2 Makabe 3
3
Faasikaare Simon
1Nder zamanu limanjo mawɗo bi'eteeɗo Oniyas, yimɓe wonɓe nder Urusaliima, berniwol ceniiŋgol, ceyori joonde jam. Ɓe ɗon ɗowtano umrooje, ngam Oniyas ɗon ɗowtano Allah e o ɗon wanya halleende. 2Laamiiɓe maa ɗon camɗina haykaliiru, ɓe ɗon ngaddana ndu caahuuji marɗi saman. 3Bana nii Selewkus laamiiɗo lesdi Asiya ɗon yoɓa bee ceede maako halal ko ɓe kirsata ton fuu. 4Woodi limanjo feere bi'eteeɗo Simon, nder yeɓre Bilga, kaŋko suklani ardaaŋgal haykaliiru. Nden o narraay bee limanjo mawɗo Oniyas dow garamaaji luuɓe berniwol maɓɓe. 5Nde o tawi o waawataa jaalaago Oniyas, o yehi o tawoyi Apolloniyus ɓii Tarseyas, kanyum wonno wakiiliijo mawɗo mo lesdi Siriya maŋngo e Finisiya. 6Ndaa ko o limti: Jawle ɗuuɗɗe ɗon nder haykaliiru haa Urusaliima. Woodi maa ceede ɗuuɗɗe ɗe limataake, ɗe ɓuri ceede kirseteeɗi. En poti jooɗoraago ɗe bana baytal laamu.
Eliyodor nelaama haa Urusaliima
7Nde Apolloniyus yiidi bee laamiiɗo, o anndini mo habaru jawle ɗe Simon tinndini mo. Nden laamiiɗo neli wakiiliijo muuɗum ɓurduɗo mawnugo bi'eteeɗo Eliyodor. O umri mo o yaha haa Urusaliima, o wartira jawle ɗe'e. 8Eliyodor dilli law bee wi'go o yahan laartoygo berniiji Siriya maŋngo e Finisiya, alhaali boo o ɗon yaha ngam huuwugo anniyaaji laamiiɗo.
9Nde o yotti Urusaliima, limanjo mawɗo e yimɓe berniwol man njaɓɓi mo booɗɗum. O anndini ɓe ko waddi mo haa maɓɓe, o yecci ɓe ko ɓe mbi'ata dow ndesaari haykaliiru. Nden o ƴami ɓe to ko ɓe mbi'i man ɗum gooŋga.
10-11Limanjo mawɗo holli mo no bolle ɗe Simon faasikiijo wi'i ɓe fuu ɗum fewre. Fakat woodino jawle nder haykaliiru, ammaa ɗum jawle cigaaɗe ngam rewɓe yurumɓe e atiime'en. Woodino boo ceede ɗe Hirkam ɓii Tobiyas mari, kaŋko o goɗɗo mawɗo. Lisaafi maajum fuu waɗi cardi kilo ujine sappo e go'o e kaŋŋeeri kilo ujine jowi. 12Ammaa meemgo jawdi man, ɗum toonyaare mawnde dow hooliiɓe nokkuure seniinde e ɗum derfugo tedduŋgal haykaliiru mawndu teddinaandu haa duniyaaru fuu.
Ummaatoore Urusaliima saklaama
13Ngam daliila umrooje laamiiɗo, Eliyodor tokki wi'go sey jawle ɗe ndufe haa ndesaari laamiiɗo. 14Nyalaade nde o ta'ani ɓe sarti, o yehi haykaliiru ngam waɗgo lisaafi jawle gonɗe ton.
