Heh puiˉ hkʼaw ve li‸ 9
9
Nyiˇ pawˆ teˇ pawˆ Paˍsaˍhkaˍ pawehˇ caˇ ve
1Iˉsaˍreˍlaˆ chaw hui Eˇjiˇtu‸ mvuhˇmiˬ hkʼaw tawˆ la ve nyiˇ hkʼaw‸ teˇ hkʼaw‸ awˉ lawˉ peuˇ ve teˇ ha pa htaˇ, Gʼuiˬsha Siˉnaˆ hkʼaw hkʼoˆ lo Moˉseˍ hta‸ chi hkʼe kʼoˆ piˇ ve yoˬ. 2-3Ha pa chi teˇ maˬ, teˇ chi awˇ nyi mvuhˇ hpeu‸ gaˬ ve kʼo, awˬ liˇ awˬ hkʼaˇ cawˬ ve hkʼe nawˬ hui Iˉsaˍreˍlaˆ chaw hkʼa peu-eˬ Paˍsaˍhkaˍ pawehˇ gʼa te ve yoˬ, teh‸ Moˉseˍ hta‸ kʼoˆ piˇ ve yoˬ. 4Hkʼe te leh, Moˉseˍ lehˬ Paˍsaˍhkaˍ pawehˇ hta‸ hkʼa deh‸ te tuˬ, Iˉsaˍreˍlaˆ chaw hui hta‸ kʼoˆ piˇ ve yoˬ. 5Yawˇ hui lehˬ, awˉ lawˉ peuˇ ve teˇ ha pa, teˇ chi awˇ nyi mvuhˇ hpeu‸ hta‸ tanˬ leh, Siˉnaˆ heh puiˉ hkʼaw lo pawehˇ oˇ ve hta‸ te ve yoˬ. Gʼuiˬsha Moˉseˍ hta‸ kʼoˆ piˇ ve tawˇ hkʼa peu-eˬ hta‸ yawˇ hui na yuˬ leh te ve yoˬ.
6Ya‸ hkʼaˇ, yawˇ hui awˬ hkʼaw lo ve chaw teˇ hpaˍ hpaˍ, chaw suh hta‸ ca htawˇ ve pa taw, yawˇ hui ve awˬ to cha‸ chiˆ kʼai leh pawehˇ oˇ ve hkʼaw lo‸-e maˇ hpeh‸ ve yoˬ. Hkʼe te leh, yawˇ hui Moˉseˍ leh Aˍronˍ geh kʼai leh, 7Ngaˬ hui lehˬ chaw suh hta‸ ca htawˇ ve pa taw cha‸ chiˆ kʼai peuˬ. Awˬ nu ve Iˉsaˍreˍlaˆ chaw hui geh teˇ geh Gʼuiˬsha hta‸ tuˉ tanˇ tuˬ te maˇ hpeh‸ laˇ, teh‸ yawˇ huiˉ maˬ hta‸ na nyi ve yoˬ.
8Oˇ htaˇ Moˉseˍ lehˬ, Law taˍ sheˍ. Ngaˬ Gʼuiˬsha hta‸ na nyi shaˍ, teh‸ yawˇ hui hta‸ kʼoˆ piˇ ve yoˬ.
