2 Makabe 13
13
Antiyokus mbari Menelas
1Nder hitaande 149, Yahuuda e yimɓe mum keɓi habaru no Antiyokus Epator ɗonno yaha hippaago Yahudiya bee sooje'en ɗuuɗɓe. 2Laamiiɗo e Lisiyas, arano nder wakiili'en ngomna maako, cuklaniiɗo mawningo mo, ɗonno ɗofta mo. Koo moy maɓɓe ardini sooje'en Yunaniŋke'en yahooɓe bee kosɗe ko dillanta ujine teemerre e sappo e wa'iiɓe pucci boo ujine njowo e teemeɗɗe tato, nyiibi boo noogas e ɗiɗi e mootaaji kuno boo teemeɗɗe tati marɗi balmi.
3Menelas hawtani ɓe e bee faasikaare ɗuuɗnde o fuufi laamiiɗo yahgo. O tammino numo ngo'o wooɗi ngam lesdi maako, asee boo o yiɗno lorniteego haa kuugal maako ngal hooreejo liman'en. 4Ammaa Jawmiraawo laamiiɗo laamlaamɓe ummini tikkere Antiyokus dow Menelas. Nde Lisiyas waŋgini no mbaroowo ko'e oo woni bososel sarruuji ɗi ngonduɗen, laamiiɗo umri ɓe njahra Menelas haa Beere e ɓe mbara mo fodde al'aadaaji nokkuure man.
5Haa wuro man, woodino suudu aynirdu towndu, darnde maaru waɗi meetir noogas e jowi, ndu ɗon heewi ndoondi. Dow maaru woodi girlirɗum e nder mum ɓe moostoto gal toy fuu nder ndoondi. 6Haa ton ɓe mba'inta yimɓe ɓoftooɓe kuuje nder cuuɗi dewe malla waɗɓe hakkeeji naawɗi: Ɓe ngerɓa ɓe, ɓe maaya nder ndoondi. 7Ndaa ko tawi Menelas keefeero, o maayi, o heɓaay uweego. 8Ɗum haandani mo ngam o waɗi hakkeeji ɗuuɗɗi heedi hirsirde Jawmiraawo, nde yiite mum e ndoondi mum ceniiɗum, nder ndoondi man o maayi boo.
Jaalorgal Yahuuda dow Antiyokus haa Moodin
9Laamiiɗo Antiyokus tokki jahaaŋgal mum, nafsu maako heewi numooji kalluɗi: O nufi yarnugo Yahuudu'en torraaji ɓurɗi naawgo ɗi baaba maako yarnino ɓe. 10Nde Yahuuda nani haala nan, o ewni yimɓe jama'aare maako, ɓe toro Jawmiraawo jemma e naaŋge, ngam o walla ɓe fahin ko ɓuri naane. 11Ɓe ngiɗno haɗgo ɓe huuwtinirgo Tawreeta, haɗgo ɓe lesdi maɓɓe e haykaliiru maɓɓe seniindu. Yaake man yimɓe jama'aare puɗɗino feecaago seɗɗa, ɓe kuli taa Allah ɗala ɓe ɓe lorto haa juuɗe heefeerɓe halluɓe ɓe'e. 12Ndaa ko ɓe ngaɗi hawtaade: Nder nyalɗe tati, ɓe cujidani Allah bilaa ummaago sam, ɓe tori mo, ɓe ilni gonɗi e ɓe cuumi. Ɓaawoɗon, Yahuuda wolwani ɓe, o umri ɓe ɓe taaskano konu.
13Nde o sarwootiri bee ndotti'en, Yahuuda ummini jahaaŋgal ngam waɗgo konu bee baawɗe Allah, o reenaay sooje'en laamiiɗo kippo Yahudiya malla njaɓta Urusaliima. 14Nii non, o waati hoolaare maako haa Allah tagɗo duniyaaru. O umri yimɓe maako, ɓe kaɓana al'aadaaji maɓɓe e ladabuuji maɓɓe bee cuusal sey yotto maayde, ɓe kaɓa ngam Urusaliima e haykaliiru mum e ngam lesdi maɓɓe.
Yahuuda saŋngini sooje'en mum les wuro Moodin, 15o umri sooje'en maako ɓe njogo kalimawol “Allah jaaloto!” O suɓtindiri caka suka'en, ɓurdanɓe margo ngorgu e bee jemma o hippoyi nokkuure weerde konne'en, gal wakeere daŋki laamiiɗo, o mbari yimɓe ko dillani ujine ɗiɗo. Fahin ɓe mbari nyiiwa ɓurduŋga mawnugo bee ba'otooɗo nga. 16Kultoreeŋgol naŋngi konne'en haa saŋngeere maɓɓe. Ɓaawo jaaleeki man Yahuuda e yimɓe mum ummi ndilli, 17subaha. Ɓe keɓi jaalorgal man ngam Jawmiraawo walli ɓe, faddi ɓe.
