Matta 12

Ƴamol dow nyannde siwtorde

(Markus 2:23-28; Luka 6:1-5)

1Saa'i man, Yeesu saali nder ngesa alkamaari, ɗum nyannde siwtorde. Pukara'en maako maati dolo, nden ɓe ngewi cammeeje, ɓe ƴakki#TT 23:26.. 2Nde Farisa'en ngi'i ɗum, ɓe mbi'i Yeesu: “Pukara'en maaɗa ɗon kuuwa ko dagaaki huuweego nyannde siwtorde.” 3O jaabi ɓe: “On meeɗaay jaŋngugo ko Daawuda waɗino, kaŋko e yimɓe maako nde ɓe maati dolo na? 4Ɓe nasti suudu Allah, ɓe nyaami tamseeje jo'inaaɗe yeeso Allah, koo nde ɓe ngalaa duŋayeere nyaamugo ɗe, sey liman'en tan#FL 24:9.#1 Sam 21:1-6.? 5Malla on meeɗaay jaŋngugo nder tawreeta, liman'en ɗon kuuwa nder haykaliiru koo nyannde siwtorde boo na? Bee man ɓe ɗon luuta umroore, ammaa ɓe ngalaa aybe#Lim 28:9-20.#12:5 Aybe malla gacce.. 6Mi ɗon wi'a on: Ndaa, ko ɓuri haykaliiru maŋngu ɗon haa ɗo. 7To on paamino ko saawi nder bolle ɗe'e: Enɗam ngiɗmi, naa dabbaaji kirsaaɗi, nden kam on aybintaano yimɓe ɓe ngalaa aybe#Hos 6:6; Mat 9:13.. 8Ngam Ɓii-neɗɗo woni Jawmu nyalaade siwtorde.”

Yeesu yamɗitini waata-juŋngoojo

(Markus 3:1-6; Luka 6:6-11)

9Yeesu ummi ton, yehi, nasti suudu dewal Yahuudu'en. 10Woodi goɗɗo waata-juŋngoojo ton. Farisa'en ngiɗi wullaago Yeesu, ngam man ɓe ƴami mo: “Tawreeta duŋani en yamɗitingo goɗɗo nyannde siwtorde na?” 11Yeesu jaabi ɓe: “Goɗɗo caka mooɗon, to o woodi mbaalu ngootu tan, nden ngu yolli nder ngaska nyannde siwtorde, o wurtintaa ngu na#Lk 14:5.? 12Fakat, neɗɗo ɓuri mbaalu saman, ngam maajum ɗum dagake huuwugo kuugal booɗŋgal nyannde siwtorde.” 13Nden o wi'i gorko go: “Fortu juŋngo ma.” O forti ngo, ngo yamɗiti, warti bana ngoya. 14Nden Farisa'en ngurti, carwootiri, kaɓɓi dabare ngam mbarugo Yeesu.

Suka mo Allah suɓi

15Ammaa Yeesu faami anniya maɓɓe, o ummi nokkuure man, o dilli, mooɓe ɗuuɗɗe tokki mo. O yamɗitini nyawɓe fuu. 16Ammaa o barri#12:16 Barri malla reentini. ɓe, taa ɓe mbaŋgina mo. 17Ɗum hiɓɓini annabaaku Esaaya, bi'ɗo:

18“Allah wi'i: Ndaa suka am mo mi suɓi,

giɗaaɗo am mo mi seyorto.

Mi neli Ruuhu am dow maako,

o anndinan ummaatooje kiita ndarnuka.

19O jokkirtaa bee goɗɗo, o wookataa,

walaa mo nanata sawtu maako haa laabi.

20O yewataa kewal nyobbaaŋgal.

O nyifataa pittirlayel, to ngel ɗon suura tawon,

haa to o heɓani kiita ngooŋɗuka jaalorgal.

21Ummaatooje fuu tammorto innde maako#Esa 42:1-4..”

Jaawaabu Yeesu haa hallinɓe mo

(Markus 3:20-30; Luka 11:14-23)

22Nden ɓe ngaddani Yeesu goɗɗo mo ginnawol ɗon nder muuɗum, o bumɗo, muukaajo boo. Yeesu yamɗitini mo, o wolwi, o yi'i. 23Ɗum hayɗini mooɓe fuu, ɓe mbi'i: “Oo ɗo, naa o Ɓii Daawuda na?” 24Nde Farisa'en nani ɗum, ɓe mbi'i: “Goɗɗo oo ɗon riiwa ginnaaji bee baawɗe ɗe Be'elzebul, laamiiɗo ginnaaji hokki mo#Mat 9:34; 10:25..” 25Yeesu anndi numooji maɓɓe, wi'i ɓe: “To yimɓe laamu koo nguye narraay, laamu man do'oto. To yimɓe wuro koo ngoye malla yimɓe saare koo ndeye narraay, ɗum darataako. 26To Sayɗaanu ɗon riiwa Sayɗaanu, nden kam o narraay bee hoore maako, noy laamu maako tabitirta? 27To min mi ɗon riiwa ginnaaji bee baawɗe Be'elzebul, bee baawɗe ɗeye ɓikkoy mooɗon boo ndiiwrata ɗi? Ngam maajum ɓikkoy mooɗon kiitoto on. 28Ammaa to bee baawɗe Ruuhu Allah ndiiwranmi ginnaaji boo, nden kam laamu Allah yottanake on.

