Heh puiˉ hkʼaw ve li‸ 11
11
Taˍbeˍraˆ teh‸ kʼoˆ ve chehˇ kuiˬ
1Iˉsaˍreˍlaˆ chaw hui lehˬ, hpeh‸ haˍ la ve teˇ yanˇ gʼaˇ hte‸ hkʼanˇ ve yoˬ. Yawˇ hui hkʼanˇ chehˇ ve awˬ hkawˇ hta‸ Gʼuiˬsha gʼa kaˇ ve teˇ yanˇ, nyi ma zuhˆ leh yawˇ hui awˬ hkʼoˆ lo aˬ miˍ ce la piˇ ve yoˬ. Aˬ miˍ oˇ ve lehˬ, shu jaˇ lo deh chehˇ ve chaw hui hta‸ to‸ baˬ piˇ ve yoˬ. 2Oˇ htaˇ, chaw yaˇ teˇ hpaˍ Moˉseˍ hta‸ kuˬ leh, Moˉseˍ Gʼuiˬsha geh bon lawˬ ve yoˬ. Hkʼe te leh aˬ miˍ oˇ ve suh-e ve yoˬ. 3Chi hta‸ pa taw, chehˇ kuiˬ oˇ ve hta‸ Taˍbeˍraˆ#11:3 Chi lehˬ, to‸ baˬ ve teh‸ kʼoˆ gaˇ ve yoˬ teh‸ meh piˇ ve yoˬ. Awˬ lawn kʼo, Gʼuiˬsha ve aˬ miˍ yawˇ hui hta‸ to‸ ve pa taw yoˬ.
Awˬ hoˉ awˬ naˬ 70 gʼaˇ hta‸ leuˆ yuˬ ve
4Iˉsaˍreˍlaˆ chaw hui geh awˬ nu ve chaw teˇ hpaˍ htawˇ te toˇ chehˇ ve yoˬ. Yawˇ hui lehˬ shaˍ meu‸ jaˇ ve yoˬ. Iˉsaˍreˍlaˆ chaw teˇ hpaˍ htawˇ hkʼanˇ leh kʼoˆ ve, 5Ngaˬ hui shaˍ gʼa caˇ ve kʼo hkʼaˬ ma da‸ tuˬ le. Eˇjiˇtu‸ mvuhˇmiˬ hkʼaw chehˇ htaˇ, ngaˬ hui ngaˇ shaˍ caˇ gaˇ ve hkʼe gʼa caˇ ve yoˬ. Te‸ chiˉ awˬ hpfuhˇ ka‸ maˇ peuˬ. Aˉ hpehˇ shiˍ, teh hkaˉ shiˍ, shuˍ hpu nuˬ, shuˍ hpu nyi chi teˇ hpaˍ hta‸ dawˇ nawˇ jaˇ ve yoˬ. 6Ya‸ hkʼaˇ, chi beu‸ ngaˬ hui ve awˬ gʼaˇ mehˉ kʼai peuˬ. Te‸ chiˉ caˇ tuˬ ka‸ maˇ cawˬ. Maˍnaˆ shiˍ ceh tiˉ gʼa caˇ ve yoˬ, teh‸ kʼoˆ ve yoˬ.
7-9(Maˍnaˆ shiˍ lehˬ gʼaˆ shaweh yawˇ hta‸ shuˍ leh, hpuˉ-ehˍ cawˬ ve yoˬ. Mvuhˇ hpeu‸ htaˇ ciˍ gʼuiˬ geh teˇ geh ce la ve yoˬ. Mvuhˇ htiˇ la htaˇ, chaw yaˇ teˇ hpaˍ ca gʼawˆ yuˬ leh teˍ meu-e peuˬ hkʼaw‸ nawˉ, keu caˉ leh hkaoˍmonˇ te caˇ ve yoˬ. Shaˍlonˍ chu hkaw‸ taˍ ve hkaoˍmonˇ hkʼe hpeh‸ ve yoˬ.)
