Sirasid 44
44
MANOORE KAAKIRAAƁE
Yimre ngam tedduŋgal kaakiraaɓe
1Njobbiten yimɓe tedduɓe, kaakiraaɓe amin fodde gide maɓɓe.
2Jawmiraawo hokki ɓe tedduŋgal maŋngal: Ɗum yimɓe mawɓe diga wakkatiiji ɓooymaaji.
Yimɓe tedduɓe wakkati caaliiɗi
3Woodi laamiiɓe ɓe laamani laamuuji muuɗum'en, yimɓe tedduɓe ngam baawɗe muuɗum'en, dawrooɓe semmbiɗɓe daliila anndal muuɗum'en, laarooɓe manaaɓe daliila annabaaku muuɗum'en.
4Woodino ardiiɓe annduɓe dawrango jama'aare muuɗum'en, yerima'en boo marɓe anndal lugguŋgal, hikma'en winndanɓe numooji muuɗum'en lugguɗi, jaŋnginooɓe aynooɓe anndal.
5Woodino winndooɓe gime ɓelɗe e mboo'en,
6yimɓe ɓe risku muuɗum'en laatini semmbiɗɓe, ɓe ɗonno njooɗi nder jam e nder de'eende.
7Ɓe fuu maɓɓe, nder wakkati maɓɓe, ɓe teddinaaɓe e ɓe maŋgtaaɓe wakkati ɓe yeeɗɓe.
8Innde woɗɓe lutti ɓaawo maɓɓe, haa jonta ɓe ɗon mana ɓe.
9Ammaa woɗɓe walaa ko siftorta ɓe. Diga maayde maɓɓe, koo ɗume fuu laati bana ɓe meeɗaay yeeɗgo. Ɓe ngeeɗi ammaa ɓe ɗalaay maandorde, ɓiɓɓe maɓɓe ɓaawo maɓɓe boo bana non.
Kaakiraaɓe Isra'iila
10Kaakiraaɓe amin heewɓe mbooɗeeŋga, min ngejjitaay no ɓe laati adili'en.
11Jawle maɓɓe ndokkaama haa ruutu maɓɓe, taaniraaɓe maɓɓe keɓi ndonŋgu.
12Ɓikkoy maɓɓe njogi alkawal. Ɓikkoy koy ɗon ngeeɗa barka maɓɓe.
13Lenyol maɓɓe timmataa sam e walaa ko wilata tedduŋgal maɓɓe.
14Ɓalli maɓɓe ɗon ciwto bee jam nder yenaande, ammaa innde maɓɓe ɗon haa foroy.
15Koo moy fuu wolwan dow hikma maɓɓe, jama'aare yimanan ɓe maŋgtoore.
Anuhu
16Anuhu fottani Jawmiraawo, nden o ewni mo kommbi maako. Ngam gide garanɗe, o laati misaalu ngeendam waylitaaɗam heedi Allah.
Nuuhu
17Allah faami Nuuhu o adiliijo. Nde kuuje fuu mbilaama, Nuuhu laati fuɗɗoode duniyaaru hesru. Barka maako yimɓe lutti ɓaawo ilam tufaana.
18Allah waɗi alkawal bee maako haa foroy ngam taa o nelda irin sarru ngu'u fahin ngam wilgo ko yeeɗata fuu.
Ibrahiima
19Ibrahiima laati kaakiraawo mawɗo ngam ummaatooje ɗuuɗɗe, tedduŋgal maako walaa nanndu.
20O ɗowtani umroore Allah Ɓaŋiiɗo mo haɓɓi alkawal bee maako. O waɗi dow ɓanndu maako alaama alkawal waato juulnol. Nde Allah foondi mo, o tawi o adiliijo.
21Ngam maajum Allah hunani mo o barkiɗinan ummaatooje fuu barka danygol maako. Fodde alkawal maajum, ɓiɓɓe maako laatoto ɗuuɗɓe bana njaareendi e daraja maɓɓe laatoto bana koode haa asama. Ɓe keɓan maral lesdi njaasndi diga maayo Maaliya haa maayo Cakaawo, diga maayo Efratis haa yotti keerol duniyaaru.
Isiyaaku e Yaakubu
22Barka Ibrahiima, Jawmiraawo haɓɓi boo alkawal bee Isiyaaku ɓiyiiko. Nden o suɓi Yaakubu bana joganɗo alkawal man e keɓananɗo yimɓe fuu barka. O bi'ɗo mo o barkiɗinan mo e o hokkan mo lesdi ngam o mara ndi. O senndi ndi geɓe sappo e ɗiɗi, o senndani ɗe le'i sappo e ɗiɗi.
