Esaaya Nastuki
Nastuki
Allah ewni Esaaya ngam anndingo nattere Isra'iila e Yahuuda. Allah hiiti yimɓe ummaatooje ɗe'e daliila juunuubaaji maɓɓe (6). Kuugal Esaaya duuri duuɓi cappanɗe nayi. Yaake man laamu Assuura hulni Isra'iila e Yahuuda masin. Esaaya fuɗɗi kuugal mum bee felugo laamuuji ɗi'i daliila sooynde adilaaku maaji (1-5). O suusɗini laamiiɗo Akas taa o hula laamiiɗo Siriya (7). Koo nde Akas sali nanango mo, o hokki ɗum alaama ka'a: Coottoowo bi'eteeɗo Immanuyila danyete (7:14; Mat 1:23).
Esaaya anndini bee laaɓɗum Allah o ceniiɗo (6:3), o baawɗo, o cemmbiɗɗo, o laamiiɗo, o jaafoowo (1:18; 53). O suusɗini ummaatoore haa nde hoolo Allah koo nder wakkati ɓillaare, ngam hoolaago Allah waddan kisndam. Ngam man o haɗi laamiiɗo Hezekiya ƴamugo ballal haa Misra. Jawmiraawo hisni Urusaliima diga juuɗe Sennakerib bana Esaaya anndinno mo.
Esaaya wolwi boo dow garki Almasiihu: Kaŋko woni suka Allah, cuɓaaɗo Allah ngam tabitingo laamu salaaman e adilaaku (2:1-5; 7:10-17; 9:1-6; 11:1-9; 28:16-17). O hisnan yimɓe diga hakkeeji maɓɓe (53; Lk 4:18-19). Kisndam maako yottoto ummaatooje duniyaaru fuu (49:6).
Deftere Esaaya ɗum deftere de'itinki (40:1). Allah de'itinan Isra'iila. Dahaaɓe Isra'iila loroto haa lesdi muuɗum'en (35:10). O nattinan konne'en maɓɓe. O senan ɓe, ɓe laatoto suka'en maako (65). O hesɗitinan asamanji e lesdi. O waddan berniwol Urusaliima kesol haa ummaatoore maako senaande jooɗoto. Berniwol ngo'ol heewi salaaman, senaare e barkaaji duumiiɗi.
Alkawal Kesal lorni bolle deftere nde'e nde ɗuuɗɗum ngam annabaakuuji ɗi Esaaya waɗi kiɓɓi nder ngeendam Yeesu Almasiihu, nder puɗɗuki jama'aare nuɗɗinɓe e kuugal nelal maare.
Tokkindirki haalaaji:
Joonde hallunde nde Isra'iila e Yahuuda 1—5
Iinawol laamiiɗo e laamu kesu 6—12
Allah woni jawmu ummaatooje13—35
Allah hisni Hezekiya diga Assuura'en 36—39
De'itinki Isra'iila e suka Allah40—55
Ummaatoore Allah hesre e Urusaliima kesol56—66
Currently Selected:
Esaaya Nastuki: FB
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.