10Chaw yaˇ teˇ hpaˍ, aˉ po kʼo bon yehˬ yehˬmiˉhpe‸ lo huˉ taˍ leh hkʼanˇ chehˇ ve awˬ hkawˇ hta‸ Moˉseˍ gʼa kaˇ ve yoˬ. Gʼuiˬsha yawˇ hui hta‸ nyi ma zuhˆ ve pa taw, Moˉseˍ ka‸ hpeh‸ bawˬ jaˇ ve yoˬ. 11Hkʼe te leh, yawˇ Gʼuiˬsha hta‸ chi hkʼe kʼoˆ piˇ ve yoˬ. Aˬ hto‸ ma pa taw, nawˬ ngaˬ hta‸ hkanˍ ha tcuh laˇ ve le. Aˬ hto‸ ma pa taw, nawˬ ngaˬ hta‸ nyi ma maˇ sha ve le. Aˬ hto‸ ma pa taw, nawˬ ngaˬ hta‸ chaw chi teˇ hpaˍ hta‸ ha‸ shaˉ tcuh taˍ laˇ ve le. 12Ngaˬ yawˇ hui hta‸ te hpanˍ taˍ ve maˇ heˆ. Ngaˬ yawˇ hui hta‸ paw la piˇ taˍ ve ka‸ maˇ heˆ. Nawˬ yawˇ hui ve awˬ puˍ awˬ pi hui hta‸ piˇ taˍ ve mvuhˇmiˬ lo, yaˇ miˇ ma yaˇ ehˉ hta‸ chiˇ toˇ ve hkʼe yawˇ hui hta‸ chiˇ kʼai piˇ tuˬ, aˬ hto‸ ma pa taw nawˬ ngaˬ hta‸ kanˉ piˇ taˍ laˇ ve le. 13Chaw chi hkʼa peu-eˬ awˬ pon caˇ law‸ ve shaˍ ngaˬ hkʼaˬ lo gʼa ca piˇ tuˬ ve le. 14Ngaˬ teˇ gʼaˇ ceh tiˉ kanˉ chi hta‸ te maˇ gʼa. Te tuˬ ka‸ ca dawˇ maˇ tawˆ. 15Nawˬ ngaˬ hta‸ chi hkʼe tiˉ kʼaw‸ te tcuh laˇ tuˬ sheˍ ve kʼo, ngaˬ hta‸ ha kʼaˉ leh a ciˉ suh-e tcuh laˇ-oˆ. Nawˬ te laˇ ve hkanˍ haˍ ve awˬ ceuˬ chi teˇ hpaˍ hta‸ ngaˬ hkanˍ maˇ gʼaˇ-o, teh‸ Gʼuiˬsha hta‸ kʼoˆ piˇ ve yoˬ.
16Oˇ htaˇ Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. Iˉsaˍreˍlaˆ chaw awˬ hoˉ awˬ naˬ suhˍ chi gʼaˇ hta‸ leuˆ yuˬ leh, aˉ po kʼo bon yehˬ yehˬmiˉhpe‸ lo nawˬ geh huˉ tcuh taˍ-o‸. 17Ngaˬ ya‸ la leh nawˬ hui hta‸ oˇ kaˬ lo tawˇ ca yaw laˇ tuˬ yoˬ. Nawˬ hta‸ piˇ taˍ ve Awˬ ha hpu teˇ hpaˍ hpaˍ, ngaˬ yawˇ hui hta‸ htawˇ piˇ tuˬ yoˬ. Oˇ htaˇ, yawˇ hui lehˬ nawˬ ve kanˉ hta‸ gʼa ga te laˇ tuˬ yoˬ. Oˇ hkʼe te ve kʼo, nawˬ teˇ gʼaˇ ceh tiˉ kanˉ hkʼa peu-eˬ ve hta‸ gʼa te tuˬ ve maˇ heˆ. 18Shawˉ pawˍ kʼo, chaw yaˇ teˇ hpaˍ a shu yawˇ awˬ to hta‸ da‸ kehˬ tuˬ te taˍ tuˬ kʼoˆ piˇ-oˆ. Nawˬ hui shaˍ gʼa caˇ tuˬ yoˬ. Nawˬ hui shaˍ meu‸ leh hkʼanˇ chehˇ ve awˬ hkawˇ leh, Eˇjiˇtu‸ mvuhˇmiˬ hkʼaw chehˇ htaˇ chi beu‸ a‸ kehˉ gʼa caˇ gʼa dawˬ ve awˬ lawn kʼoˆ da‸ chehˇ ve awˬ hkawˇ hta‸ ka‸ ngaˬ gʼa kaˇ peuˬ. Chi beu‸ ngaˬ nawˬ hui hta‸ shaˍ caˍ laˇ tuˬ yoˬ. 19Shaˍ oˇ ve hta‸ teˇ nyi, nyiˇ nyi, ngaˇ nyi, teˇ chi nyi, nyiˇ chi nyi ceh tiˉ gʼa caˇ tuˬ ve maˇ heˆ. 20Ha pa teˇ maˬ hkʼa biˇ gʼa caˇ tuˬ yoˬ. Shaˍ oˇ ve hta‸ nawˬ hui daw‸ naˬ jaˇ htaˇ hkʼa gaˬ gʼa caˇ tuˬ yoˬ. Yawˇ hui ngaˬ hta‸ kʼaw‸ hpfuhˆ leh, Eˇjiˇtu‸ mvuhˇmiˬ lo kʼaw‸ kʼo‸-e gaˇ ve awˬ lawn kʼoˆ da‸ chehˇ ve yoˬ, teh‸ Gʼuiˬsha Moˉseˍ hta‸ kʼoˆ piˇ ve yoˬ.
