Yimre Suleymaanu 7
7
Yimooɓe
1Lorta, lorta, Sulamit, lorta, lorta haa min ndaare!
Ko ndaaroton haa Sulamit bana haa wamre mooɓe ɗiɗi#7:1 Haa wamre mooɓe ɗiɗi malla boo wamre Mahanayim.?
Sukaajo
2Kosɗe maaɗa mbooɗi nder paɗe,
an mayramjo!
Murli keeci maaɗa bana fawne,
bana ko juuɗe goniijo mbaɗi.
3Non jaabuuru ma bana taasawo murlo,
ngo sooyataa inaboojam uurɗam.
Reedu maaɗa bana jowre alkamaari,
nde taarnaama bee gurguli.
4Bana ciwtukoy lelwa, non enɗi ma.
5Daande maaɗa bana suudu nyii'e nyiibi towndu.
Gite maaɗa bana beeli haa Hesbon,
baŋnge dammugal Bat-Rabbim.
Kine maaɗa bana suudu Libanon towndu
tiitotirndu bee berniwol Damas.
6Hoore maaɗa ɗon nanndi bee Karmel#7:6 Karmel ɗum innde hooseere.,
gaasa hoore maaɗa bana limce boɗeeje,
haa nder girli gaasa ma laamiiɗo naŋngaama.
7An a ŋarniiɗo, booɗɗo boo,
an giɗaaɗo, yiide ma welani yam.
8Tagdi ɓanndu ma bana dibinoohi,
bana bukki haa maaki, non enɗi ma.
9Nden mi wi'i: Dibinoohi man, sey mi wa'o ki,
mi naŋnga bukki maaki.
Enɗi maaɗa ɗon nanndi bee bukki ɓiɓɓe inabohi,
uurdi kine ma nanndi bee ɓenndalooje uurɗe.
10Inaboojam cuɓaaɗam, non hunnduko ma.
Ɗam ila, ɗam nasta cir nder hunnduko giɗaaɗo am,
ɗam ila haa kunnduɗe ɗaaniiɓe#7:10 Kunnduɗe ɗaaniiɓe malla hunnduko am e nyii'e am..
11Giɗaaɗo am min jeyi,
min ɓernde maako yenwi.
12War, njehen haa ladde, an giɗaaɗo am,
en mbaaloya haa kawye ton.
13Bee fajiri en njaha nder gese inabooje,
haa en ndaara to inabooje ton mbilitake,
to pinndi maɓɓitake,
rummaanooje boo pinniti.
Ton haa gese mi hokkete yiide am.
14Ɓiɓɓe jooɗooje uuran haa kine men,
ɓiɓɓe leɗɗe cuɓaaɗe ɗon haa dammuɗe men,
ɓiɓɓe leɗɗe ɓennduɗe jontaaje e neeɓɗe,
giɗaaɗo am, mi sigi ɗe ngam maaɗa.
Currently Selected:
Yimre Suleymaanu 7: FB
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
