Sirasid 45
45
1giɗaaɗo Allah e giɗaaɗo yimɓe boo. Ɗum Muusa. To en ciftori mo sey en ngetta Allah.
2Jawmiraawo hokki mo tedduŋgal nannduŋgal bee ngal malaa'ika'en, o semmbiɗini mo yeeso konne'en Isra'iila.
3To Muusa anndini kuuje kayɗiniiɗe, Jawmiraawo neeɓataa waɗgo ɗe, o hokki mo baawɗe haa yeeso laamiiɗo. Ngam ummaatoore maako o hokki mo umrooje, nden o yi'ni mo tedduŋgal maako seɗɗa.
4Muusa laati goɗɗo adiliijo e de'iiɗo. Ngam maajum Allah seni mo, suɓi mo caka yimɓe feere fuu.
5O nanni mo sawtu maako, o ɗowi mo nder ruuldere tekkunde. Ton, yeeso maako, o hokki mo umrooje, Tawreeta ka yeeɗinan e hokkan faamu. Bana nii o ekkitiniri farillaaji alkawal haa ɓiɓɓe Yaakubu, koddirooje maako haa jama'aare Isra'iila.
Haruna
6Jawmiraawo hokki Haruna hormu, o adiliijo nannduɗo bee Muusa, deerɗiiko, iwɗo lenyol Lewi.
7O haɓɓi bee maako alkawal duumiiŋgal. O halfini mo kuugal limanjo jama'aare. O hokki mo hayru bee ɓornugo mo limce booɗɗe, o ɓorni mo toggooje ɗelkanɗe booɗɗe.
8O ɓorni mo limce tuppitaaɗe, o jaagni mo bee alaamaaji baawɗe maako: Gajeere, dawrawol, meetaleewol e ɗancikiyel.
9O taarni les marabbaare maako bee pawne nannduɗe bee ɓenndalooje rummaanooje e bee leŋnguruuhon kaŋŋeeri ɗuuɗkon. Kon ɗon conƴa falannde Haruna fuu. Kon ɗon conƴa nder haykaliiru ngam anndingo Jawmiraawo ɗon caka jama'aare maako.
10Haruna ɗonno ɓorni toggoore seniinde nyootaande bee gaaraaji marɗi noone kaŋŋeeri, bee gaaraaji boɗeeji seɗɗa e boɗeeji coy nde tuppitoowo baawɗo tuppiti, dow toggoore man o ɓorni boo jiiba wiɓɓere marka Urim e Tumiina ngam hiitaago.
11Jiiba wiɓɓere nyootaama bee kirtaani boɗeejum seɗɗa ka tuppitoowo tuppiti, nde ɗonno fawni bee kaa'e marɗe saman diidaaɗe bana diidol kaatummeeje, inɗe le'i Isra'iila sappo e ɗiɗi ɗe kaŋŋeeri ɗon ɓili, cannyoowo baawɗo ɓili ɗe.
12Pawne kaŋŋeeri ɗonno dow meetaleewol Haruna bee binndi ɗi'i: “Cenaaɗo ngam Jawmiraawo.” Ɗum alaama tedduka, ɗum kuugal booɗŋgal, ceynanŋgal gite, jaagnoore timmididnde.
13Diga Haruna waŋgaay, walaa gi'ɗo limce booɗɗe irin ɗe'e. Walaa goɗɗo feere meeɗi ɓornaago ɗe, sonaa ɓiɓɓe maako e taaniraaɓe maako, ngam ɓe ngoodi baawɗe ɓornaago ɗe haa foroy.
14Kirseteeɗi ɗi Haruna lii'oto nde ɗiɗi nyalaade fuu, haa foroy, sey ɗi ngule fuu.
15Muusa nastini mo nder kuugal bee rufango mo nebbam ceniiɗam dow hoore. Ɗum laati alkawal haa foroy, ngal duumoto bana asama ngam Haruna e ɓiɓɓe mum. Sey ɓe njaggana Jawmiraawo bana liman'en e ɓe mbarkiɗina yimɓe bee muuyo Allah.
16Jawmiraawo suɓi Haruna caka woɗɓe feere fuu ngam o lii'ana mo nguleteeŋga, alud e uurle ngam ciftorki e ngam o waɗana jama'aare maako alaama yaafuye hakkeeji.
17Allah hokki Haruna baawɗe fassitirgo umrooje ngam o waɗa kiita, ngam o faamtina Isra'iila muuyo maako, ngam laataago annoora jama'aare bee Tawreeta maako.
18Haa ladde hamaadaare, hoɗɓe kaaji mo, ngurŋgurti dow maako bee tikkere e ɓernuki. Ɗum Datan e Abiram e yimɓe muuɗum'en non boo yimɓe tokkiiɓe Kora.