9Gʼuiˬsha Moˉseˍ hta‸ cuˇ leh Iˉsaˍreˍlaˆ chaw hui hta‸ chi hkʼe kʼoˆ piˇ ve yoˬ. 10Nawˬ hui maˇ kʼoˆ, nawˬ hui ve awˬ ceuˬ awˬ hkʼaˇ teˇ hpaˍ maˇ kʼoˆ, pawehˇ te chehˇ ve awˬ yanˇ chi hkʼaw, chaw suh hta‸ ca htawˇ leh cha‸ chiˆ kʼai ve, maˇ heˆ kʼo vuiˇ kuiˬ teˇ kaˬ kaˬ lo kʼai chehˇ leh pawehˇ chi hta‸ maˇ gʼa te sheˍ ve kʼo, 11awˬ hkʼaw‸ nawˉ teˇ ha pa teˇ chi awˇ nyi htaˇ pawehˇ chi hta‸ kʼaw‸ te hpeh‸ ve yoˬ. Diˇ maˇ keu ve hkaoˍmonˇ leh hkʼaˇ ve gʼawˇ hpa‸ mvuhˬ naweh teˇ hpaˍ hta‸ gʼa caˇ ve yoˬ. 12Caˇ maˇ peuˬ ve caˇ tuˬ teˇ hpaˍ hta‸ shawˉ pawˍ mvuhˇ htiˇ la htaˇ hkʼa gaˬ maˇ gʼa teh taˍ. To nuˇ to shaˆ ve awˬ mu‸ ku hta‸ htawˇ maˇ gʼa dawˆ hteh. Awˬ liˇ awˬ hkʼaˇ teh taˍ ve hkʼe pawehˇ oˇ ve hta‸ gʼa te ve yoˬ. 13Ya‸ hkʼaˇ, a shu yawˇ ve yehˬ hkʼaw lo chehˇ taˍ leh pawehˇ chi hta‸ maˇ te ve chaw hta‸, ngaˬ ve chaw teh‸ kʼaw‸ shawˍ piˇ tuˬ ve maˇ heˆ. Awˬ lawn kʼo, yawˇ lehˬ tinˍ taˍ ve awˬ yanˇ hkʼaw ngaˬ hta‸ maˇ tuˉ tanˇ laˇ ve pa taw yoˬ. Yawˇ ve venˇbaˆ awˬ pon gʼa hkanˍ tuˬ yoˬ.
14Nawˬ hui geh chehˇ taˍ ve awˬ nu ve chaw teˇ gʼaˇ gʼaˇ Paˍsaˍhkaˍ pawehˇ caˇ gaˇ ve kʼo, teh taˍ ve awˬ liˇ awˬ hkʼaˇ hkʼa peu-eˬ ve hta‸ yawˇ hkʼa deh‸ gʼa na yuˬ ve yoˬ. Nawˬ hui awˬ pon maˇ kʼoˆ, awˬ nu ve chaw awˬ pon maˇ kʼoˆ, teh taˍ ve awˬ liˇ teˇ maˬ ceh tiˉ cawˬ ve yoˬ, teh‸ Gʼuiˬsha kʼoˆ ve yoˬ.
Aˬ miˍ yehˬ hkuiˉ daw
15-16Gʼuiˬsha ve aˉ po kʼo bon yehˬ hta‸ te peuˬ ve teˇ nyi htaˇ, moˬ ya‸ la leh bon yehˬ oˇ ve hta‸ hoˆ beh taˍ ve yoˬ. Mvuhˇ hpeu‸ htaˇ moˬ oˇ ve aˬ miˍ hkʼa shuˍ awˬ gʼeuˆ baˬ chehˇ ve yoˬ. 17Moˬ oˇ ve mvuhˇ hpe lo taˆ-e ve teˇ yanˇ, Iˉsaˍreˍlaˆ chaw teˇ hpaˍ awˬ gʼuˇ suhˍ kʼaw‸ kʼai leh, moˬ kʼaw‸ ya‸ la ve teˇ yanˇ yawˇ hui oˇ kaˬ lo fa la te leh jehˇ taˍ ve yoˬ. 18Gʼuiˬsha tawˇ piˇ ve teˇ yanˇ yawˇ hui awˬ gʼuˇ suhˍ kʼai leh, Gʼuiˬsha tawˇ kʼaw‸ piˇ ve teˇ yanˇ yawˇ hui kʼaw‸ jehˇ taˍ ve yoˬ. Moˬ oˇ ve aˉ po kʼo bon yehˬ hkʼoˆ lo chehˇ taˍ sheˍ ve ceh ceh, yawˇ hui a shu yawˇ ve fa la hkʼaw chehˇ taˍ ve yoˬ. 19Moˬ oˇ ve aˉ po kʼo bon yehˬ hkʼoˆ lo chehˇ taˍ sheˍ ve ceh ceh, yawˇ hui Gʼuiˬsha ve tawˇ hta‸ na yuˬ leh, awˬ gʼuˇ suhˍ maˇ kʼai. 20Teˇ pawˆ pawˆ moˬ oˇ ve aˉ po kʼo bon yehˬ hkʼoˆ teˇ hkui tiˉ chehˇ ve yoˬ. Yawˇ hui gʼuˇ suhˍ kʼai cawˇ ve maˇ kʼoˆ, fa la hkʼaw tiˉ chehˇ taˍ cawˇ ve maˇ kʼoˆ, yawˇ hui lehˬ Gʼuiˬsha kʼoˆ laˇ ve tawˇ hta‸ tiˉ law na chehˇ ve yoˬ. 21Teˇ pawˆ pawˆ moˬ oˇ ve awˬ gʼuˇ suhˍ kʼai ve kʼo, yawˇ hui htawˇ awˬ gʼuˇ suhˍ kʼai ve yoˬ. Moˬ taˆ-e ve kʼo, yawˇ hui mawˇ gu leh tawˆ kʼai ve yoˬ. 22Moˬ oˇ ve aˉ po kʼo bon yehˬ hkʼoˆ lo nyiˇ nyi, teˇ ha pa, teˇ hkʼaw‸ chehˇ taˍ ve kʼo, yawˇ hui awˬ gʼuˇ suhˍ maˇ kʼai. Moˬ taˆ-e ve teˇ yanˇ heh‸, yawˇ hui gʼuˇ suhˍ kʼai ve yoˬ. 23Yawˇ hui kʼai ve maˇ kʼoˆ, jehˇ ve maˇ kʼoˆ, Gʼuiˬsha Moˉseˍ hta‸ kʼoˆ piˇ ve tawˇ hta‸ ceh tiˉ na yuˬ leh gʼa‸ te ve yoˬ.
Currently Selected:
Heh puiˉ hkʼaw ve li‸ 9: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heh puiˉ hkʼaw ve li‸ 9
9
Nyiˇ pawˆ teˇ pawˆ Paˍsaˍhkaˍ pawehˇ caˇ ve
1Iˉsaˍreˍlaˆ chaw hui Eˇjiˇtu‸ mvuhˇmiˬ hkʼaw tawˆ la ve nyiˇ hkʼaw‸ teˇ hkʼaw‸ awˉ lawˉ peuˇ ve teˇ ha pa htaˇ, Gʼuiˬsha Siˉnaˆ hkʼaw hkʼoˆ lo Moˉseˍ hta‸ chi hkʼe kʼoˆ piˇ ve yoˬ. 2-3Ha pa chi teˇ maˬ, teˇ chi awˇ nyi mvuhˇ hpeu‸ gaˬ ve kʼo, awˬ liˇ awˬ hkʼaˇ cawˬ ve hkʼe nawˬ hui Iˉsaˍreˍlaˆ chaw hkʼa peu-eˬ Paˍsaˍhkaˍ pawehˇ gʼa te ve yoˬ, teh‸ Moˉseˍ hta‸ kʼoˆ piˇ ve yoˬ. 4Hkʼe te leh, Moˉseˍ lehˬ Paˍsaˍhkaˍ pawehˇ hta‸ hkʼa deh‸ te tuˬ, Iˉsaˍreˍlaˆ chaw hui hta‸ kʼoˆ piˇ ve yoˬ. 5Yawˇ hui lehˬ, awˉ lawˉ peuˇ ve teˇ ha pa, teˇ chi awˇ nyi mvuhˇ hpeu‸ hta‸ tanˬ leh, Siˉnaˆ heh puiˉ hkʼaw lo pawehˇ oˇ ve hta‸ te ve yoˬ. Gʼuiˬsha Moˉseˍ hta‸ kʼoˆ piˇ ve tawˇ hkʼa peu-eˬ hta‸ yawˇ hui na yuˬ leh te ve yoˬ.