Mettamɓeram hippi wuro fuu. 15Liman'en, ɓorniiɓe limce ceniiɗe, cujidi yeeso hirsirde. Ɓe ɗon toro Allah, binnduɗo umroore dow sigaaji, o ayna jawle ngam siguɓe ɗe. 16Ɓerɗe yimɓe laarɓe limanjo mawɗo fuu metti masin: Ngam yeeso maako sannji, waŋgini mettamɓeram. 17Kulol naŋngi mo, ɓanndu maako ɗon diwna, ɗon holla naawreeŋga nga o wontiri yeeso yimɓe fuu. 18Yimɓe ngurti diga calaaje muuɗum'en geɓe geɓe ngam toraago Allah dunca sarru kippotooŋgu haykaliiru. 19Rewɓe ɗuuɗɓe ɗon ɓorni leppi buhuuje, enɗi haa yaasi, ɓe ɗon ngiilo dow laabi. Budurwa'en, suuɗaaɓe nder calaaje, ndoggi haa dammuɗe malla haa feneetir. 20Ɓe fuu maɓɓe ɓe ɓaŋgti juuɗe gal asama, ɓe ɗon toro Allah ngam o hisna ɓe. 21Ɗum huunde yurumnde laargo yimɓe wuro ngo'o ngam ɓe ɗon tallo haa lesdi, ɗon njillindiri, ɗon toro, limanjo mawɗo ɗon nder suno saatuŋgo.
Jawmiraawo hisni haykaliiru mum
22Yaake nde koo moy ɗon toro Jawmiraawo baawɗo hisna jawle ɗe'e, o ayna ɗe ngam siguɓe ɗe nder haykaliiru, 23Eliyodor gal wakeere mum boo, ɗon taasko huuwugo ko ɓe umri mo. 24Nde o ɗonno baŋnge ndesaari haykaliiru bee aynooɓe maako, Jawmu ruuhuuji asama, marɗo baawɗe dow koo ɗume waŋgini huunde hayɗiniinde. Yimɓe marnooɓe cuusal nastugo nder haykaliiru fuu kultori daliila baawɗe Allah ɗe ɓe ngi'i. Ɓe ɗon ndari bana to ɓe ngalaa semmbe, kultoreeŋgol mbari ɓe jokke. 25Ɓe ngi'i puccu ɓorniiŋgu pawne. Ba'iiɗo ngu o kulniiɗo, o ɗon ɓorni sulke kaŋŋeeri. Puccu man diwi bee semmbe e ngu ɓaŋgti kosɗe maagu yeesooje dow Eliyodor. 26Saa'i man nden sukaaɓe ɗiɗo mbaŋgi, semmbiɗɓe, wooɗɓe jamum, ɓorniiɓe limce booɗɗe, ɓe ndari kommbi Eliyodor, gooto gal nyaamo maako, gooto boo gal nano maako, ɓe ɗonno piya mo piyɗe caatuɗe. 27Law Eliyodor do'i haa lesdi, o wonaay nder hakkiilo maako fahin. Ɓe efti mo, ɓe njo'ini mo dow daago. 28Nastuɗo nder suudu ndesaari bee ɗoftooɓe e aynooɓe maako ɗuuɗɓe, o nafataa sam. Yimɓe maako efti mo, ngurtini mo, bana nii koo moy caka maɓɓe annditi maŋngu Allah laaɓɗum tal.
29Bee fiyannde Allah, Eliyodor ɗon waali, wolwataa, o walaa tammunde daɗgo maayde. 30Ammaa yimɓe berniwol maŋgti Allah ngam o hisni babal maako ceniiŋgal. Naane kam, ɓe fuu ɓe ɗon kultori nder haykaliiru, jonta boo, ɓe ɗon bee seyo maŋngo daliila walliinde Jawmiraawo Baawɗo.
Oniyas torani Eliyodor
31Ammaa ɓaawoɗon yimɓe seɗɗa nder ɗoftuɓe Eliyodor tori limanjo mawɗo bi'eteeɗo Oniyas, o toro Allah Baawɗo ngam Eliyodor gonɗo daande maayde. 32Oniyas lii'ani Allah kirseteeŋga ngam o yamɗitina Eliyodor. O ɗonno hula taa laamiiɗo seka Yahuudu'en ngiɗi mbargo nelaaɗo maako.