Antiyokus yaafotiri bee Yahuudu'en
18Hujja kaaɗka kollanka cuusal Yahuudu'en he'i laamiiɗo Antiyokus. O tefi nyaamgo babe maɓɓe bee dabare. 19O hippoyi Bayti-Sur, suudu Yahuudu'en semmbiɗndu aynaandu booɗɗum, ammaa ɓe parti mo. O lorti, ɓe njaali mo fahin. 20Yahuuda heɓi yerɓango Yahuudu'en hippaaɓe ko ɓe marata haaje. 21Nden soojeejo Yahuuduujo bi'eteeɗo Rodukus fefti sirriiji konu haa konne'en maɓɓe. Ɓe tefi mo, ɓe naŋngi mo, ɓe mbari mo. 22Laamiiɗo tefi wolididgo bee aynooɓe Bayti-Sur ɗiɗawre, o hokki ɓe sulhu nder jam, ɓe njaɓi, o sottini sooje'en maako. 23Nden o wayliti sooje'en maako, o tiiti Yahuuda e yimɓe mum, ammaa o jaalaama.
Laamiiɗo ɗalno Filip haa Antakiya, ngam o suklano kuuɗe laamu. Nde o nani Filip tuurtani mo, o sakli jamum, o safti, o tefi sulhu bee Yahuudu'en, o hokki ɓe ko ɓe ƴami fuu. O huni o acca ɓe ɓe tokko Tawreeta maɓɓe. Haa o holla ɓe sulhu man, o lii'i kirseteeŋga e o teddini haykaliiru bee hokkugo dokke ɗuuɗɗe, 24o jaɓɓi Yahuuda Makabe jaɓɓaama mbooɗŋga.
Ɓaawoɗon, laamiiɗo suɓi Ejemonid ngam o laato ngomnaajo haa taƴre lesdi man njaasndi diga Potolemayis haa yotti Gerra. 25O yehi bee hoore maako haa Potolemayis, yimɓe wuro man ɓernino daliila alkawal ngal o haɓɓi bee Yahuudu'en, ɓe ɓerni jamum haa ɓe ƴami ɓe piista alkawal nga'al. 26Nden Lisiyas wolwi yeeso yimɓe fuu, o holli booɗɗum alkawal man, o wafti yimɓe wuro man, o de'itini ɓe. Nden o dilli haa Antakiya.
Ndaa ko saali yaake kippuki Antiyokus e noy o wurtiniri hoore maako.
Currently Selected:
2 Makabe 13: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
2 Makabe 13
13
Antiyokus mbari Menelas
1Nder hitaande 149, Yahuuda e yimɓe mum keɓi habaru no Antiyokus Epator ɗonno yaha hippaago Yahudiya bee sooje'en ɗuuɗɓe. 2Laamiiɗo e Lisiyas, arano nder wakiili'en ngomna maako, cuklaniiɗo mawningo mo, ɗonno ɗofta mo. Koo moy maɓɓe ardini sooje'en Yunaniŋke'en yahooɓe bee kosɗe ko dillanta ujine teemerre e sappo e wa'iiɓe pucci boo ujine njowo e teemeɗɗe tato, nyiibi boo noogas e ɗiɗi e mootaaji kuno boo teemeɗɗe tati marɗi balmi.
3Menelas hawtani ɓe e bee faasikaare ɗuuɗnde o fuufi laamiiɗo yahgo. O tammino numo ngo'o wooɗi ngam lesdi maako, asee boo o yiɗno lorniteego haa kuugal maako ngal hooreejo liman'en. 4Ammaa Jawmiraawo laamiiɗo laamlaamɓe ummini tikkere Antiyokus dow Menelas. Nde Lisiyas waŋgini no mbaroowo ko'e oo woni bososel sarruuji ɗi ngonduɗen, laamiiɗo umri ɓe njahra Menelas haa Beere e ɓe mbara mo fodde al'aadaaji nokkuure man.
5Haa wuro man, woodino suudu aynirdu towndu, darnde maaru waɗi meetir noogas e jowi, ndu ɗon heewi ndoondi. Dow maaru woodi girlirɗum e nder mum ɓe moostoto gal toy fuu nder ndoondi. 6Haa ton ɓe mba'inta yimɓe ɓoftooɓe kuuje nder cuuɗi dewe malla waɗɓe hakkeeji naawɗi: Ɓe ngerɓa ɓe, ɓe maaya nder ndoondi. 7Ndaa ko tawi Menelas keefeero, o maayi, o heɓaay uweego. 8Ɗum haandani mo ngam o waɗi hakkeeji ɗuuɗɗi heedi hirsirde Jawmiraawo, nde yiite mum e ndoondi mum ceniiɗum, nder ndoondi man o maayi boo.
