Baruk 5
5
1Urusaliima, ɓorta limce suno e ɓillaare ma,
ɓornu limce tedduŋgal Allah haa foroy.
2Moja alkibbaare adilaaku Allah,
meeta meetalol tedduŋgal Duumiiɗo.
3Ngam Allah waŋginanan
ɗelko maaɗa haa koo moy fuu nder duniyaaru.
4O inndete haa foroy:
“Jam ngam adilaaku” e “Tedduŋgal ngam kulol Allah”.
5Umma, Urusaliima: Dara dow towndiire,
laar gal fuunaaŋge, ndaa ɓikkoy maaɗa:
Nde Allah wolwi, koy ɗon mooɓto diga hiirnaaŋge haa fuunaaŋge bee seyo ngam Allah siftori ɓe.
6Ɓe ngurtino diga maaɗa bee kosɗe,
wanywanyɓe njahri ɓe,
ammaa Allah wartiri ɓe haa maaɗa
bee tedduŋgal bana dow koromwal laamiiɗo.
7Ooho, Allah umri ɓe leesna kooseeje towɗe e towndiije ɓooymaaje,
o sukki lugge ngam fottingo lesdi
haa Isra'iila yaha bee hoolaare nder tedduŋgal Allah.
8Ngam Allah umri laɗɗe cukkuɗe
e leɗɗe uurɗe ndokka ɗowdi haa Isra'iila. 9Ooho, Allah wartiran Isra'iila nder seyo,
nder annoora e tedduŋgal maako
nder enɗam e kisndam maako.
Currently Selected:
Baruk 5: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.