21Moˉseˍ Gʼuiˬsha hta‸ chi hkʼe kʼaw‸ kʼoˆ piˇ ve yoˬ. Ngaˬ lehˬ Iˉsaˍreˍlaˆ chaw hkaw‸ shehnˉ hpaˆ ve hta‸ ha‸ shaˉ piˇ chehˇ ve yoˬ. Nawˬ yawˇ hui hta‸ hkʼaˬ hkʼe te leh shaˍ teˇ ha pa caˍ piˇ gʼa tuˬ le. 22Hkʼa cawˬ ve nuˇ leh yawˬ teˇ hpaˍ tiˇ caˍ piˇ peuˬ ve htawˇ, yawˇ hui caˇ law‸ tuˬ laˇ. Laˇ tsuhˇ gʼuiˬ hkʼaw ve ngaˇ hkʼa peu-eˬ htawˇ, yawˇ hui caˇ law‸ tuˬ laˇ, teh‸ Gʼuiˬsha hta‸ kʼoˆ piˇ ve yoˬ.
23Gʼuiˬsha kʼaw‸ kʼoˆ ve, Ngaˬ ve la‸ sheh ngeh jaˇ ve leh laˇ. Ngaˬ kʼoˆ ve hkʼe hpeh‸ la, maˇ hpeh‸ la ve hta‸ nawˬ gʼa mawˬ tuˬ yoˬ, teh‸ Moˉseˍ hta‸ kʼoˆ piˇ ve yoˬ.
24Hkʼe te leh Moˉseˍ tawˆ kʼai leh, Gʼuiˬsha kʼoˆ ve tawˇ oˇ ve hkʼa peu-eˬ Iˉsaˍreˍ laˆ chaw hui hta‸ kʼoˆ piˇ ve yoˬ Yawˇ lehˬ awˬ hoˉ awˬ na suhˍ chi gʼaˇ hta‸ leuˆ yuˬ leh, aˉ po kʼo bon yehˬ paˇ lo huˉ tcuh taˍ ve yoˬ. 25Oˇ htaˇ Gʼuiˬsha moˬ hkʼaw ya‸ la leh, yawˇ hta‸ tawˇ yaw piˇ ve yoˬ. Moˉseˍ hta‸ piˇ taˍ ve Awˬ ha hpu teˇ hpaˍ hpaˍ hta‸ yawˇ yuˬ leh, awˬ hoˉ awˬ naˬ oˇ ve teˇ hpaˍ hta‸ piˇ ve yoˬ. Yawˇ hui hkʼoˆ lo Awˬ ha hpu ya‸ la ve teˇ yanˇ, yawˇ hui hkʼa peu-eˬ Gʼuiˬsha ve tcuh kaˍ paˍ hkʼa shuˍ tawˇ yaw ve yoˬ. Ya‸ hkʼaˇ, hkʼaˬ maw maw maˇ heˆ.
26Awˬ hoˉ awˬ naˬ suhˍ chi gʼaˇ awˬ hkʼaw ve, Eˉlaˍdaˆ leh Meˍdaˆ yawˇ huiˉ maˬ lehˬ, aˉ po kʼo bon yehˬ lo maˇ kʼai. A shu yawˇ ve fa la hkʼaw ceh chehˇ taˍ ve yoˬ. Yawˇ huiˉmaˬ hkʼoˆ lo htawˇ, Awˬ ha hpu ya‸ la leh Gʼuiˬsha ve tcuh kaˍ paˍ hkʼa shuˍ tawˇ yaw ve yoˬ. 27Yawˇ huiˉ maˬ oˇ hkʼe te chehˇ ve hta‸ mawˬ ve yaˇ nehˬ teˇ gʼaˇ Moˉseˍ hta‸ ca gʼuiˇ hto piˇ ve yoˬ.
28Oˇ htaˇ, Moˉseˍ hta‸ ga piˇ shehˍ hpaˇ te chehˇ ve Nunˍ ve yaˇ Yawˇsuˆ lehˬ, Yawˇ huiˉ maˬ hta‸ ta‸ iˉ chehˇ piˇ lawˬ-o‸, teh‸ Moˉseˍ hta‸ kʼoˆ piˇ ve yoˬ.
29Moˉseˍ kʼaw‸ yaw hkʼaw‸ leh kʼoˆ ve, Ngaˬ te tuˬ ve kanˉ hta‸ nawˬ hkawehˉ ve nyi ma cawˬ leh laˇ. Gʼuiˬsha lehˬ yawˇ ve chaw hkʼa peu-eˬ hta‸ htawˇ Awˬ ha hpu piˇ leh, yawˇ hui hkʼa peu-eˬ tcuh kaˍ paˍ hkʼa shuˍ tawˇ yaw ve hkʼe kʼo hkʼaˬ ma da‸ jaˇ tuˬ ve le, teh‸ Yawˇsuˆ hta‸ kʼoˆ piˇ ve yoˬ. 30Oˇ ve hkʼaw‸ nawˉ, Moˉseˍ leh awˬ hoˉ awˬ naˬ hkʼa peu-eˬ a shu yawˇ ve fa la lo kʼaw‸ kʼo‸-e ve yoˬ.
Gʼuiˬsha kaˉ koeˍ peu laˇ piˇ ve
31Gʼuiˬsha lehˬ teˇ cawˬ haˉ mvuhˇ haw lonˉ meuˆ laˬ piˇ leh, laˇ tsuhˇ gʼuiˬ pfuhˍ lo chehˇ ve kaˉ koeˍ teˇ hpaˍ hta‸ meuˆ chiˇ veu laˇ piˇ lawˬ ve yoˬ. Ngaˆ oˇ ve teˇ hpaˍ lehˬ, miˬguiˬ hkʼoˆ nyiˇ shaw‸ hkʼe mvuh-ehˬ poˬ laˬ leh, Iˉsaˍreˍlaˆ chaw hui deh chehˇ taˍ kuiˬ awˬ paˇ awˬ kui leh, teˇ nyi te toˇ gaˬ law‸ ve chehˇ kuiˬ hkʼe fui lo hkʼa gaˬ chehˇ taˍ ve yoˬ. 32Hkʼe te leh chaw yaˇ teˇ hpaˍ lehˬ mvuhˇ law‸ kʼaw mvuhˇ hpeu‸ kaˉ koeˍ oˇ ve teˇ hpaˍ hta‸ gʼa‸ yuˬ toˇ chehˇ ve yoˬ. Shu hkʼe taw gʼawˆ maˇ gʼa puiˉ ve chaw ka‸ 160 cawehˬ hpaˆ gʼawˆ gʼa ve yoˬ. Yawˇ hui lehˬ ngaˆ oˇ ve teˇ hpaˍ hta‸ fa la awˬ paˇ awˬ kui lo awˬ ku-i te huˉ taˍ ve yoˬ. 33Yawˇ hui shaˍ hkʼa bvuhˆ gʼa caˇ chehˇ ve htawˇ, Gʼuiˬsha yawˇ hui hta‸ nyi ma zuhˆ leh, yawˇ hui awˬ hkʼoˆ lo naˬ beuˬ gaˬ la piˇ ve yoˬ. 34Hkʼe te leh chehˇ kuiˬ oˇ ve hta‸, Meu‸ jehˇ ve tuˍ hpfuh, teh‸ meh piˇ ve yoˬ. Awˬ lawn kʼo, shaˍ meu‸ jaˇ ve chaw hui hta‸ oˇ kaˬ lo tuˍ piˇ ve pa taw yoˬ. 35Yawˇ hui oˇ kaˬ lo kʼaw‸ tu leh, Haˍzaˍroˆ teh‸ kʼoˆ ve chehˇ kuiˬ lo kʼai ve yoˬ.
