Markus Nastuki
Nastuki
Markus fuɗɗi Linjiila muuɗum bee wi'go ɗum Kubaruwol Belŋgol ngol Yeesu Almasiihu, Ɓiɗɗo Allah. O ɗon ewno en bee pukara'en, haa en paama mo woni Yeesu e ko woni pukaraaku Yeesu.
Deftere Linjiila nde'e waawan senndeego geɓe ɗiɗi. Yeɓre arannde, ɗum baŋginki baawɗe Yeesu (1—8). Yeɓre ɗiɗawre boo, ɗum luure hakkunde Yeesu bee konne'en muuɗum e maayde muuɗum dow leggal gaafaaŋgal (9—16).
Nder yeɓre arannde, Markus winndi seɗɗa dow Yuhanna baɗoowo baptisma, non boo dow baptisma Yeesu e jarribeeki mum. Ɓaawo maajum o faamtini ekkitinolji Yeesu e kuuɗe muuɗum kayɗiniiɗe bana jamɗitinki nyawɓe e diiwuki ruuhuuji kalluɗi. Ammaa nde ɗuuɗɗum, Yeesu haɗi yimɓe yeeynugo kuuɗe muuɗum. Teema ngam ɓe mbaawataa faamugo moy woni Yeesu bilaa faamugo tiitorde nelal mum, bana wi'go, maayde muuɗum dow leggal gaafaaŋgal e ummitineeki muuɗum.
Seɗɗa seɗɗa pukara'en maako ɓesdi faamugo mo, ammaa wanywanyɓe maako ɓesdi wanyugo mo boo. Haa timmoode yeɓre nde'e, Piyer anndini en moy woni Yeesu. Gayliteeki Yeesu ɗon tawe hakkunde yeɓre nde'e e ndeya, bana baŋginki moy woni Yeesu nder timmuɗum: O Ɓiɗɗo Allah.
Nder yeɓre ɗiɗawre, o holli Yeesu Almasiihu ɗon yaha gal boneeji e maayde e ummitineeki. Kuuje ɗe'e ɗon ndeeni mo haa berniwol Urusaliima. O ɗon hujjotira bee konne'en maako. Kamɓe ɓe ɗon taaska dabare naŋngugo mo e mbarugo mo. Haa leggal gaafaaŋgal, ardiiɗo sooje'en Roma seedi Yeesu o Ɓiɗɗo Allah, ɗum ɗon siftinora en seedamku Markus haa fuɗɗam Linjiila muuɗum. Ngam Markus, ummitineeki woni baŋguki baawɗe Allah nder timmuɗum: Kultoreeŋgol e hayɗinaare naŋngi rewɓe yahɓe haa yenaande Yeesu ngam ɓe ngi'i malaa'ikaajo.
Ɓaawo jaŋngugo Linjiila fodde Markus, an boo a annditi Yeesu Almasiihu Nasaratuujo o Ɓiɗɗo Allah fakat bana mawɗo sooje'en Roma na?
Tokkindirki haalaaji:
Fuɗɗoode Linjiila 1:1-13
Kuuɗe Yeesu haa Galiili 1:14—9:50
Jahaaŋgal diga Galiili haa Urusaliima 10
Yeesu haa Urusaliima, naŋngeeki e gaafeeki muuɗum 11—15
Ummitineeki Yeesu 16:1-8
Baŋguki Yeesu ummitaaɗo e loreeki mum haa Allah 16:9-20
Currently Selected:
Markus Nastuki: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.