33Saa'i limanjo mawɗo ɗon lii'ano Allah kirseteeŋga ngam heɓgo yaafuye Allah, sukaaɓe waŋgunooɓe haa haykaliiru, ɓorniiɓe limce booɗɗe go, mbaŋgani Eliyodor fahin. Ɓe ndari kommbi maako, ɓe mbi'i mo: “Sey ngetta Oniyas, limanjo mawɗo, ngam barka maako Jawmiraawo yamɗitini ma. 34Ɓaawo elto wooɗŋgo ngo Allah eltiri ma, yah yeccu yimɓe fuu no baawɗe maako mawniri.” Ɓaawo bolle ɗe'e, ɓe majjiti.
Eliyodor anndini maŋngu Allah
35Nden Eliyodor lii'ani Allah kirseteeŋga, o annini waddango mo dokke ɗuuɗɗe ngam o hisni yoŋki maako. Nden o jaɓɓiti Oniyas, o lortidi bee yimɓe maako haa laamiiɗo. 36O yecci yeeso yimɓe fuu ko Allah baawɗo waɗi, no o yi'i mo bee gite maako.
37Laamiiɗo ƴami mo, moy o foti nelgo haa Urusaliima fahin. Eliyodor jaabi mo: 38“To a ɗon bee konneejo malla goɗɗo toonyuɗo laamu ma, nel mo ton. To o daɗi, o warti a yi'an ɓanndu maako fuu ɓocci, ngam fakat baawɗe Allah ɗon haa nokkuure maajum. 39Allah mo asama ɗon ayna haykaliiru ndu'u, o ɗon hisna ndu, o faɗɗan ndu, o ɗon mbara yiɗɓe nastugo nder maaru bee anniyaaji kalluɗi fuu.” 40Ndaa ko heɓi Eliyodor e no jawdi njo'inaandi nder haykaliiru hisri luuweego.
Currently Selected:
2 Makabe 3: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
2 Makabe 3
3
Faasikaare Simon
1Nder zamanu limanjo mawɗo bi'eteeɗo Oniyas, yimɓe wonɓe nder Urusaliima, berniwol ceniiŋgol, ceyori joonde jam. Ɓe ɗon ɗowtano umrooje, ngam Oniyas ɗon ɗowtano Allah e o ɗon wanya halleende. 2Laamiiɓe maa ɗon camɗina haykaliiru, ɓe ɗon ngaddana ndu caahuuji marɗi saman. 3Bana nii Selewkus laamiiɗo lesdi Asiya ɗon yoɓa bee ceede maako halal ko ɓe kirsata ton fuu. 4Woodi limanjo feere bi'eteeɗo Simon, nder yeɓre Bilga, kaŋko suklani ardaaŋgal haykaliiru. Nden o narraay bee limanjo mawɗo Oniyas dow garamaaji luuɓe berniwol maɓɓe. 5Nde o tawi o waawataa jaalaago Oniyas, o yehi o tawoyi Apolloniyus ɓii Tarseyas, kanyum wonno wakiiliijo mawɗo mo lesdi Siriya maŋngo e Finisiya. 6Ndaa ko o limti: Jawle ɗuuɗɗe ɗon nder haykaliiru haa Urusaliima. Woodi maa ceede ɗuuɗɗe ɗe limataake, ɗe ɓuri ceede kirseteeɗi. En poti jooɗoraago ɗe bana baytal laamu.
Eliyodor nelaama haa Urusaliima
7Nde Apolloniyus yiidi bee laamiiɗo, o anndini mo habaru jawle ɗe Simon tinndini mo. Nden laamiiɗo neli wakiiliijo muuɗum ɓurduɗo mawnugo bi'eteeɗo Eliyodor. O umri mo o yaha haa Urusaliima, o wartira jawle ɗe'e. 8Eliyodor dilli law bee wi'go o yahan laartoygo berniiji Siriya maŋngo e Finisiya, alhaali boo o ɗon yaha ngam huuwugo anniyaaji laamiiɗo.