6Ya‸ hkʼaˇ, yawˇ hui awˬ hkʼaw lo ve chaw teˇ hpaˍ hpaˍ, chaw suh hta‸ ca htawˇ ve pa taw, yawˇ hui ve awˬ to cha‸ chiˆ kʼai leh pawehˇ oˇ ve hkʼaw lo‸-e maˇ hpeh‸ ve yoˬ. Hkʼe te leh, yawˇ hui Moˉseˍ leh Aˍronˍ geh kʼai leh, 7Ngaˬ hui lehˬ chaw suh hta‸ ca htawˇ ve pa taw cha‸ chiˆ kʼai peuˬ. Awˬ nu ve Iˉsaˍreˍlaˆ chaw hui geh teˇ geh Gʼuiˬsha hta‸ tuˉ tanˇ tuˬ te maˇ hpeh‸ laˇ, teh‸ yawˇ huiˉ maˬ hta‸ na nyi ve yoˬ.
8Oˇ htaˇ Moˉseˍ lehˬ, Law taˍ sheˍ. Ngaˬ Gʼuiˬsha hta‸ na nyi shaˍ, teh‸ yawˇ hui hta‸ kʼoˆ piˇ ve yoˬ.
9Gʼuiˬsha Moˉseˍ hta‸ cuˇ leh Iˉsaˍreˍlaˆ chaw hui hta‸ chi hkʼe kʼoˆ piˇ ve yoˬ. 10Nawˬ hui maˇ kʼoˆ, nawˬ hui ve awˬ ceuˬ awˬ hkʼaˇ teˇ hpaˍ maˇ kʼoˆ, pawehˇ te chehˇ ve awˬ yanˇ chi hkʼaw, chaw suh hta‸ ca htawˇ leh cha‸ chiˆ kʼai ve, maˇ heˆ kʼo vuiˇ kuiˬ teˇ kaˬ kaˬ lo kʼai chehˇ leh pawehˇ chi hta‸ maˇ gʼa te sheˍ ve kʼo, 11awˬ hkʼaw‸ nawˉ teˇ ha pa teˇ chi awˇ nyi htaˇ pawehˇ chi hta‸ kʼaw‸ te hpeh‸ ve yoˬ. Diˇ maˇ keu ve hkaoˍmonˇ leh hkʼaˇ ve gʼawˇ hpa‸ mvuhˬ naweh teˇ hpaˍ hta‸ gʼa caˇ ve yoˬ. 12Caˇ maˇ peuˬ ve caˇ tuˬ teˇ hpaˍ hta‸ shawˉ pawˍ mvuhˇ htiˇ la htaˇ hkʼa gaˬ maˇ gʼa teh taˍ. To nuˇ to shaˆ ve awˬ mu‸ ku hta‸ htawˇ maˇ gʼa dawˆ hteh. Awˬ liˇ awˬ hkʼaˇ teh taˍ ve hkʼe pawehˇ oˇ ve hta‸ gʼa te ve yoˬ. 13Ya‸ hkʼaˇ, a shu yawˇ ve yehˬ hkʼaw lo chehˇ taˍ leh pawehˇ chi hta‸ maˇ te ve chaw hta‸, ngaˬ ve chaw teh‸ kʼaw‸ shawˍ piˇ tuˬ ve maˇ heˆ. Awˬ lawn kʼo, yawˇ lehˬ tinˍ taˍ ve awˬ yanˇ hkʼaw ngaˬ hta‸ maˇ tuˉ tanˇ laˇ ve pa taw yoˬ. Yawˇ ve venˇbaˆ awˬ pon gʼa hkanˍ tuˬ yoˬ.
