Markus 1

Waazu Yuhanna baɗoowo baptisma

(Matta 3:1-12; Luka 3:1-18; Yuhanna 1:19-28)

1Haa ɗo Kubaruwol Belŋgol dow Yeesu Almasiihu Ɓiɗɗo Allah fuɗɗi. 2Bana ko winnda nder deftere annabi Esaaya: “Allah wi'i: Ndaa mi ɗon nela nelaaɗo am yeeso ma, ngam o mo'ina laawol maaɗa#Mal 3:1.. 3Goɗɗo ɗon hoola nder ladde:

Mo'inane Jawmiraawo laawol.

Mbaɗane mo buuwi darnuɗi#Esa 40:3.!”

4Bana non Yuhanna baɗoowo baptisma waŋgi nder ladde, o ɗon waazina yimɓe, o ɗon wi'a ɓe: “Tuube, njaɓe baptisma, Allah boo yaafanto on hakkeeji mooɗon.” 5Lesdi Yahudiya e yimɓe Urusaliima fuu ngari haa Yuhanna, ɓe mbaŋgini hakkeeji maɓɓe, nden Yuhanna waɗani ɓe baptisma nder maayo Urdun.

6Yuhanna ɗon ɓorni limce kuuwraaɗe bee gaasa ngeelooba, o ɗon taadi taadorgol laral, baɓɓatti e njumri ladde ngoni nyaamdu maako#2 Laam 1:8.. 7Nder waazu maako, o wi'i: “Goɗɗo waran ɓaawo am. Kaŋko o ɓuratam daraja, koo turaago fiista ɓoggi paɗe maako mi he'aay. 8Min mi waɗani on baptisma bee ndiyam, ammaa kaŋko o waɗanan on baptisma bee Ruuhu Ceniiɗo.”

Baptisma Yeesu Almasiihu

(Matta 3:13-17; Luka 3:21-22; 4:1-13)

9Nder nyalɗe maajum Yeesu wari diga Nasaratu nder lesdi Galiili, Yuhanna waɗani mo baptisma nder maayo Urdun. 10Wakkati Yeesu ɗon wurto ndiyam, o yi'i asamanji maɓɓiti, Ruuhu Allah ɗon jippo dow maako bana poola. 11Sawtu iwi diga asamanji, wi'i: “An woni Ɓiɗɗo am giɗaaɗo, mi ɗon seyoro ma#Laat 22:2; Jab 2:7; Esa 42:1; Mat 3:17; 12:18; Mk 9:7; Lk 3:22..”

Jarribeeki Yeesu Almasiihu

(Matta 4:1-11; Luka 4:1-13)

12Law Ruuhu Allah dilliri Yeesu nder ladde. 13O jooɗi ton nyalɗe cappanɗe nayi, Sayɗaanu ɗon jarribo mo. O ɗon wondi bee dabbaaji ladde, malaa'ika'en boo ɗon kuuwana mo.

Yeesu ewni waawooɓe nayo

(Matta 4:12-22; Luka 4:14-15; 5:1-11)

14Ɓaawo naŋngeeki Yuhanna, Yeesu wari haa lesdi Galiili, o waazi Linjiila Allah, 15o wi'i: “Saa'i waɗi, laamu Allah ɓaditake, tuube, nuɗɗine Linjiila#Mat 3:2..”

16Nde Yeesu tokki laawol kommbi weendu Galiili, o yi'i Simon e deerɗiraawo mum Andire, ɓe ɗon ngubo zubaaji#1:16 Jubaawol ɗum bamaaɗum ɓoggi ngam naŋngugo liɗɗi. nder weendu, ngam ɓe waawooɓe liɗɗi. 17Yeesu wi'i ɓe: “Tokkeeɗam, mi waɗan on waawooɓe yimɓe.” 18Law ɓe acci zubaaji maɓɓe, ɓe tokki mo.

19Nde o yehi yeeso seɗɗa, o yi'i deerɗiraaɓe ɗiɗo, Yaakuba e Yuhanna, ɓiɓɓe Zebede. Ɓe ɗon nder koommbowal#1:19 Koommbowal malla laanawal., ɓe ɗon mbo'itina zubaaji maɓɓe. 20O ewni ɓe, law ɓe acci baaba maɓɓe Zebede e huuwooɓe maako nder koommbowal, ɓe tokki mo.