9Nde o yotti Urusaliima, limanjo mawɗo e yimɓe berniwol man njaɓɓi mo booɗɗum. O anndini ɓe ko waddi mo haa maɓɓe, o yecci ɓe ko ɓe mbi'ata dow ndesaari haykaliiru. Nden o ƴami ɓe to ko ɓe mbi'i man ɗum gooŋga.
10-11Limanjo mawɗo holli mo no bolle ɗe Simon faasikiijo wi'i ɓe fuu ɗum fewre. Fakat woodino jawle nder haykaliiru, ammaa ɗum jawle cigaaɗe ngam rewɓe yurumɓe e atiime'en. Woodino boo ceede ɗe Hirkam ɓii Tobiyas mari, kaŋko o goɗɗo mawɗo. Lisaafi maajum fuu waɗi cardi kilo ujine sappo e go'o e kaŋŋeeri kilo ujine jowi. 12Ammaa meemgo jawdi man, ɗum toonyaare mawnde dow hooliiɓe nokkuure seniinde e ɗum derfugo tedduŋgal haykaliiru mawndu teddinaandu haa duniyaaru fuu.
Ummaatoore Urusaliima saklaama
13Ngam daliila umrooje laamiiɗo, Eliyodor tokki wi'go sey jawle ɗe ndufe haa ndesaari laamiiɗo. 14Nyalaade nde o ta'ani ɓe sarti, o yehi haykaliiru ngam waɗgo lisaafi jawle gonɗe ton.
Mettamɓeram hippi wuro fuu. 15Liman'en, ɓorniiɓe limce ceniiɗe, cujidi yeeso hirsirde. Ɓe ɗon toro Allah, binnduɗo umroore dow sigaaji, o ayna jawle ngam siguɓe ɗe. 16Ɓerɗe yimɓe laarɓe limanjo mawɗo fuu metti masin: Ngam yeeso maako sannji, waŋgini mettamɓeram. 17Kulol naŋngi mo, ɓanndu maako ɗon diwna, ɗon holla naawreeŋga nga o wontiri yeeso yimɓe fuu. 18Yimɓe ngurti diga calaaje muuɗum'en geɓe geɓe ngam toraago Allah dunca sarru kippotooŋgu haykaliiru. 19Rewɓe ɗuuɗɓe ɗon ɓorni leppi buhuuje, enɗi haa yaasi, ɓe ɗon ngiilo dow laabi. Budurwa'en, suuɗaaɓe nder calaaje, ndoggi haa dammuɗe malla haa feneetir. 20Ɓe fuu maɓɓe ɓe ɓaŋgti juuɗe gal asama, ɓe ɗon toro Allah ngam o hisna ɓe. 21Ɗum huunde yurumnde laargo yimɓe wuro ngo'o ngam ɓe ɗon tallo haa lesdi, ɗon njillindiri, ɗon toro, limanjo mawɗo ɗon nder suno saatuŋgo.
