Sirasid 49
49
Yusiya
1Ɓe ɗon ciftora laamiiɗo Yusiya bana jillindirki uurle belɗe ki jilloowo uurle taaski. Ewnaago innde maako, ɗum belɗum bana njumri nder hunnduko malla boo bana yimre saa'i juulde.
2O tokki laawol booɗŋgol, o dartini jama'aare e o wili dewal labbi.
3Bee ɓernde maako fuu o huucitani Jawmiraawo. Saa'i yimɓe ɗonno ngeeba Tawreeta Allah, o semmbiɗini diina gooŋgaaha.
Laamiiɓe Yahuuda sakitiiɓe e annabi Yeremiya
4Laamiiɓe fuu ɓesdi waɗgo aybe dow aybe sonaa Daawuda, Hejekiya e Yusiya. Ɓe ngudini Tawreeta Allah Ɓaŋiiɗo, nden laamiiɓe Yahuuda kalki.
5Ɓe ndokki semmbe maɓɓe haa jama'aare feere e tedduŋgal maɓɓe boo haa jama'aare janannde.
6Jama'aare nde'e wuli berniwol ceniiŋgol ngol Allah suɓno, nde ferwini laabi maagol bana no Yeremiya anndinino
7torruɓe mo. Ammaa Allah suɓno mo annabiijo diga o danyaaka ngam ittugo, yibbingo e wilgo e ngam mahitaago e tiggitaago ɓaawoɗon.
Ezekiyel
8Ezekiyel laari tedduŋgal Jawmiraawo, mo waŋgani mo dow moota pucci keruba'en.
9Jawmiraawo siftori Ayuba, tokkiiɗo laawol adilaaku.
Annabi'en sappo e ɗiɗo
10Ko laarani annabi'en sappo e ɗiɗo, koo to i'e maɓɓe ɗon nder yenaande boo, sey Allah hokka ɓe tokkiiɓe! Fakat, ɓe cemmbiɗini jama'aare Yaakubu e ɓe kisni nde ngam ɓe meeɗaay ittugo tammunde.
Zorobaabila e Yosuwa
11Noy teddinirgo Zorobaabila laatiiɗo bana haatummeere haa juŋngo Jawmiraawo nyaamo?
12Non ɗum laati ngam Yosuwa, ɓii Yosadak. Saa'i maajum, ɓe ɗiɗo fuu ɓe mahiti haykaliiru, ɓe ndarnani Jawmiraawo suudu seniindu ngam tedduŋgal maako duumiiŋgal.
Nehemiya
13Nehemiya boo acci ciftorki makki. Kaŋko mahiti mahi berniwol amin gibbaaɗi, o sannji dammuɗe e pareeje maagol, nden o wo'itini cuuɗi amin.
Yimɓe tedduɓe nder wakkatiiji arani
14Caka yimɓe ɓe Allah tagi nder duniyaaru fuu, walaa mo foti bee Anuhu ngam o eeŋginaama haa asama.
15Walaa neɗɗo nannduɗo boo bee Yusufu laatiiɗo ardiiɗo deerɗiraaɓe mum e ballal jama'aare maako boo. I'e maako keɓi hormu maŋngu.
16Sem e Setu ngoni tedduɓe caka ɓiɓɓe Aadama fuu, ammaa Aadamu ɓuri mawnugo dow tagle ɗe Allah tagi fuu.
Currently Selected:
Sirasid 49: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.