Oˉ kʼoˍ pui ve li‸ 12
12
Yaˇ paw ma awˬ pon awˬ liˇ awˬ hkʼaˇ
1Gʼuiˬsha lehˬ Iˉsaˍreˍlaˆ chaw teˇ hpaˍ awˬ pon, Moˉseˍ hta‸ awˬ liˇ awˬ hkʼaˇ chi teˇ hpaˍ maˍ piˇ taˍ ve yoˬ. 2Yaˇ miˇ teˇ gʼaˇ yaˇ paw la peuˬ hkʼaw‸ nawˉ, suhˍ nyi hkʼa gaˬ maˇ da‸ maˇ kehˬ. Yaˇ miˇ awˬ liˇ laˬ chehˇ htaˇ hkʼa shuˍ, cha‸ chiˆ kʼai ve yoˬ. 3Hiˉnyi teˇ nyi gaˬ ve teˇ yanˇ, yaˇ paˍ oˇ ve hta‸ awˬ guiˬ meuˇ gʼa shoˍ piˇ ve yoˬ. 4Yawˇ awˬ suhˍ gʼa sheˆ maˇ ve pa taw, yaˇ paˍ paw peuˬ hkʼaw‸ nawˉ 33 nyi hkʼa gaˬ maˇ da‸ maˇ kehˬ. Yawˇ kʼaw‸ da‸ kehˬ la ve awˬ yanˇ maˇ gaˬ sheˍ ve ceh ceh, da‸ kehˬ ve mawˇ hkʼaˬ ve teˇ ceuˬ hta‸ maˇ kʼoˆ maˇ gʼa htawˇ. Aˉ po kʼo bon yehˬ hkʼaw lo htawˇ maˇ gʼa lo‸-e.
5Yawˇ lehˬ yaˇ miˇ paw ve kʼo, 14 nyi hkʼa gaˬ maˇ da‸ maˇ kehˬ. Yaˇ miˇ awˬ liˇ laˬ chehˇ htaˇ hkʼa shuˍ cha‸ chiˆ kʼai ve yoˬ. Yawˇ awˬ suhˍ gʼa sheˆ maˇ ve pa taw, yaˇ paw peuˬ hkʼaw‸ nawˉ 66 nyi hkʼa gaˬ maˇ da‸ maˇ kehˬ.
6Yawˇ lehˬ yaˇ paˍ paw ve maˇ kʼoˆ, yaˇ miˇ paw ve maˇ kʼoˆ, kʼaw‸ da‸ kehˬ ve awˬ yanˇ biˇ la ve teˇ yanˇ, Gʼuiˬsha ve aˉ po kʼo bon yehˬ lo kʼai leh, aˬ miˍ tuˉ tanˇ piˇ tuˬ awˬ pon teˇ hkʼaw‸ biˇ peuˬ ve yawˬ ehˉ teˇ hkeh leh, venˇbaˆ lawˬ hpehˇ tuˬ awˬ pon aˉ pui kʼaˍ, maˇ heˆ kʼo guˇ teˇ hkeh paw hkuˇ hta‸ gʼa piˇ ve yoˬ. 7Paw hkuˇ lehˬ, yawˇ ve cha‸ chiˆ ve awˬ ceuˬ hta‸ yuˬ baˬ piˇ tuˬ, yawˇ yuˬ veu laˇ ve tanˇ tuˬ hta‸ gʼa tuˉ tanˇ piˇ ve yoˬ. Oˇ hkʼe te ve kʼo, yawˇ kʼaw‸da‸ kehˬ la tuˬ yoˬ. Yaˇmiˇ teˇ gʼaˇ yaˇ paw peuˬ hkʼaw‸ nawˉ chi hkʼe gʼa te ve yoˬ.
8Yaˇ miˇ oˇ ve lehˬ, Gʼuiˬsha hta‸ tuˉ tanˇ piˇ tuˬ ve yawˬ ehˉ maˇ cawˬ ve kʼo, yawˇ lehˬ aˉ pui kʼaˍ nyiˇ hkeh, maˇ heˆ kʼo guˇ nyiˇ hkeh gʼa yuˬ laˬ ve yoˬ. Teˇ hkeh hta‸ aˬ miˍ gʼa tuˉ tanˇ piˇ leh, teˇ hkeh hta‸ venˇbaˆ ponˬ tuˬ gʼa tuˉ tanˇ piˇ ve yoˬ. Paw hkuˇ lehˬ yawˇ da‸ kehˬ la tuˬ, Gʼuiˬsha hta‸ gʼa tuˉ tanˇ piˇ ve yoˬ. Oˇ hkʼe te ve kʼo, yawˇ kʼaw‸ da‸ kehˬ la tuˬ yoˬ.
Currently Selected:
Oˉ kʼoˍ pui ve li‸ 12: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