29Walaa mo waawataa nastugo saare cemmbiɗɗo, wujja kuuje maako, sonaa o aarta, o haɓɓa mo tawon, nden o ɓofta kuuje saare maako fuu.

30Mo wondaay bee am, o konneejo am. Mo wallaay yam mooɓtugo, saŋkitan#Mk 9:40.. 31Ngam maajum mi ɗon wi'a on: Neɗɗo heɓan yaafuye hakkeeji mum e bolle mum kalluɗe dow Allah fuu. Ammaa mo wolwi kalluka dow Ruuhu Ceniiɗo, heɓataa yaafuye sam. 32Koo bolwanɗo kalluka dow Ɓii-neɗɗo boo, heɓan yaafuye. Ammaa mo yeddi Ruuhu Ceniiɗo, heɓataa yaafuye sam, koo nder zamanuuru jontaaru, koo nder waranndu boo#Lk 12:10..”

Lekki e ɓiɓɓe mum

(Luka 6:43-45)

33“To lekki wooɗi, ɓiɓɓe maaki boo mbooɗan. To lekki wooɗaay, ɓiɓɓe maaki boo mbooɗataa. Ɓe annditan lekki haa ɓiɓɓe mum#Mat 7:20; Lk 6:44.. 34Onon ɓiɓɓe poosokje, noy on mbaawrata wolwugo kuuje booɗɗe nde onon on halluɓe? Ko heewi ɓernde goɗɗo, kanjum hunnduko muuɗum wolwata#Mat 3:7; 15:18; 23:33; Lk 3:7; 6:45.. 35Neɗɗo booɗɗo ɗon wurtina kuuje booɗɗe nder siga mum mbooɗka, neɗɗo kalluɗo boo ɗon wurtina kuuje kalluɗe nder siga mum kalluka. 36Mi ɗon wi'a on: Nyalaade darŋgal, yimɓe njaabanto ko'e muuɗum'en dow bolle meereeje ɗe ɓe mbolwi fuu. 37Allah gooŋɗinte fodde bolle maaɗa malla boo o aybinte.”

Kaayeefi Yonas

(Markus 8:11-12; Luka 11:29-32)

38Nden woɗɓe nder moodiɓɓe tawreeta e Farisa'en mbi'i Yeesu: “Moodibbo, min ngiɗi a waɗa alaama haa min ndaara#Mat 16:1; Mk 8:11; Lk 11:16.!” 39Yeesu jaabi ɓe: “Yimɓe zamanuuru ndu'u, ɓe halluɓe, zammbotooɓe Allah! Ɓe ngeli alaama, ammaa ɓe keɓataa, sonaa alaama annabi Yonas#Mat 16:4; Mk 8:12.. 40Bana Yonas waɗi nyalawmaaje tati e jemmaaje tati nder reedu liiŋgu, bana non Ɓii-neɗɗo boo waɗan nyalawmaaje tati e jemmaaje tati nder lesdi#Yon 2:1.. 41Nyalaade darŋgal, yimɓe Niniwe ummanto yimɓe zamanuuru ndu'u, hiitoto ɓe, ngam yimɓe Niniwe tuubi nde ɓe nani waazu Yonas. Ndaa, ɓurɗum Yonas haa ɗo#Yon 3:5.. 42Laamiiɗo debbo, mo Lesdi Fombina#12:42 Fombina malla hoore-huɗo., ummanto yimɓe zamanuuru ndu'u, wulloto ɓe nyalaade darŋgal, ngam o wari diga daayiiɗum haa o nana bolle Suleymaanu keewɗe hikma. Ndaa ɓurɗum Suleymaanu haa ɗo#1 Laam 10:1-10; 2 HN 9:1-12..”

Loraaki ginnawol

(Luka 11:24-26)

43“To ruuhuwol coɓŋgol wurtake goɗɗo, ngol yiiloyan haa karɗe ngam ɗaɓɓugo nokkuure siwtaago, to ngol heɓaay, 44nden kam ngol wi'an: Mi loroto haa suudu am ndu mi wurtino. To ngol lori haa maaru, ngol tawan ndu sookru, wuuwaandu e mo'itinaandu, 45nden ngol yaha, ngol wadda ruuhuuji goɗɗi joweeɗiɗi, ɓuranɗi ngol hallugo, ɗi nastan suudu man, ɗi njooɗoto nder maaru. Joonde goɗɗo oo hallan ko ɓuri naane. Bana nii ɗum laatanto yimɓe halluɓe nder zamanuuru ndu'u!”

Deerɗiraaɓe Yeesu e daada mum

(Markus 3:31-35; Luka 8:19-21)

46Saa'i Yeesu ɗon wolwana mooɓre tawon, daada maako e deerɗiiko'en ɗon ndari yaasi, ngam ɓe ngiɗi wolwango mo. 47Goɗɗo feere wi'i mo: “Ndaa, daada ma e deerɗiraaɓe ma ɗon ndari yaasi, ɓe ngiɗi wolwango ma.” 48Yeesu jaabi mo: “Moy woni daada am? Ɓeye ngoni deerɗiraaɓe am?” 49Nden o sappi pukara'en maako, o wi'i: “Ndaa, ɓe'e ngoni daada am e deerɗiraaɓe am. 50Ngam waɗanɓe muuyo Baabiraawo am mo asama fuu, kamɓe ngoni deerɗiraaɓe am worɓe e rewɓe e daada am.”

Currently Selected:

Matta 12: FB

Highlight

Compare

Copy