Jawmiraawo hisni haykaliiru mum
22Yaake nde koo moy ɗon toro Jawmiraawo baawɗo hisna jawle ɗe'e, o ayna ɗe ngam siguɓe ɗe nder haykaliiru, 23Eliyodor gal wakeere mum boo, ɗon taasko huuwugo ko ɓe umri mo. 24Nde o ɗonno baŋnge ndesaari haykaliiru bee aynooɓe maako, Jawmu ruuhuuji asama, marɗo baawɗe dow koo ɗume waŋgini huunde hayɗiniinde. Yimɓe marnooɓe cuusal nastugo nder haykaliiru fuu kultori daliila baawɗe Allah ɗe ɓe ngi'i. Ɓe ɗon ndari bana to ɓe ngalaa semmbe, kultoreeŋgol mbari ɓe jokke. 25Ɓe ngi'i puccu ɓorniiŋgu pawne. Ba'iiɗo ngu o kulniiɗo, o ɗon ɓorni sulke kaŋŋeeri. Puccu man diwi bee semmbe e ngu ɓaŋgti kosɗe maagu yeesooje dow Eliyodor. 26Saa'i man nden sukaaɓe ɗiɗo mbaŋgi, semmbiɗɓe, wooɗɓe jamum, ɓorniiɓe limce booɗɗe, ɓe ndari kommbi Eliyodor, gooto gal nyaamo maako, gooto boo gal nano maako, ɓe ɗonno piya mo piyɗe caatuɗe. 27Law Eliyodor do'i haa lesdi, o wonaay nder hakkiilo maako fahin. Ɓe efti mo, ɓe njo'ini mo dow daago. 28Nastuɗo nder suudu ndesaari bee ɗoftooɓe e aynooɓe maako ɗuuɗɓe, o nafataa sam. Yimɓe maako efti mo, ngurtini mo, bana nii koo moy caka maɓɓe annditi maŋngu Allah laaɓɗum tal.
29Bee fiyannde Allah, Eliyodor ɗon waali, wolwataa, o walaa tammunde daɗgo maayde. 30Ammaa yimɓe berniwol maŋgti Allah ngam o hisni babal maako ceniiŋgal. Naane kam, ɓe fuu ɓe ɗon kultori nder haykaliiru, jonta boo, ɓe ɗon bee seyo maŋngo daliila walliinde Jawmiraawo Baawɗo.
Oniyas torani Eliyodor
31Ammaa ɓaawoɗon yimɓe seɗɗa nder ɗoftuɓe Eliyodor tori limanjo mawɗo bi'eteeɗo Oniyas, o toro Allah Baawɗo ngam Eliyodor gonɗo daande maayde. 32Oniyas lii'ani Allah kirseteeŋga ngam o yamɗitina Eliyodor. O ɗonno hula taa laamiiɗo seka Yahuudu'en ngiɗi mbargo nelaaɗo maako.
33Saa'i limanjo mawɗo ɗon lii'ano Allah kirseteeŋga ngam heɓgo yaafuye Allah, sukaaɓe waŋgunooɓe haa haykaliiru, ɓorniiɓe limce booɗɗe go, mbaŋgani Eliyodor fahin. Ɓe ndari kommbi maako, ɓe mbi'i mo: “Sey ngetta Oniyas, limanjo mawɗo, ngam barka maako Jawmiraawo yamɗitini ma. 34Ɓaawo elto wooɗŋgo ngo Allah eltiri ma, yah yeccu yimɓe fuu no baawɗe maako mawniri.” Ɓaawo bolle ɗe'e, ɓe majjiti.
Eliyodor anndini maŋngu Allah
35Nden Eliyodor lii'ani Allah kirseteeŋga, o annini waddango mo dokke ɗuuɗɗe ngam o hisni yoŋki maako. Nden o jaɓɓiti Oniyas, o lortidi bee yimɓe maako haa laamiiɗo. 36O yecci yeeso yimɓe fuu ko Allah baawɗo waɗi, no o yi'i mo bee gite maako.
37Laamiiɗo ƴami mo, moy o foti nelgo haa Urusaliima fahin. Eliyodor jaabi mo: 38“To a ɗon bee konneejo malla goɗɗo toonyuɗo laamu ma, nel mo ton. To o daɗi, o warti a yi'an ɓanndu maako fuu ɓocci, ngam fakat baawɗe Allah ɗon haa nokkuure maajum. 39Allah mo asama ɗon ayna haykaliiru ndu'u, o ɗon hisna ndu, o faɗɗan ndu, o ɗon mbara yiɗɓe nastugo nder maaru bee anniyaaji kalluɗi fuu.” 40Ndaa ko heɓi Eliyodor e no jawdi njo'inaandi nder haykaliiru hisri luuweego.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.