui ve awˬ hoˉ lehˬ, Peˍdaˍzuˇraˆ ve yaˇ Gaˍmaˍleˍlaˆ hpeh‸ ve yoˬ. 24Beˍyaˍmenˍ chaw hui ve awˬ hoˉ lehˬ, Giˇdonˍniˆ ve yaˇ Aˍbiˆdanˍ hpeh‸ve yoˬ.
25Awˬ leh meuˇ gʼa tawˆ kʼai ve chaw teˇ moˍ lehˬ, Danˍ awˬ ceuˬ awˬ hkʼaˇ teˇ hpaˍ hpeh‸ ve yoˬ. Yawˇ hui ve awˬ hoˉ lehˬ, Aˍmiˆshaˍdehˆ ve yaˇ Aˍhiˆzaˍ hpeh‸ ve yoˬ. 26Aˍshaˍ chaw hui ve awˬ hoˉ lehˬ, Awˇkaˍranˍ ve yaˇ Paˍgeˍlaˆ hpeh‸ ve yoˬ. 27Naˍtaˍliˆ chaw hui ve awˬ hoˉ lehˬ, Eˇnanˍ ve yaˇ Aˍhiˇraˆ hpeh‸ ve yoˬ. 28Iˉsaˍreˍlaˆ chaw hui awˬ gʼuˇ suhˍ kʼai ve teˇ pawˆ le le, a shu yawˇ moˍ yawˇ chi hkʼe te tawˆ kʼai ve yoˬ.
29Moˉseˍ lehˬ, yawˇ ve awˬ u hpaˇ Meˇdiˍanˍ chaw Yeˍtaˍroˍ ve yaˇ Hawˇbaˆ hta‸ chi hkʼe kʼoˆ piˇ ve yoˬ. Ngaˬ hui lehˬ Gʼuiˬsha pe‸ laˇ tuˬ ve mvuhˇmiˬ lo kʼai chehˇ ve yoˬ. Yawˇ lehˬ Iˉsaˍreˍlaˆ chaw hui hta‸ uiˍ la da‸ la piˇ tuˬ ka ti‸ te taˍ ve yoˬ. Hkʼe te leh, nawˬ ngaˬ hui geh laˬ-o‸. Ngaˬ hui ve mawˇ jeˬ nawˬ hta‸ htawˇ pehˬ laˇ tuˬ yoˬ, teh‸ yawˇ hta‸ kʼoˆ piˇ ve yoˬ.
30Ya‸ hkʼaˇ Hawˇbaˆ lehˬ, Ngaˬ maˇ kʼai. Ngaˬ ve mvuhˇmiˬ lo kʼaw‸ kʼo‸-e tuˬ yoˬ, teh‸ Moˉseˍ hta‸ kʼoˆ piˇ ve yoˬ.
31Oˇ htaˇ Moˉseˍ lehˬ, Nawˬ taˇ kʼo‸-e loˬ. Heh puiˉ hkʼaw lo ngaˬ hui hkʼaˬ lo gʼa ca deh tuˬ ve hta‸ nawˬ shiˍ taˍ ve yoˬ. Nawˬ lehˬ ngaˬ hui hta‸ ya‸ kʼaw maˍ paˍ te hpeh‸ ve yoˬ. 32Nawˬ ngaˬ hui geh kʼai ve kʼo, Gʼuiˬsha ngaˬ hui hta‸ na‸ laˇ ve mawˇ teˇ hpaˍ nawˬ hta‸ htawˇ kʼaw‸ pehˬ laˇ tuˬ yoˬ, teh‸ yawˇ hta‸ kʼoˆ piˇ ve yoˬ.
Iˉsaˍreˍlaˆ chaw hui tawˆ kʼai ve
33Iˉsaˍreˍlaˆ chaw hui da‸ kehˬ ve Siˉnaˆ hkʼaw lo tawˆ kʼai peuˬ hkʼaw‸ nawˉ, yawˇ hui shehˆ nyi hkʼa gaˬ te toˇ chehˇ ve yoˬ. Gʼuiˬsha ve ka ti‸ shaˉ caˆ ta kʼoˍ lehˬ, yawˇ hui gʼuˇ suhˍ kʼai leh yawˇ hui awˬ pon deh kuiˬ ca piˇ ve yoˬ. 34Yawˇ hui tawˆ kʼai chehˇ ve teˇ yanˇ, Gʼuiˬsha ve moˬ lehˬ mvuhˇ law‸ kʼaw htaˇ yawˇ hui awˬ hkʼoˆ lo chehˇ taˍ ve yoˬ.
35Ka ti‸ shaˉ caˆ ta kʼoˍ hta‸ taˆ tawˆ-e chehˇ ve teˇ yanˇ, Moˉseˍ chi hkʼe kʼoˆ ve yoˬ. Gʼuiˬsha-oˬ, tu la-o. Nawˬ ve canˇ paˍ teˇ hpaˍ hta‸ hpaˆ da‸ guiˇ da‸ kʼai piˇ leh, nawˬ hta‸ canˇ ve chaw hui hta‸ kawˆ hpaw-e piˇ lawˬ-o‸, teh‸ kʼoˆ ve yoˬ. 36Ka ti‸ shaˉ caˆ ta kʼoˍ deh kuiˬ lo gaˬ ve teˇ yanˇ, Gʼuiˬsha-oˬ, kʼaw‸ la-o. Iˉsaˍreˍlaˆ chaw moˍ lonˉ geh kʼaw‸ la-o, teh‸ Moˉseˍ kʼoˆ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.