19Jawmiraawo yi'i ɗum, o ɓerni masin, haa o tikkani ɓe bee waɗgo kaayeefiwol: Nguleeŋga yiite seniiŋge wuli ɓe e mbardi ɓe fuu maɓɓe.
20Ammaa Allah hokki Haruna hayru fahin: O halfini mo, kaŋko e ɓiɓɓe maako, ɓenndalooje gese aartuɗe gaddaaɗe bana dokkal. Bana nii o fuɗɗiri hokkugo ɓe ko ɓe nyaama.
21Liman'en ɗonno nyaama ko ɓe lii'anto Jawmiraawo. Allah hokki ɗum haa Haruna e ɓiɓɓe maako.
22Ammaa liman'en marataa lesdi halal nder lesdi Isra'iila. Kanjum feerotiri ɓe bee jama'aare, ɓe ngalaa geɗal sam, ngam Allah wi'i Haruna: “Min laati geɗal maaɗa, min woni risku ma”.
Pinehas
23Pinehas ɓiɗɗo Eli'azaaru, laati tataɓo margo tedduŋgal ngam o laati caatuɗo ngam o wirfi tedduŋgal Jawmiraawo. Bee ɓernde hebbinaande cuusal, o tikkani jama'aare tuurtunde e o heɓani Isra'iila yaafuye Jawmiraawo.
24Ngam maajum, Jawmiraawo haɓɓi bee maako alkawal salaaman, o ardini mo haa haykaliiru seniindu, o laatini mo wakiiliijo jama'aare maako. O halfini kuugal limanjo mawɗo haa Pinehas e haa ɓiɓɓe maako haa foroy.
25Jawmiraawo haɓɓi alkawal boo bee Daawuda, ɓiɗɗo Yessa mo lenyol Yahuuda. O iinani mo no laamu saaloto diga baaba haa ɓiŋngel, ammaa haa ɓiŋngel gootel tan! Ndonŋgu Haruna hokkaama haa lenyol maako fuu.
26Onon ɓiɓɓe Haruna, mi ɗon toro Jawmiraawo o hebbina ɓerɗe mon bee hikma, ngam on laato adili'en to on ɗon kiito jama'aare maako, ngam taa hayruuji mon e tedduŋgal mon kalka nder garanɗum.
Currently Selected:
Sirasid 45: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
Sirasid 45
45
1giɗaaɗo Allah e giɗaaɗo yimɓe boo. Ɗum Muusa. To en ciftori mo sey en ngetta Allah.
2Jawmiraawo hokki mo tedduŋgal nannduŋgal bee ngal malaa'ika'en, o semmbiɗini mo yeeso konne'en Isra'iila.
3To Muusa anndini kuuje kayɗiniiɗe, Jawmiraawo neeɓataa waɗgo ɗe, o hokki mo baawɗe haa yeeso laamiiɗo. Ngam ummaatoore maako o hokki mo umrooje, nden o yi'ni mo tedduŋgal maako seɗɗa.
4Muusa laati goɗɗo adiliijo e de'iiɗo. Ngam maajum Allah seni mo, suɓi mo caka yimɓe feere fuu.
5O nanni mo sawtu maako, o ɗowi mo nder ruuldere tekkunde. Ton, yeeso maako, o hokki mo umrooje, Tawreeta ka yeeɗinan e hokkan faamu. Bana nii o ekkitiniri farillaaji alkawal haa ɓiɓɓe Yaakubu, koddirooje maako haa jama'aare Isra'iila.
Haruna
6Jawmiraawo hokki Haruna hormu, o adiliijo nannduɗo bee Muusa, deerɗiiko, iwɗo lenyol Lewi.
7O haɓɓi bee maako alkawal duumiiŋgal. O halfini mo kuugal limanjo jama'aare. O hokki mo hayru bee ɓornugo mo limce booɗɗe, o ɓorni mo toggooje ɗelkanɗe booɗɗe.
8O ɓorni mo limce tuppitaaɗe, o jaagni mo bee alaamaaji baawɗe maako: Gajeere, dawrawol, meetaleewol e ɗancikiyel.
9O taarni les marabbaare maako bee pawne nannduɗe bee ɓenndalooje rummaanooje e bee leŋnguruuhon kaŋŋeeri ɗuuɗkon. Kon ɗon conƴa falannde Haruna fuu. Kon ɗon conƴa nder haykaliiru ngam anndingo Jawmiraawo ɗon caka jama'aare maako.
10Haruna ɗonno ɓorni toggoore seniinde nyootaande bee gaaraaji marɗi noone kaŋŋeeri, bee gaaraaji boɗeeji seɗɗa e boɗeeji coy nde tuppitoowo baawɗo tuppiti, dow toggoore man o ɓorni boo jiiba wiɓɓere marka Urim e Tumiina ngam hiitaago.