Muusa
23Caka ɓiɓɓe Yaakubu, Jawmiraawo jo'ini sera goɗɗo booɗɗo mo yimɓe fuu ngerdi ɗum,
Currently Selected:
Sirasid 44: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
Sirasid 44
44
MANOORE KAAKIRAAƁE
Yimre ngam tedduŋgal kaakiraaɓe
1Njobbiten yimɓe tedduɓe, kaakiraaɓe amin fodde gide maɓɓe.
2Jawmiraawo hokki ɓe tedduŋgal maŋngal: Ɗum yimɓe mawɓe diga wakkatiiji ɓooymaaji.
Yimɓe tedduɓe wakkati caaliiɗi
3Woodi laamiiɓe ɓe laamani laamuuji muuɗum'en, yimɓe tedduɓe ngam baawɗe muuɗum'en, dawrooɓe semmbiɗɓe daliila anndal muuɗum'en, laarooɓe manaaɓe daliila annabaaku muuɗum'en.
4Woodino ardiiɓe annduɓe dawrango jama'aare muuɗum'en, yerima'en boo marɓe anndal lugguŋgal, hikma'en winndanɓe numooji muuɗum'en lugguɗi, jaŋnginooɓe aynooɓe anndal.
5Woodino winndooɓe gime ɓelɗe e mboo'en,
6yimɓe ɓe risku muuɗum'en laatini semmbiɗɓe, ɓe ɗonno njooɗi nder jam e nder de'eende.
7Ɓe fuu maɓɓe, nder wakkati maɓɓe, ɓe teddinaaɓe e ɓe maŋgtaaɓe wakkati ɓe yeeɗɓe.
8Innde woɗɓe lutti ɓaawo maɓɓe, haa jonta ɓe ɗon mana ɓe.
9Ammaa woɗɓe walaa ko siftorta ɓe. Diga maayde maɓɓe, koo ɗume fuu laati bana ɓe meeɗaay yeeɗgo. Ɓe ngeeɗi ammaa ɓe ɗalaay maandorde, ɓiɓɓe maɓɓe ɓaawo maɓɓe boo bana non.
Kaakiraaɓe Isra'iila
10Kaakiraaɓe amin heewɓe mbooɗeeŋga, min ngejjitaay no ɓe laati adili'en.
11Jawle maɓɓe ndokkaama haa ruutu maɓɓe, taaniraaɓe maɓɓe keɓi ndonŋgu.
12Ɓikkoy maɓɓe njogi alkawal. Ɓikkoy koy ɗon ngeeɗa barka maɓɓe.
13Lenyol maɓɓe timmataa sam e walaa ko wilata tedduŋgal maɓɓe.
14Ɓalli maɓɓe ɗon ciwto bee jam nder yenaande, ammaa innde maɓɓe ɗon haa foroy.
15Koo moy fuu wolwan dow hikma maɓɓe, jama'aare yimanan ɓe maŋgtoore.
Anuhu
16Anuhu fottani Jawmiraawo, nden o ewni mo kommbi maako. Ngam gide garanɗe, o laati misaalu ngeendam waylitaaɗam heedi Allah.
Nuuhu
17Allah faami Nuuhu o adiliijo. Nde kuuje fuu mbilaama, Nuuhu laati fuɗɗoode duniyaaru hesru. Barka maako yimɓe lutti ɓaawo ilam tufaana.
18Allah waɗi alkawal bee maako haa foroy ngam taa o nelda irin sarru ngu'u fahin ngam wilgo ko yeeɗata fuu.
Ibrahiima
19Ibrahiima laati kaakiraawo mawɗo ngam ummaatooje ɗuuɗɗe, tedduŋgal maako walaa nanndu.
20O ɗowtani umroore Allah Ɓaŋiiɗo mo haɓɓi alkawal bee maako. O waɗi dow ɓanndu maako alaama alkawal waato juulnol. Nde Allah foondi mo, o tawi o adiliijo.
21Ngam maajum Allah hunani mo o barkiɗinan ummaatooje fuu barka danygol maako. Fodde alkawal maajum, ɓiɓɓe maako laatoto ɗuuɗɓe bana njaareendi e daraja maɓɓe laatoto bana koode haa asama. Ɓe keɓan maral lesdi njaasndi diga maayo Maaliya haa maayo Cakaawo, diga maayo Efratis haa yotti keerol duniyaaru.
Isiyaaku e Yaakubu
22Barka Ibrahiima, Jawmiraawo haɓɓi boo alkawal bee Isiyaaku ɓiyiiko. Nden o suɓi Yaakubu bana joganɗo alkawal man e keɓananɗo yimɓe fuu barka. O bi'ɗo mo o barkiɗinan mo e o hokkan mo lesdi ngam o mara ndi. O senndi ndi geɓe sappo e ɗiɗi, o senndani ɗe le'i sappo e ɗiɗi.
Muusa
23Caka ɓiɓɓe Yaakubu, Jawmiraawo jo'ini sera goɗɗo booɗɗo mo yimɓe fuu ngerdi ɗum,
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.