Currently Selected:
Heh puiˉ hkʼaw ve li‸ 11: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heh puiˉ hkʼaw ve li‸ 11
11
Taˍbeˍraˆ teh‸ kʼoˆ ve chehˇ kuiˬ
1Iˉsaˍreˍlaˆ chaw hui lehˬ, hpeh‸ haˍ la ve teˇ yanˇ gʼaˇ hte‸ hkʼanˇ ve yoˬ. Yawˇ hui hkʼanˇ chehˇ ve awˬ hkawˇ hta‸ Gʼuiˬsha gʼa kaˇ ve teˇ yanˇ, nyi ma zuhˆ leh yawˇ hui awˬ hkʼoˆ lo aˬ miˍ ce la piˇ ve yoˬ. Aˬ miˍ oˇ ve lehˬ, shu jaˇ lo deh chehˇ ve chaw hui hta‸ to‸ baˬ piˇ ve yoˬ. 2Oˇ htaˇ, chaw yaˇ teˇ hpaˍ Moˉseˍ hta‸ kuˬ leh, Moˉseˍ Gʼuiˬsha geh bon lawˬ ve yoˬ. Hkʼe te leh aˬ miˍ oˇ ve suh-e ve yoˬ. 3Chi hta‸ pa taw, chehˇ kuiˬ oˇ ve hta‸ Taˍbeˍraˆ#11:3 Chi lehˬ, to‸ baˬ ve teh‸ kʼoˆ gaˇ ve yoˬ teh‸ meh piˇ ve yoˬ. Awˬ lawn kʼo, Gʼuiˬsha ve aˬ miˍ yawˇ hui hta‸ to‸ ve pa taw yoˬ.
Awˬ hoˉ awˬ naˬ 70 gʼaˇ hta‸ leuˆ yuˬ ve
4Iˉsaˍreˍlaˆ chaw hui geh awˬ nu ve chaw teˇ hpaˍ htawˇ te toˇ chehˇ ve yoˬ. Yawˇ hui lehˬ shaˍ meu‸ jaˇ ve yoˬ. Iˉsaˍreˍlaˆ chaw teˇ hpaˍ htawˇ hkʼanˇ leh kʼoˆ ve, 5Ngaˬ hui shaˍ gʼa caˇ ve kʼo hkʼaˬ ma da‸ tuˬ le. Eˇjiˇtu‸ mvuhˇmiˬ hkʼaw chehˇ htaˇ, ngaˬ hui ngaˇ shaˍ caˇ gaˇ ve hkʼe gʼa caˇ ve yoˬ. Te‸ chiˉ awˬ hpfuhˇ ka‸ maˇ peuˬ. Aˉ hpehˇ shiˍ, teh hkaˉ shiˍ, shuˍ hpu nuˬ, shuˍ hpu nyi chi teˇ hpaˍ hta‸ dawˇ nawˇ jaˇ ve yoˬ. 6Ya‸ hkʼaˇ, chi beu‸ ngaˬ hui ve awˬ gʼaˇ mehˉ kʼai peuˬ. Te‸ chiˉ caˇ tuˬ ka‸ maˇ cawˬ. Maˍnaˆ shiˍ ceh tiˉ gʼa caˇ ve yoˬ, teh‸ kʼoˆ ve yoˬ.
7-9(Maˍnaˆ shiˍ lehˬ gʼaˆ shaweh yawˇ hta‸ shuˍ leh, hpuˉ-ehˍ cawˬ ve yoˬ. Mvuhˇ hpeu‸ htaˇ ciˍ gʼuiˬ geh teˇ geh ce la ve yoˬ. Mvuhˇ htiˇ la htaˇ, chaw yaˇ teˇ hpaˍ ca gʼawˆ yuˬ leh teˍ meu-e peuˬ hkʼaw‸ nawˉ, keu caˉ leh hkaoˍmonˇ te caˇ ve yoˬ. Shaˍlonˍ chu hkaw‸ taˍ ve hkaoˍmonˇ hkʼe hpeh‸ ve yoˬ.)