Goɗɗo mo ruuhu coɓŋgu torri

(Luka 4:31-37)

21Yeesu e pukara'en muuɗum nasti berniwol Kafarnahum. Nde nyannde siwtorde waɗi, Yeesu nasti suudu dewal Yahuudu'en, o ekkitini ɓe. 22Heɗitiiɓe ekkitinol maako kayɗini masin, ngam o ekkitini ɓe bee baawɗe, naa bana moodiɓɓe tawreeta#Mat 7:28-29..

23Woodino nder suudu man goɗɗo mo ruuhuwol coɓŋgol torri, o wooki. 24O wi'i: “An Yeesu Nasaratuujo, ko yaalu ma bee amin? A wari ngam halkugo min na? Mi anndi fakat, a Ceniiɗo nelaaɗo Allah.” 25Yeesu telɓani ruuhu coɓŋgu, wi'i: “Jeeɗa, wurta nder maako.” 26Ngu ɓosli gorko go, nden ngu wooki, ngu wurti diga maako. 27Yimɓe fuu kayɗini, ɓe ƴamƴamtiri: “Ɗum ɗume? Ɗum ekkitinol kesol bee baawɗe! Goɗɗo oo ɗon umra koo ruuhuuji coɓɗi ɗi ɗowtano mo!” 28Law habaru Yeesu saŋkiti koo toy fuu nder lesdi Galiili.

Yeesu yamɗitini nyawɓe ɗuuɗɓe

(Matta 8:14-17; Luka 4:38-41)

29Ɓe ngurti suudu dewal Yahuudu'en, law ɓe njehi haa saare Simon e Andire. Yaakuba e Yuhanna njahdi bee maako. 30Esiraawo Simon debbo ɗon waali o nyawɗo yontere. Nde Yeesu wari, ɓe ngecci mo haala nyawu maako. 31Yeesu yehi haa maako, naŋngi juŋngo maako, ummini mo. O yamɗiti, o weerni ɓe.

32Nde naaŋge muti, yimɓe ngaddi nyawɓe e marɓe ginnaaji fuu haa Yeesu. 33Ummaatoore berniwol man fuu mooɓi haa yolnde saare. 34Yeesu yamɗitini nyawɓe ɗuuɗɓe e nyawuji maɓɓe feere feere, o riiwi boo ginnaaji ɗuuɗɗi. O accaay ginnaaji ɗi mbolwa koo ɗume, ngam ɗi anndi mo.

Waazu Yeesu nder lesdi Galiili

(Luka 4:42-44)

35Jaŋngo maajum Yeesu dawi cub. O wurti, o dilli ladde. O waɗi do'a haa ton. 36Simon e wonduɓe bee muuɗum taasni mo, ndilli ɗaɓɓitoygo mo. 37Nde ɓe tawi mo, ɓe mbi'i mo: “Yimɓe fuu ɗon ɗaɓɓite.” 38Ammaa o jaabi: “Ndillen haa kawyeeji ɓadiiɗi, haa mi waazina yimɓe ton boo. Ngam kuugal man waddi yam.” 39Bana non, o yehi cuuɗi dewal Yahuudu'en nder lesdi Galiili fuu, o waazi e o riiwi boo ginnaaji#Mat 4:23; 9:35..

Yeesu yamɗitini kuturuujo

(Matta 8:1-4; Luka 5:12-16)

40Kuturuujo wari haa Yeesu, tuggi koppi yeeso maako, tori mo: “To a muuyi, a waawan yamɗitingo yam.” 41Yeesu yurmini mo, forti juŋngo muuɗum, meemi mo, wi'i: “Mi muuyi, a yamɗita!” 42Law saɗawre acci mo, o yamɗiti. 43Nden, Yeesu jaɓɓiti mo, wi'i mo bee caatal, dillu! 44“Hakkil, taa yeccu ɗum koo moy. Ammaa yah jonta, hollu limanjo hoore ma. Nden lii'a dokkal ngal Muusa umri, ngam seedamku yeeso yimɓe#FL 14:1-32..” 45Ammaa goɗɗo oo dilli, o fuɗɗi saŋkitugo habaru man koo toy. Ngam daliila man, Yeesu waawaay nastugo berniwol. Ammaa o jooɗi yaasi berniwol. Yimɓe ngari haa maako diga koo toy.

Currently Selected:

Markus 1: FBDC

Highlight

Copy

Compare