Yeˍsaˍkeˍlaˆ li‸ 35
35
Gʼuiˬsha Eˇdonˍ hta‸ ciˍ yanˍ tuˬ
1Gʼuiˬsha ngaˬ hta‸ chi hkʼe kʼoˆ laˇ ve yoˬ. 2Chaw yaˇ-oˬ, Eˇdonˍ mvuhˇmiˬ hta‸ hkeu piˇ-oˆ. 3Ngaˬ Gʼuiˬsha kʼoˆ chehˇ ve tawˇ chi teˇ hpaˍ chaw yaˇ hui hta‸ kʼoˆ piˇ-oˆ.
Eˇdonˍ ve hkʼaw teˇ hpaˍ-oˬ, ngaˬ lehˬ nawˬ ve canˇ paˍ hpeh‸ ve yoˬ.
Ngaˬ nawˬ hta‸ gawˬ cu gawˬ pehˆ hpeh‸ la piˇ tuˬ yoˬ.
4Ngaˬ nawˬ ve venˇ teˇ hpaˍ hta‸ te luˬ te sheˆ leh,
nawˬ ve mvuhˇmiˬ hta‸ gawˬ cu gawˬ pehˆ hpeh‸ la piˇ tuˬ yoˬ.
Oˇ htaˇ, ngaˬ Gʼuiˬsha hpeh‸ ve hta‸ nawˬ shiˍ la tuˬ yoˬ.
5Nawˬ lehˬ Iˉsaˍreˍlaˆ ve canˇ paˍ hpeh‸ leh, yawˇ ve venˇbaˆ awˬ pon awˬ leh meuˇ yawˇ gʼa hkanˍchehˇ ve teˇ yanˇ, nawˬ yawˇ hui hta‸ tiˇ pehˍ piˇ ve yoˬ. 6Ngaˬ lehˬ awˬ tehˬ awˬ na te‸ chehˇ ve Gʼuiˬsha hpeh‸ ve hkʼe, suh ve teˇ ceuˬ nawˬ awˬ hkʼoˆ lo gaˬ la tuˬ yoˬ. Oˇ ve hta‸ nawˬ gʼa ponˬ tuˬ ve maˇ heˆ. Nawˬ lehˬ chaw hta‸ tiˇ pehˍ ve pa taw, venˇbaˆ cawˬ ve yoˬ. Tiˇ pehˍ ve teˇ ceuˬ nawˬ hkʼaˇ suh gʼa‸ laˬ tuˬ yoˬ. 7Ngaˬ lehˬ hkʼaw mvuh lawˬ naˉ ve Eˇdonˍ mvuhˇmiˬ hta‸ gawˬ cu gawˬ pehˆ hpeh‸ la piˇ leh, oˇ kaˬ lo hpaˍ toˇ ve chaw hkʼa peu-eˬ ve hta‸ tiˇ pehˍ piˇ tuˬ yoˬ. 8Ngaˬ lehˬ mvuh ve hkʼaw teˇ hpaˍ awˬ hkʼoˆ lo chaw suh hkʼa biˇ cawˬ la piˇ leh, ma‸ bawˆ kuiˬ lo suh-e ve chaw teˇ hpa ve awˬ to teˇ hpaˍ, hkʼaw hkʼoˆ lawˬ hkʼoˆ lo hkʼa biˇ cawˬ la piˇ tuˬ yoˬ. 9Ngaˬ nawˬhta‸ co co taiˍ taiˍ gawˬ cu gawˬ pehˆ hpeh‸ la piˇ leh, nawˬ ve venˇbaˆ teˇ hpaˍ hkʼaw chaw teˇ gʼaˇ ka‸ kʼaw‸ lo‸ chehˇ la tuˬ ve maˇ heˆ. Oˇ htaˇ ngaˬ Gʼuiˬsha hpeh‸ ve hta‸ nawˬ shiˍ la tuˬ yoˬ.
10Ngaˬ lehˬ Yuˇda‸ leh Iˉsaˍreˍlaˆ chaw hui ve Gʼuiˬsha hpeh‸ ve htawˇ, mvuhˇmiˬ chi ve nyiˇ peˆ hta‸ nawˬ ve mvuhˇmiˬ yoˬ, teh‸ kʼoˆ leh ca hiˉ yuˬ tuˬ kʼoˆ chehˇ ve yoˬ. 11Chi hta‸ pa taw, ngaˬ lehˬ awˬ tehˬ awˬ na te‸ chehˇ ve Gʼuiˬsha hpeh‸ ve hkʼe, nawˬ ngaˬ ve chaw hta‸ nyi ma zuhˆ ve, hkawehˉ ve, leh canˇ ve awˬ tan ngaˬ nawˬ hta‸ kʼaw‸ te hkʼaw‸ laˇ tuˬ yoˬ. Nawˬ yawˇ hui hta‸ te piˇ taˍ ve kanˉ awˬ pon, ngaˬ nawˬ hta‸ ciˍ yanˇ piˇ chehˇ ve hta‸ yawˇ hui shiˍ la tuˬ yoˬ. 12Oˇ htaˇ, nawˬ nyi ma uiˍ ve hkʼaw, Iˉsaˍreˍlaˆ ve hkʼaw pui teˇ hpaˍ gawˬ cu gawˬ pehˆ hpeh‸ leh, yawˇ hui lehˬngaˬ hui hiˉ yuˬ tuˬ ve mawˇ hpeh‸ ve yoˬ, teh‸ nawˬ kʼoˆ chehˇ ve tawˇ hta‸ ngaˬ Gʼuiˬsha gʼa kaˇ taˍ peuˬ ve hta‸ nawˬ shiˍ la tuˬ yoˬ. 13Nawˬ ngaˬ hta‸ maˇ shawˍ maˇ caˆ kʼoˆ laˇ chehˇ ve tawˇ hta‸ ngaˬ gʼa kaˇ taˍ peuˬ, teh‸ Gʼuiˬsha kʼoˆ ve yoˬ.
14Gʼuiˬsha kʼoˆ ve, Nawˬ lehˬ ngaˬ ve Iˉsaˍreˍlaˆ chaw teˇ hpaˍ luˬ kʼai ve hta‸ nyi taˍ leh ha lehˬ chehˇ ve hkʼe, ngaˬ nawˬ hui hta‸ gawˬ cu gawˬ pehˆ hpeh‸ la piˇ leh nawˬ luˬ kʼai ve hta‸ miˬguiˬ chaw ceuˬ hkʼa peu-eˬ nyi taˍ leh ha lehˬ chehˇ tuˬ yoˬ. 15Siˇraˆ hkʼaw teˇ hpaˍ leh Eˇdonˍ mvuhˇmiˬ hkʼa peu-eˬ gawˬ cu gawˬ pehˆ hpeh‸ kʼai tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ chaw hkʼa peu-eˬ gʼa shiˍ tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
Yeˍsaˍkeˍlaˆ li‸ 35: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