10Chaw yaˇ teˇ hpaˍ, aˉ po kʼo bon yehˬ yehˬmiˉhpe‸ lo huˉ taˍ leh hkʼanˇ chehˇ ve awˬ hkawˇ hta‸ Moˉseˍ gʼa kaˇ ve yoˬ. Gʼuiˬsha yawˇ hui hta‸ nyi ma zuhˆ ve pa taw, Moˉseˍ ka‸ hpeh‸ bawˬ jaˇ ve yoˬ. 11Hkʼe te leh, yawˇ Gʼuiˬsha hta‸ chi hkʼe kʼoˆ piˇ ve yoˬ. Aˬ hto‸ ma pa taw, nawˬ ngaˬ hta‸ hkanˍ ha tcuh laˇ ve le. Aˬ hto‸ ma pa taw, nawˬ ngaˬ hta‸ nyi ma maˇ sha ve le. Aˬ hto‸ ma pa taw, nawˬ ngaˬ hta‸ chaw chi teˇ hpaˍ hta‸ ha‸ shaˉ tcuh taˍ laˇ ve le. 12Ngaˬ yawˇ hui hta‸ te hpanˍ taˍ ve maˇ heˆ. Ngaˬ yawˇ hui hta‸ paw la piˇ taˍ ve ka‸ maˇ heˆ. Nawˬ yawˇ hui ve awˬ puˍ awˬ pi hui hta‸ piˇ taˍ ve mvuhˇmiˬ lo, yaˇ miˇ ma yaˇ ehˉ hta‸ chiˇ toˇ ve hkʼe yawˇ hui hta‸ chiˇ kʼai piˇ tuˬ, aˬ hto‸ ma pa taw nawˬ ngaˬ hta‸ kanˉ piˇ taˍ laˇ ve le. 13Chaw chi hkʼa peu-eˬ awˬ pon caˇ law‸ ve shaˍ ngaˬ hkʼaˬ lo gʼa ca piˇ tuˬ ve le. 14Ngaˬ teˇ gʼaˇ ceh tiˉ kanˉ chi hta‸ te maˇ gʼa. Te tuˬ ka‸ ca dawˇ maˇ tawˆ. 15Nawˬ ngaˬ hta‸ chi hkʼe tiˉ kʼaw‸ te tcuh laˇ tuˬ sheˍ ve kʼo, ngaˬ hta‸ ha kʼaˉ leh a ciˉ suh-e tcuh laˇ-oˆ. Nawˬ te laˇ ve hkanˍ haˍ ve awˬ ceuˬ chi teˇ hpaˍ hta‸ ngaˬ hkanˍ maˇ gʼaˇ-o, teh‸ Gʼuiˬsha hta‸ kʼoˆ piˇ ve yoˬ.
16Oˇ htaˇ Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. Iˉsaˍreˍlaˆ chaw awˬ hoˉ awˬ naˬ suhˍ chi gʼaˇ hta‸ leuˆ yuˬ leh, aˉ po kʼo bon yehˬ yehˬmiˉhpe‸ lo nawˬ geh huˉ tcuh taˍ-o‸. 17Ngaˬ ya‸ la leh nawˬ hui hta‸ oˇ kaˬ lo tawˇ ca yaw laˇ tuˬ yoˬ. Nawˬ hta‸ piˇ taˍ ve Awˬ ha hpu teˇ hpaˍ hpaˍ, ngaˬ yawˇ hui hta‸ htawˇ piˇ tuˬ yoˬ. Oˇ htaˇ, yawˇ hui lehˬ nawˬ ve kanˉ hta‸ gʼa ga te laˇ tuˬ yoˬ. Oˇ hkʼe te ve kʼo, nawˬ teˇ gʼaˇ ceh tiˉ kanˉ hkʼa peu-eˬ ve hta‸ gʼa te tuˬ ve maˇ heˆ. 18Shawˉ pawˍ kʼo, chaw yaˇ teˇ hpaˍ a shu yawˇ awˬ to hta‸ da‸ kehˬ tuˬ te taˍ tuˬ kʼoˆ piˇ-oˆ. Nawˬ hui shaˍ gʼa caˇ tuˬ yoˬ. Nawˬ hui shaˍ meu‸ leh hkʼanˇ chehˇ ve awˬ hkawˇ leh, Eˇjiˇtu‸ mvuhˇmiˬ hkʼaw chehˇ htaˇ chi beu‸ a‸ kehˉ gʼa caˇ gʼa dawˬ ve awˬ lawn kʼoˆ da‸ chehˇ ve awˬ hkawˇ hta‸ ka‸ ngaˬ gʼa kaˇ peuˬ. Chi beu‸ ngaˬ nawˬ hui hta‸ shaˍ caˍ laˇ tuˬ yoˬ. 19Shaˍ oˇ ve hta‸ teˇ nyi, nyiˇ nyi, ngaˇ nyi, teˇ chi nyi, nyiˇ chi nyi ceh tiˉ gʼa caˇ tuˬ ve maˇ heˆ. 20Ha pa teˇ maˬ hkʼa biˇ gʼa caˇ tuˬ yoˬ. Shaˍ oˇ ve hta‸ nawˬ hui daw‸ naˬ jaˇ htaˇ hkʼa gaˬ gʼa caˇ tuˬ yoˬ. Yawˇ hui ngaˬ hta‸ kʼaw‸ hpfuhˆ leh, Eˇjiˇtu‸ mvuhˇmiˬ lo kʼaw‸ kʼo‸-e gaˇ ve awˬ lawn kʼoˆ da‸ chehˇ ve yoˬ, teh‸ Gʼuiˬsha Moˉseˍ hta‸ kʼoˆ piˇ ve yoˬ.
