Matta Nastuki
Nastuki
Linjiila yiɗi wi'go kubaruwol belŋgol, ceynoowol. Ka ɗon anndina en Yeesu Almasiihu e kuuɗe mum. Matta pukaraajo winndi Linjiila ka'a. O jomnoowo no haa Yeesu ewno mo (9:9-13). Matta laari bee gite mum e nani bee noppi mum ko Yeesu waɗi fuu. O winndani Yahuudu'en jaɓɓe Yeesu Almasiihu kisnoowo duniyaaru. Matta ɗon anndina no Yeesu hiɓɓiniri ko annabi'en anndini diga ɓooyma waato garki kisnoowo (1:22-23; 2:15,17-18,23; 4:14-15; 8:17; 12:17-21; 13:35; 21:4-5; 27:9-10). Ngam man o wolwi ɗuuɗɗum dow tawreeta. Hoore waazu maako ɗon dari dow Yeesu Almasiihu (1:1). Yeesu woni Ɓii Daawuda, o Almasiihu waato moytaaɗo e Allah ngam hisnugo duniyaaru fuu (1:21), o Immanuyila waato Allah ɗon wondi bee meeɗen (1:23). Yeesu Almasiihu, o Ɓiɗɗo Allah: Allah bee hoore muuɗum seedi ɗum (3:17). Yimɓe ɗuuɗɓe boo annditi ɗum nder kaayeefiiji ɗi o waɗi (14:33; 16:16; 17:5; 27:40-43). Matta wolwi ɗuuɗɗum boo dow laamu asamanji waato laamu Allah. Yeesu waddi laamu asamanji caka yimɓe (16:28). O huuwtiniri balndi ɗuuɗɗi ngam faamtingo haala ka'a. Laamu ngu ɗon ngam yimɓe fuu naa ngam Yahuudu'en tan (4:23; 9:35); ammaa sey goɗɗo nuɗɗina Yeesu, o acca kuuje duniyaaru (19:29). Ngam man Matta seedi bee dartaare, o wi'i: “Annde, naa wi'anɓe yam: Jawmiraawo, Jawmiraawo fuu, nastata laamu asamanji, sey waɗanɓe muuyo Baabiraawo am mo asama” (7:21). Laamu ngu'u waŋgan nder tedduŋgal maagu fuu haa asama (6:10; 26:29).
Kubaruwol ceynoowol ngol Yeesu waddi ɗon ngam yimɓe fuu. Yeesu bee hoore muuɗum waanci berniiji e gure Urusaliima e Galiili fuu ngam waazingo Linjiila (9:35-36). O umri pukara'en maako njottina ka haa keeri duniyaaru, ɓe ngaazo e ɓe ekkitina ka yimɓe nder lesɗe fuu haa ɓe laato pukara'en maako (28:16-20).
Tokkindirki haalaaji:
Kaakiraaɓe Yeesu e danyeeki mum 1—2
Waazu e kuuɗe Yuhanna baɗoowo baptisma 3:1-12
Baptisma Yeesu e jarribeeki muuɗum 3:1—4:11
Kuuɗe Yeesu haa Galiili 4:12—18:35
Jahaaŋgal diga Galiili haa Urusaliima 19—20
Yeesu haa Urusaliima, naŋngeeki e gaafeeki muuɗum 21—27
Ummitineeki e baŋguki Yeesu 28
Currently Selected:
Matta Nastuki: FBDC
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.