Jaalorgal Yahuuda dow Antiyokus haa Moodin
9Laamiiɗo Antiyokus tokki jahaaŋgal mum, nafsu maako heewi numooji kalluɗi: O nufi yarnugo Yahuudu'en torraaji ɓurɗi naawgo ɗi baaba maako yarnino ɓe. 10Nde Yahuuda nani haala nan, o ewni yimɓe jama'aare maako, ɓe toro Jawmiraawo jemma e naaŋge, ngam o walla ɓe fahin ko ɓuri naane. 11Ɓe ngiɗno haɗgo ɓe huuwtinirgo Tawreeta, haɗgo ɓe lesdi maɓɓe e haykaliiru maɓɓe seniindu. Yaake man yimɓe jama'aare puɗɗino feecaago seɗɗa, ɓe kuli taa Allah ɗala ɓe ɓe lorto haa juuɗe heefeerɓe halluɓe ɓe'e. 12Ndaa ko ɓe ngaɗi hawtaade: Nder nyalɗe tati, ɓe cujidani Allah bilaa ummaago sam, ɓe tori mo, ɓe ilni gonɗi e ɓe cuumi. Ɓaawoɗon, Yahuuda wolwani ɓe, o umri ɓe ɓe taaskano konu.
13Nde o sarwootiri bee ndotti'en, Yahuuda ummini jahaaŋgal ngam waɗgo konu bee baawɗe Allah, o reenaay sooje'en laamiiɗo kippo Yahudiya malla njaɓta Urusaliima. 14Nii non, o waati hoolaare maako haa Allah tagɗo duniyaaru. O umri yimɓe maako, ɓe kaɓana al'aadaaji maɓɓe e ladabuuji maɓɓe bee cuusal sey yotto maayde, ɓe kaɓa ngam Urusaliima e haykaliiru mum e ngam lesdi maɓɓe.
Yahuuda saŋngini sooje'en mum les wuro Moodin, 15o umri sooje'en maako ɓe njogo kalimawol “Allah jaaloto!” O suɓtindiri caka suka'en, ɓurdanɓe margo ngorgu e bee jemma o hippoyi nokkuure weerde konne'en, gal wakeere daŋki laamiiɗo, o mbari yimɓe ko dillani ujine ɗiɗo. Fahin ɓe mbari nyiiwa ɓurduŋga mawnugo bee ba'otooɗo nga. 16Kultoreeŋgol naŋngi konne'en haa saŋngeere maɓɓe. Ɓaawo jaaleeki man Yahuuda e yimɓe mum ummi ndilli, 17subaha. Ɓe keɓi jaalorgal man ngam Jawmiraawo walli ɓe, faddi ɓe.
Antiyokus yaafotiri bee Yahuudu'en
18Hujja kaaɗka kollanka cuusal Yahuudu'en he'i laamiiɗo Antiyokus. O tefi nyaamgo babe maɓɓe bee dabare. 19O hippoyi Bayti-Sur, suudu Yahuudu'en semmbiɗndu aynaandu booɗɗum, ammaa ɓe parti mo. O lorti, ɓe njaali mo fahin. 20Yahuuda heɓi yerɓango Yahuudu'en hippaaɓe ko ɓe marata haaje. 21Nden soojeejo Yahuuduujo bi'eteeɗo Rodukus fefti sirriiji konu haa konne'en maɓɓe. Ɓe tefi mo, ɓe naŋngi mo, ɓe mbari mo. 22Laamiiɗo tefi wolididgo bee aynooɓe Bayti-Sur ɗiɗawre, o hokki ɓe sulhu nder jam, ɓe njaɓi, o sottini sooje'en maako. 23Nden o wayliti sooje'en maako, o tiiti Yahuuda e yimɓe mum, ammaa o jaalaama.
Laamiiɗo ɗalno Filip haa Antakiya, ngam o suklano kuuɗe laamu. Nde o nani Filip tuurtani mo, o sakli jamum, o safti, o tefi sulhu bee Yahuudu'en, o hokki ɓe ko ɓe ƴami fuu. O huni o acca ɓe ɓe tokko Tawreeta maɓɓe. Haa o holla ɓe sulhu man, o lii'i kirseteeŋga e o teddini haykaliiru bee hokkugo dokke ɗuuɗɗe, 24o jaɓɓi Yahuuda Makabe jaɓɓaama mbooɗŋga.
Ɓaawoɗon, laamiiɗo suɓi Ejemonid ngam o laato ngomnaajo haa taƴre lesdi man njaasndi diga Potolemayis haa yotti Gerra. 25O yehi bee hoore maako haa Potolemayis, yimɓe wuro man ɓernino daliila alkawal ngal o haɓɓi bee Yahuudu'en, ɓe ɓerni jamum haa ɓe ƴami ɓe piista alkawal nga'al. 26Nden Lisiyas wolwi yeeso yimɓe fuu, o holli booɗɗum alkawal man, o wafti yimɓe wuro man, o de'itini ɓe. Nden o dilli haa Antakiya.
Ndaa ko saali yaake kippuki Antiyokus e noy o wurtiniri hoore maako.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.