11Jiiba wiɓɓere nyootaama bee kirtaani boɗeejum seɗɗa ka tuppitoowo tuppiti, nde ɗonno fawni bee kaa'e marɗe saman diidaaɗe bana diidol kaatummeeje, inɗe le'i Isra'iila sappo e ɗiɗi ɗe kaŋŋeeri ɗon ɓili, cannyoowo baawɗo ɓili ɗe.
12Pawne kaŋŋeeri ɗonno dow meetaleewol Haruna bee binndi ɗi'i: “Cenaaɗo ngam Jawmiraawo.” Ɗum alaama tedduka, ɗum kuugal booɗŋgal, ceynanŋgal gite, jaagnoore timmididnde.
13Diga Haruna waŋgaay, walaa gi'ɗo limce booɗɗe irin ɗe'e. Walaa goɗɗo feere meeɗi ɓornaago ɗe, sonaa ɓiɓɓe maako e taaniraaɓe maako, ngam ɓe ngoodi baawɗe ɓornaago ɗe haa foroy.
14Kirseteeɗi ɗi Haruna lii'oto nde ɗiɗi nyalaade fuu, haa foroy, sey ɗi ngule fuu.
15Muusa nastini mo nder kuugal bee rufango mo nebbam ceniiɗam dow hoore. Ɗum laati alkawal haa foroy, ngal duumoto bana asama ngam Haruna e ɓiɓɓe mum. Sey ɓe njaggana Jawmiraawo bana liman'en e ɓe mbarkiɗina yimɓe bee muuyo Allah.
16Jawmiraawo suɓi Haruna caka woɗɓe feere fuu ngam o lii'ana mo nguleteeŋga, alud e uurle ngam ciftorki e ngam o waɗana jama'aare maako alaama yaafuye hakkeeji.
17Allah hokki Haruna baawɗe fassitirgo umrooje ngam o waɗa kiita, ngam o faamtina Isra'iila muuyo maako, ngam laataago annoora jama'aare bee Tawreeta maako.
18Haa ladde hamaadaare, hoɗɓe kaaji mo, ngurŋgurti dow maako bee tikkere e ɓernuki. Ɗum Datan e Abiram e yimɓe muuɗum'en non boo yimɓe tokkiiɓe Kora.
19Jawmiraawo yi'i ɗum, o ɓerni masin, haa o tikkani ɓe bee waɗgo kaayeefiwol: Nguleeŋga yiite seniiŋge wuli ɓe e mbardi ɓe fuu maɓɓe.
20Ammaa Allah hokki Haruna hayru fahin: O halfini mo, kaŋko e ɓiɓɓe maako, ɓenndalooje gese aartuɗe gaddaaɗe bana dokkal. Bana nii o fuɗɗiri hokkugo ɓe ko ɓe nyaama.
21Liman'en ɗonno nyaama ko ɓe lii'anto Jawmiraawo. Allah hokki ɗum haa Haruna e ɓiɓɓe maako.
22Ammaa liman'en marataa lesdi halal nder lesdi Isra'iila. Kanjum feerotiri ɓe bee jama'aare, ɓe ngalaa geɗal sam, ngam Allah wi'i Haruna: “Min laati geɗal maaɗa, min woni risku ma”.
Pinehas
23Pinehas ɓiɗɗo Eli'azaaru, laati tataɓo margo tedduŋgal ngam o laati caatuɗo ngam o wirfi tedduŋgal Jawmiraawo. Bee ɓernde hebbinaande cuusal, o tikkani jama'aare tuurtunde e o heɓani Isra'iila yaafuye Jawmiraawo.
24Ngam maajum, Jawmiraawo haɓɓi bee maako alkawal salaaman, o ardini mo haa haykaliiru seniindu, o laatini mo wakiiliijo jama'aare maako. O halfini kuugal limanjo mawɗo haa Pinehas e haa ɓiɓɓe maako haa foroy.
25Jawmiraawo haɓɓi alkawal boo bee Daawuda, ɓiɗɗo Yessa mo lenyol Yahuuda. O iinani mo no laamu saaloto diga baaba haa ɓiŋngel, ammaa haa ɓiŋngel gootel tan! Ndonŋgu Haruna hokkaama haa lenyol maako fuu.
26Onon ɓiɓɓe Haruna, mi ɗon toro Jawmiraawo o hebbina ɓerɗe mon bee hikma, ngam on laato adili'en to on ɗon kiito jama'aare maako, ngam taa hayruuji mon e tedduŋgal mon kalka nder garanɗum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.