14Nawˬ hui geh chehˇ taˍ ve awˬ nu ve chaw teˇ gʼaˇ gʼaˇ Paˍsaˍhkaˍ pawehˇ caˇ gaˇ ve kʼo, teh taˍ ve awˬ liˇ awˬ hkʼaˇ hkʼa peu-eˬ ve hta‸ yawˇ hkʼa deh‸ gʼa na yuˬ ve yoˬ. Nawˬ hui awˬ pon maˇ kʼoˆ, awˬ nu ve chaw awˬ pon maˇ kʼoˆ, teh taˍ ve awˬ liˇ teˇ maˬ ceh tiˉ cawˬ ve yoˬ, teh‸ Gʼuiˬsha kʼoˆ ve yoˬ.
Aˬ miˍ yehˬ hkuiˉ daw
15-16Gʼuiˬsha ve aˉ po kʼo bon yehˬ hta‸ te peuˬ ve teˇ nyi htaˇ, moˬ ya‸ la leh bon yehˬ oˇ ve hta‸ hoˆ beh taˍ ve yoˬ. Mvuhˇ hpeu‸ htaˇ moˬ oˇ ve aˬ miˍ hkʼa shuˍ awˬ gʼeuˆ baˬ chehˇ ve yoˬ. 17Moˬ oˇ ve mvuhˇ hpe lo taˆ-e ve teˇ yanˇ, Iˉsaˍreˍlaˆ chaw teˇ hpaˍ awˬ gʼuˇ suhˍ kʼaw‸ kʼai leh, moˬ kʼaw‸ ya‸ la ve teˇ yanˇ yawˇ hui oˇ kaˬ lo fa la te leh jehˇ taˍ ve yoˬ. 18Gʼuiˬsha tawˇ piˇ ve teˇ yanˇ yawˇ hui awˬ gʼuˇ suhˍ kʼai leh, Gʼuiˬsha tawˇ kʼaw‸ piˇ ve teˇ yanˇ yawˇ hui kʼaw‸ jehˇ taˍ ve yoˬ. Moˬ oˇ ve aˉ po kʼo bon yehˬ hkʼoˆ lo chehˇ taˍ sheˍ ve ceh ceh, yawˇ hui a shu yawˇ ve fa la hkʼaw chehˇ taˍ ve yoˬ. 19Moˬ oˇ ve aˉ po kʼo bon yehˬ hkʼoˆ lo chehˇ taˍ sheˍ ve ceh ceh, yawˇ hui Gʼuiˬsha ve tawˇ hta‸ na yuˬ leh, awˬ gʼuˇ suhˍ maˇ kʼai. 20Teˇ pawˆ pawˆ moˬ oˇ ve aˉ po kʼo bon yehˬ hkʼoˆ teˇ hkui tiˉ chehˇ ve yoˬ. Yawˇ hui gʼuˇ suhˍ kʼai cawˇ ve maˇ kʼoˆ, fa la hkʼaw tiˉ chehˇ taˍ cawˇ ve maˇ kʼoˆ, yawˇ hui lehˬ Gʼuiˬsha kʼoˆ laˇ ve tawˇ hta‸ tiˉ law na chehˇ ve yoˬ. 21Teˇ pawˆ pawˆ moˬ oˇ ve awˬ gʼuˇ suhˍ kʼai ve kʼo, yawˇ hui htawˇ awˬ gʼuˇ suhˍ kʼai ve yoˬ. Moˬ taˆ-e ve kʼo, yawˇ hui mawˇ gu leh tawˆ kʼai ve yoˬ. 22Moˬ oˇ ve aˉ po kʼo bon yehˬ hkʼoˆ lo nyiˇ nyi, teˇ ha pa, teˇ hkʼaw‸ chehˇ taˍ ve kʼo, yawˇ hui awˬ gʼuˇ suhˍ maˇ kʼai. Moˬ taˆ-e ve teˇ yanˇ heh‸, yawˇ hui gʼuˇ suhˍ kʼai ve yoˬ. 23Yawˇ hui kʼai ve maˇ kʼoˆ, jehˇ ve maˇ kʼoˆ, Gʼuiˬsha Moˉseˍ hta‸ kʼoˆ piˇ ve tawˇ hta‸ ceh tiˉ na yuˬ leh gʼa‸ te ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.