21Moˉseˍ Gʼuiˬsha hta‸ chi hkʼe kʼaw‸ kʼoˆ piˇ ve yoˬ. Ngaˬ lehˬ Iˉsaˍreˍlaˆ chaw hkaw‸ shehnˉ hpaˆ ve hta‸ ha‸ shaˉ piˇ chehˇ ve yoˬ. Nawˬ yawˇ hui hta‸ hkʼaˬ hkʼe te leh shaˍ teˇ ha pa caˍ piˇ gʼa tuˬ le. 22Hkʼa cawˬ ve nuˇ leh yawˬ teˇ hpaˍ tiˇ caˍ piˇ peuˬ ve htawˇ, yawˇ hui caˇ law‸ tuˬ laˇ. Laˇ tsuhˇ gʼuiˬ hkʼaw ve ngaˇ hkʼa peu-eˬ htawˇ, yawˇ hui caˇ law‸ tuˬ laˇ, teh‸ Gʼuiˬsha hta‸ kʼoˆ piˇ ve yoˬ.
23Gʼuiˬsha kʼaw‸ kʼoˆ ve, Ngaˬ ve la‸ sheh ngeh jaˇ ve leh laˇ. Ngaˬ kʼoˆ ve hkʼe hpeh‸ la, maˇ hpeh‸ la ve hta‸ nawˬ gʼa mawˬ tuˬ yoˬ, teh‸ Moˉseˍ hta‸ kʼoˆ piˇ ve yoˬ.
24Hkʼe te leh Moˉseˍ tawˆ kʼai leh, Gʼuiˬsha kʼoˆ ve tawˇ oˇ ve hkʼa peu-eˬ Iˉsaˍreˍ laˆ chaw hui hta‸ kʼoˆ piˇ ve yoˬ Yawˇ lehˬ awˬ hoˉ awˬ na suhˍ chi gʼaˇ hta‸ leuˆ yuˬ leh, aˉ po kʼo bon yehˬ paˇ lo huˉ tcuh taˍ ve yoˬ. 25Oˇ htaˇ Gʼuiˬsha moˬ hkʼaw ya‸ la leh, yawˇ hta‸ tawˇ yaw piˇ ve yoˬ. Moˉseˍ hta‸ piˇ taˍ ve Awˬ ha hpu teˇ hpaˍ hpaˍ hta‸ yawˇ yuˬ leh, awˬ hoˉ awˬ naˬ oˇ ve teˇ hpaˍ hta‸ piˇ ve yoˬ. Yawˇ hui hkʼoˆ lo Awˬ ha hpu ya‸ la ve teˇ yanˇ, yawˇ hui hkʼa peu-eˬ Gʼuiˬsha ve tcuh kaˍ paˍ hkʼa shuˍ tawˇ yaw ve yoˬ. Ya‸ hkʼaˇ, hkʼaˬ maw maw maˇ heˆ.
26Awˬ hoˉ awˬ naˬ suhˍ chi gʼaˇ awˬ hkʼaw ve, Eˉlaˍdaˆ leh Meˍdaˆ yawˇ huiˉ maˬ lehˬ, aˉ po kʼo bon yehˬ lo maˇ kʼai. A shu yawˇ ve fa la hkʼaw ceh chehˇ taˍ ve yoˬ. Yawˇ huiˉmaˬ hkʼoˆ lo htawˇ, Awˬ ha hpu ya‸ la leh Gʼuiˬsha ve tcuh kaˍ paˍ hkʼa shuˍ tawˇ yaw ve yoˬ. 27Yawˇ huiˉ maˬ oˇ hkʼe te chehˇ ve hta‸ mawˬ ve yaˇ nehˬ teˇ gʼaˇ Moˉseˍ hta‸ ca gʼuiˇ hto piˇ ve yoˬ.
28Oˇ htaˇ, Moˉseˍ hta‸ ga piˇ shehˍ hpaˇ te chehˇ ve Nunˍ ve yaˇ Yawˇsuˆ lehˬ, Yawˇ huiˉ maˬ hta‸ ta‸ iˉ chehˇ piˇ lawˬ-o‸, teh‸ Moˉseˍ hta‸ kʼoˆ piˇ ve yoˬ.
29Moˉseˍ kʼaw‸ yaw hkʼaw‸ leh kʼoˆ ve, Ngaˬ te tuˬ ve kanˉ hta‸ nawˬ hkawehˉ ve nyi ma cawˬ leh laˇ. Gʼuiˬsha lehˬ yawˇ ve chaw hkʼa peu-eˬ hta‸ htawˇ Awˬ ha hpu piˇ leh, yawˇ hui hkʼa peu-eˬ tcuh kaˍ paˍ hkʼa shuˍ tawˇ yaw ve hkʼe kʼo hkʼaˬ ma da‸ jaˇ tuˬ ve le, teh‸ Yawˇsuˆ hta‸ kʼoˆ piˇ ve yoˬ. 30Oˇ ve hkʼaw‸ nawˉ, Moˉseˍ leh awˬ hoˉ awˬ naˬ hkʼa peu-eˬ a shu yawˇ ve fa la lo kʼaw‸ kʼo‸-e ve yoˬ.
Gʼuiˬsha kaˉ koeˍ peu laˇ piˇ ve
31Gʼuiˬsha lehˬ teˇ cawˬ haˉ mvuhˇ haw lonˉ meuˆ laˬ piˇ leh, laˇ tsuhˇ gʼuiˬ pfuhˍ lo chehˇ ve kaˉ koeˍ teˇ hpaˍ hta‸ meuˆ chiˇ veu laˇ piˇ lawˬ ve yoˬ. Ngaˆ oˇ ve teˇ hpaˍ lehˬ, miˬguiˬ hkʼoˆ nyiˇ shaw‸ hkʼe mvuh-ehˬ poˬ laˬ leh, Iˉsaˍreˍlaˆ chaw hui deh chehˇ taˍ kuiˬ awˬ paˇ awˬ kui leh, teˇ nyi te toˇ gaˬ law‸ ve chehˇ kuiˬ hkʼe fui lo hkʼa gaˬ chehˇ taˍ ve yoˬ. 32Hkʼe te leh chaw yaˇ teˇ hpaˍ lehˬ mvuhˇ law‸ kʼaw mvuhˇ hpeu‸ kaˉ koeˍ oˇ ve teˇ hpaˍ hta‸ gʼa‸ yuˬ toˇ chehˇ ve yoˬ. Shu hkʼe taw gʼawˆ maˇ gʼa puiˉ ve chaw ka‸ 160 cawehˬ hpaˆ gʼawˆ gʼa ve yoˬ. Yawˇ hui lehˬ ngaˆ oˇ ve teˇ hpaˍ hta‸ fa la awˬ paˇ awˬ kui lo awˬ ku-i te huˉ taˍ ve yoˬ. 33Yawˇ hui shaˍ hkʼa bvuhˆ gʼa caˇ chehˇ ve htawˇ, Gʼuiˬsha yawˇ hui hta‸ nyi ma zuhˆ leh, yawˇ hui awˬ hkʼoˆ lo naˬ beuˬ gaˬ la piˇ ve yoˬ. 34Hkʼe te leh chehˇ kuiˬ oˇ ve hta‸, Meu‸ jehˇ ve tuˍ hpfuh, teh‸ meh piˇ ve yoˬ. Awˬ lawn kʼo, shaˍ meu‸ jaˇ ve chaw hui hta‸ oˇ kaˬ lo tuˍ piˇ ve pa taw yoˬ. 35Yawˇ hui oˇ kaˬ lo kʼaw‸ tu leh, Haˍzaˍroˆ teh‸ kʼoˆ ve chehˇ kuiˬ lo kʼai ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.